Cyber X-files - Powered by Discuz! Board

標題: 有冇試過成班人一齊撞鬼? [打印本頁]

作者: bb1976728 時間: 2005-9-9 12:19 AM 標題: 有冇試過成班人一齊撞鬼?

又回憶在中學時期,學校在橫頭磡某一中學,當時認識了隔離班幾位女生,在某一個晚上,大家相約到某女生家玩,當時有三女兩男(其中一男係我)!(分別簡稱:屋主:Cat,我:阿鬼,男:大粒痣,女生:阿芬同珠珠)大家在放學後到阿Cat慈雲山的家玩!當到達了樓下時,大家都己經覺得怪怪的,就是整條村都沒有幾個人,細問阿Cat為什麼人沒有幾個?D人又好似搬走曬!阿Cat就話:其實呢度就黎拆,大部份都搬左去新屋村那,其實我屋企都搬左,同你地玩更係返舊屋玩啦!又唔使比阿媽話,又唔嘈到人,入夜又刺激!
之後大家都往她家去,到了5樓她家處發現那走廊好長,人影都沒一個除了我們,進入她家沒什麼異樣,我們起初玩啤牌,之後到了黃昏時段,阿Cat要求關燈講鬼故,原先阿芬同珠珠都話唔好,但阿Cat堅持,之後就開始熄燈講鬼故,我們透過微微的神位燈圍在一起開始講鬼故事,講下一個講下一個..............不知什麼時候門外傳來撞鐵閘聲,我好奇開了木門在鐵閘往外看看不見有人,當時大家已有少許騖,但我們並未受此影響繼續講,而珠珠建議開?木門比較好,那我就把木門開?!
過了一會,在走廊傳出小孩在踢波的聲音,我立即往鐵閘外看,並沒有人,阿芬哭起來了,之後我提議大家立即走,當阿Cat用匙開門之際,那神檯燈突然熄掉,大家都十分騖慌,而大粒痣帶頭往樓梯跑,而我和阿Cat最尾(要保護女生嗎!由其是她),最經典都是往樓梯向下跑的時間了!大家一路跑,跑呀跑都還沒到樓下,阿Cat叫大家念南無阿彌陀佛,之後大家才到地下!
到底在跑樓梯期間是交錯時空,定被鬼迷?(我們約跑了10層樓)
小孩踢波及撞閘聲又點解釋?(原來得知那時5樓全部搬走曬)
[hidepoll]

作者: browneyes 時間: 2005-9-9 12:38 PM 標題: 有冇試過成班人一齊撞鬼?

咁猛@@?係米自己嚇自己咋??
你知d舊樓好傳聲ga拉~
而且你地重係度講鬼故~
咁心理上都驚左一大半先拉~

作者: pocky 時間: 2005-9-16 07:26 PM 標題: 有冇試過成班人一齊撞鬼?

有，撞鬼只是平常事，
但曾與我一起遇鬼的朋友沒有一個驚，
因為真的平常得很了，
鬼，有值得令人驚之處嗎 ?
非也，只有少見多怪，多見不怪，
就會見怪不怪，自然奇怪自敗。

作者: slayer 時間: 2005-9-16 07:37 PM 標題: 有冇試過成班人一齊撞鬼?

I disagree. When you encounter such horrible expenience, can you just ignore it?? I mean seeing something not to be shock is one thing but have such weird moment of life (the one that the topic starteer state) can you not to be afriad???

作者: ClaireShan 時間: 2005-9-22 09:18 PM 標題: 有冇試過成班人一齊撞鬼?

試過有次去蝴蝶灣燒野食，咁計埋我有6個人，咁有兩個朋友飲醉左，傻下傻下咁話去玩跳浪，比佢地跳左幾秒，我地都係怕佢地跳下跳下跳左出海，就拉番佢地返黎la，咁行番入去個陣時見到有個男人行左出海，咁點知行到十步左右，我望番轉頭，個男人唔見左.....我即刻望住我另一個朋友，雖然我地冇出聲，但係我地大家都知對方都望到d野，之後我地即刻行去燒烤場個度，我個個朋友喊到收唔到聲。事後個fd話比我知，原來佢見唔到個男人行過黎，但係佢一擰轉頭就見到個男人係佢後面，佢個陣時扮睇唔到，之後佢又聽到個男人叫我另一個朋友個名law....我個朋友話以後都唔去個度燒野食la。

作者: bb1976728 時間: 2005-9-29 01:42 AM 標題: 有冇試過成班人一齊撞鬼?

