Cyber X-files - Powered by Discuz! Board

標題: 第六感? [打印本頁]

作者: 邪惡之首 時間: 2005-11-23 08:51 PM 標題: 第六感?

呢件事由某日開始發生
話說果日我同我媽咪去餐廳食野(回轉壽司),當我入到去門口果時見到一個人既背影好似我朋友,但果個人以經走左出餐廳
我心諗...咁似丫邊個既
當我坐低果陣丫邊個就正正咁坐係我左手邊
由呢一日開始奇怪既事就不段發生
我坐地鐵轉車出站果陣忽然諗..會唔會掉左部電話落地鐵果條哪
跟住行到去等車...有d工作人員打開對門好似搵野咁
點知真係有人掉左部電話落條哪到
有日行行下見到件衫幾靚,但我又無買
返到屋企我丫媽景然買左果件衫
有日返到屋企聽返星期五果個恐怖熱線
聽到話美國紐約有事發生
咁我就唔知點解好無聊地係msn既網誌打左句"美國會被燃燒，地點:紐約
第二日睇新聞就睇到..
http://hk.news.yahoo.com/051018/12/1hsk3.html
可能係咁o岩
但之前果d又點解呢..
仲有好多細微既事
唔知呢d叫預知能力定係第六感?
定係真係咁o岩得咁橘?!
次次都係我忽然諗到果樣野就真係發生左
唔知你地有冇人同我一樣?

作者: cherrybb 時間: 2005-11-24 01:37 PM 標題: 第六感?

可能真係咁岩得咁Q....大火...or火警,成日都會發生,,
會唔會係你呢排睇預言睇得多(有一個話美國會被燃燒),日有所思,夜有所dream都不定...
~以上純粹個人之見~
我都試過,,,F.1.0個時,,十年前喇,,,,我暗戀一個同班男同學,,,,,,
大家都係住同區,,,
上上下堂,有一剎那,我覺得我同佢會係幼稚園同學,,,,係好強0既感覺...唔知點解,,,,
點知,,,,,,我之後問佢,,,,,,你讀邊間幼稚園....
點知,,,,真係!!!!!!
到而家都好記得!

作者: 邪惡之首 時間: 2005-11-24 08:16 PM 標題: 第六感?

我又唔係成日睇
都唔會日有所思
係果日聽完唔知點解打左句咁既野就真係中左
咁之前果d又點解釋呢?
果種感覺係忽然諗到一樣野
跟住就中左

作者: 劍 時間: 2005-11-25 02:23 PM 標題: 第六感?

我都試過....唔知係唔係呢
我返學要經屋企樓下迴旋處
因為有建築遮住，所以睇唔倒有冇車出
有日朝早就行出迴旋處時見倒迴旋處口有好似巴士咁高o既車
高出個遮住o既建築物
即時諗有架車出緊黎有架車出緊黎
所以行慢左，好彩行慢左有架私家車響我前面過
架車渣得好順如果撞倒應該唔會死不過都會好傷
後來諗番自己好荒謬，點會有巴士響o個道出入(屋村入面黎)
不過o個一刻只係諗住有車，咩都冇諗清楚

作者: SGRLTO 時間: 2005-11-25 05:40 PM 標題: 第六感?

我都有..成日架!!我哥成日唔信咁,個感覺真係好特別!!!真係好神奇

作者: 邪惡之首 時間: 2005-11-25 06:11 PM 標題: 第六感?

原來咁多人試過
但我之前係未試過
自從果次之後就成日都係咁
SGRLTO,你既經歷係點樣?
可以分享一下嗎

作者: WONG-CT 時間: 2005-12-2 03:03 PM 標題: 第六感?

我試過一次同女友一齊等巴士,
係大馬路上面等有好多巴士會經過同停站,
而架巴士係要經過遂道口出來的,
跟住我突然聽到果架我地要等既巴士既引擎聲,
係我耳邊好清楚咁聽到,同其他巴士聲唔同,
而我當時就同女友講有車啦,我女友當時都唔係好信,
連隔離幾個人都聽到,果D人係到當我耳邊風,
點知就係果個時間大家都離送見到架巴士係遂道口出緊來(大約有50米左右),
跟住果幾個人都呆左咁望左我一陣........好似重係唔信咁......
我以前D第6 感好準架......試過買六合彩,突然有三個數字係個腦度出現,
我就跟住買.....點知真係頭三個開出來的字就中了....但之後果幾個字就一個都唔中...

歡迎光臨 Cyber X-files (http://cyberxfiles.com/cyberx/)