香港娛樂圈猛鬼錄
梁思浩人車怪談 屯門公路 未算最猛 標籤 : 怪談 , 清水灣道 , 壁屋 , 德國 , 屯門公路 , 屯門 , 清水灣 , 天后 , 大角咀 , 旺角 , 元朗 , 香港 , 靈異節目 , 盂蘭節 , 亂葬崗 , 鬼節 , 報紙 , 心情 , 怪事 , 靈界 , 科學 , 義莊 , 鬼 , 龍 , 符 , 可能首代鬼王雷宇揚忙住拍《陰陽路》第一千零七十集,可能龍婆同宗握完手後法力全失;講起農曆七月十四鬼節,我淨係諗起有線《怪談》做到有 Fans Club梁思浩。訪問前,公關小姐同我講話思浩有幾架車唔知佢邊架,聽到呢度,有腳有下巴我,暗自斷定佢係車迷。點知晚入到元朗荒蕪之地搵思浩,夜麻麻靜英英,昏暗淡黃街燈映照下,見到有個黑影挨住架平治 C200陰滋滋同我講:「查實清水灣道最猛,仲有,我……其……實……唔鍾意車……」嘩?咁邪?文:嘴嚼爺 攝影:陳陶鈞 黑色車非不祥 車人士或多或少都會諗過,假使深宵時分車,遇到長髮飄飄白袍物體伸手截車,到底停唔停好?以為做慣靈異節目思浩,會大講燒符、桃木劍之類應付方法,點知佢好理性咁話:「我唔會不顧而去,但只會拉低三分一車門玻璃睇發生乜事。因為幫人都要保障自己, Lock好門拉低少少玻璃,有咩事佢唔可以成個身挨入。」原來唔當佢係鬼,「我信有鬼,但咩色車襯咩人、咩車容易撞到靈體我就唔信,人話發生意外多數係黑色車,其實可能係夜晚黑色車令人不為意,咁解釋會科學。我就鍾意深色或銀色,冇得解。」 不愛車愛儲車 鍾意跑車、四驅定房車?拍完兩組有線劇《補習天后》蛇出做訪問思浩話:「我真係冇所謂。」聽講你有幾架車喎?「哈哈,都唔算好多。其實我唔太鍾意車,亦唔鍾意遊車河,有時返工都坐保母車,係《蘋果》話影相我先咋。」無三不成幾,仲要全屬同一德國名牌,錢真係咁易搵?「我幫襯呢個牌子20年喇, A級、 C級都買過,覺得佢最安全可靠同售後服務好。車我只係用代步,安全可靠同襟用最緊要。」 新牌 Civic 中學時代睇《城市故事》,陣梁思浩得17歲,成年即去考牌:「新牌買車有咁平得咁平,我陣架 Civic前後左右唔係揩花就凹,3個月先換架二手平治 E190,之後就冇轉過其他牌子車。」幾架平治揀,方便襯衫?「日人多咪用大車,人少就細車。最常用係呢架 C200,方便同埋細架!我從來冇追求過速度,淨係諗萬一遇到意外,保住自己條命最緊要。6、7年前有架 C240,陪我好長歲月,仲有一陣熟悉味道,到最後去俾人我都好唔捨得,心情好差,我仲記得車牌係9818。」 清水灣道多怪事 間間學校都係亂葬崗,等於同親車有關鬼古都屯門公路發生。但係思浩話屯公非最猛:「由壁屋至飛鵝山段清水灣道,我聽過太多朋友呢段路遇到怪事喇。可能冇乜人知,原來飛鵝山尾有個義莊,係全香港第二最有歷史義莊……」 鬼古陸續 有線冇英超但有思浩《怪談》,所以我唔 Cut住。追求刺激又冇裝有線,不如追《蘋果》車版一連6日車恐怖經歷,仲有師傅路避開靈界朋友! 1.阿婆跟足三個月 當年有個同事拍緊套醫生戲,佢做醫生做到出晒名,晚晚3、4點先放工,有晚去到壁屋附近,不經意望一望倒後鏡,竟見到個阿婆後座!佢話刻淨係不斷諗:「跟住會點?跟住會點呀?」點知去到飛鵝山就唔見。套劇拍足三個月,個阿婆就坐足三個月! 2.扭避鬼撞到人 又係壁屋頭,有個男同事凌晨3點幾收工,轉上超市邊突然見到有阿伯過馬路,當下扭避開,點知另一邊又有人,最後撞死佢,回頭望唔見阿伯,當時報紙都有賣。最後佢去返度打兩堂齋俾死者同「阿伯」。 3.最後,親身車鬼經歷 有次大角嘴港灣豪庭附近,載完朋友返屋企,突然好強烈感覺有「人」上車,猶豫好耐望唔望倒後鏡,最後雖然望唔到有異狀,但就肯定有坐後座。其實我最怕落旺角,晚我就特登過去,兜番幾個圈先返屋企。 | ||||||||||||||
| ||||||||||||||
| ||||||||||||||