下面引用由ClaireShan在 2005/09/22 09:18pm 發表的內容：
試過有次去蝴蝶灣燒野食，咁計埋我有6個人，咁有兩個朋友飲醉左，傻下傻下咁話去玩跳浪，比佢地跳左幾秒，我地都係怕佢地跳下跳下跳左出海，就拉番佢地返黎la，咁行番入去個陣時見到有個男人行左出海，咁點知行...

唔係噤猛嘩~嚇死人咩突然喺後面,之後你朋友有冇事丫嗎?
希望你同你朋友都無事啦!吉人天相
如果有嘢突然叫你地個名千奇唔好擰過去
要擰就全身一齊擰,知嗎?

作者: BABABEBE 時間: 2005-10-7 01:41 AM 標題: 有冇試過成班人一齊撞鬼?

我以前成日同啲師兄弟上摩星嶺,寶雲道,荔枝莊捉鬼,咁都係一大班人,不過就係捉而唔係撞囉!

作者: pocky 時間: 2005-10-7 10:22 PM 標題: 有冇試過成班人一齊撞鬼?

下面引用由BABABEBE在 2005/10/07 01:41am 發表的內容：
我以前成日同啲師兄弟上摩星嶺,寶雲道,荔枝莊捉鬼,咁都係一大班人,不過就係捉而唔係撞囉!

係呀 !
識捉鬼咁叻架你，咁捉唔捉到呀 ?
還有你捉黎有咩用架 ?
係唔係捉黎賣到錢先 !?

作者: channick 時間: 2005-10-8 12:59 PM 標題: 有冇試過成班人一齊撞鬼?

我就無試過
不過我有班fd試過差唔多成10個人一齊中招
我就係第二日聽返之後都覺得佢地當時既情形都幾得人驚

作者: Justinkinson 時間: 2005-10-15 12:44 AM 標題: 有冇試過成班人一齊撞鬼?

我去camp果時見到人有好似撞左鬼咁!!
不過我到而家死都唔信!!~因為唔似~
如果係成班人就未試過喇!!~

作者: 眼睛１２３ 時間: 2005-10-15 09:30 AM 標題: 有冇試過成班人一齊撞鬼?

有时候人太多反而遇不到哪种东西像1到2个人就行了!~~~如果你想尝试的话

作者: lareine 時間: 2005-10-19 11:27 AM 標題: 有冇試過成班人一齊撞鬼?

I am cello class member when I was junior form student .
Someday, my classmates, teacher and I talked something about ghost. It's about 6pm and there were just a few people ,maybe less than three, in the playground.
we stayed in the music room which on the 7th floor, it's impossible that people would outside the music room.
While we were talking some ghost stories, we heard some noise, just like someone walking through the corridor and stopped outsides the music room.
we opened the door, nobody here. But we still heard the noise near us.
We were afraid so we left school as soon as possible.
We never talked the ghost stories in during lessons again

作者: mkik 時間: 2005-10-24 11:04 PM 標題: 有冇試過成班人一齊撞鬼?

下面引用由眼睛１２３在 2005/10/15 09:30am 發表的內容：
有时候人太多反而遇不到哪种东西像1到2个人就行了!~~~如果你想尝试的话

咁又唔係喎, 我細個時好鍾意去乜乜社區中心玩, 個中心係每個人一入內就放下證件, 咁我地嗰陣有約7個人企咗門口, 同詢問處的姐姐傾計, 當我地大家傾到咁上下時, 我感覺好似有人要從中心內出來, 之後我便行過一些,而這時個姐姐都準備好證件, 但當我擰轉頭望後時看到一團白煙從中心內穿過玻璃門飛出門外. 這時我都嚇傻了, 沒有任何發聲, 但過了約一分鐘我問同場的人有無見到什麼東西, 佢地都話見到有野站在我背後一陣就飛了出外, 這時每個人驚到唔敢去洗手間, 返屋企都要人陪, 所以唔一定係少人先見到, 多人都會架. 而且個日仲係中午添, 你話邪唔邪!

作者: 米飯 時間: 2005-10-25 06:50 AM 標題: 有冇試過成班人一齊撞鬼?

其實我住橫頭磡架喎,你讀那間中學.
我可能係你師兄架.
撞鬼來講呢,我就好少,而且絕對係自己一人即.

作者: bb1976728 時間: 2005-10-25 11:57 PM 標題: 有冇試過成班人一齊撞鬼?

米飯兄,我是在1992年畢業于C.C.C.XXXXX,School的啊!你是嗎?
我以前住第8座的!

作者: 米飯 時間: 2005-10-26 10:06 AM 標題: 有冇試過成班人一齊撞鬼?

我就讀L.S.T. ykh.8x年畢業.
住十八座oh.oh.......
不是了.

作者: bb1976728 時間: 2005-10-31 03:01 AM 標題: 有冇試過成班人一齊撞鬼?

下面引用由mkik在 2005/10/24 11:04pm 發表的內容：
咁又唔係喎, 我細個時好鍾意去乜乜社區中心玩, 個中心係每個人一入內就放下證件, 咁我地嗰陣有約7個人企咗門口, 同詢問處的姐姐傾計, 當我地大家傾到咁上下時, 我感覺好似有人要從中心內出來, 之後...

日光日白見到不足為奇!
我太太曾經在屯門碼頭燒嘢食去廁所見到兩個白色小妹妹人影行入廁所,
之後都見唔到果兩個女孩出黎!當時係中午時份!

作者: 十五 時間: 2005-11-5 03:57 PM 標題: 有冇試過成班人一齊撞鬼?

在下也曾試過一回呢．．
大概在１０時左右跟一群朋友去踏單車
我們大概玩至凌晨３時左右
但在期間我１２位朋友
竟連續一個接一個地發生意外
之後．．有一縷縷的白煙在眾人身後冒起
此時我們心知不妙各人自散回家∼
但回家中途在下竟然在馬路中心翻身
幸好有一位駕駛ＧＴ－Ｒ的年輕人．．送我去醫院
後來發覺那人竟是在下的契哥

作者: 亞謝 時間: 2005-11-10 05:27 PM 標題: 有冇試過成班人一齊撞鬼?

唔係呀~~
做咩咁夠膽~去d咁小人氣ge地方玩嫁~

作者: 五眼仔 時間: 2005-11-10 06:41 PM 標題: 有冇試過成班人一齊撞鬼?

下面引用由BABABEBE在 2005/10/07 01:41am 發表的內容：
我以前成日同啲師兄弟上摩星嶺,寶雲道,荔枝莊捉鬼,咁都係一大班人,不過就係捉而唔係撞囉!

係喎,咁捉左之後你地會有咩用呀??點處置"佢"架??
捉鬼??你地知果度有鬼而去捉呀??定係有人請你地去捉呀??
咁有無遇到一D係好難捉或好勁既鬼呀??
可唔可以講D經歷黎分享下呀!!??

作者: 五眼仔 時間: 2005-11-10 06:44 PM 標題: 有冇試過成班人一齊撞鬼?

下面引用由channick在 2005/10/08 12:59pm 發表的內容：
我就無試過
不過我有班fd試過差唔多成10個人一齊中招
我就係第二日聽返之後都覺得佢地當時既情形都幾得人驚

咁可唔可以講黎分享下呀,你講到咁....我好想知呀!!!!!!

作者: 卍死神卍 時間: 2005-11-11 07:39 PM 標題: 有冇試過成班人一齊撞鬼?

唔知尼件事算唔算撞野
事情是這樣的:個日,大約年前,我同o的fd係fanling和合石後面的山摘楊桃,摘下摘下見到有棵楊桃樹有好多楊桃,呾我同人就更係去摘架啦,點知下面有個骨灰x,唔埋佢,照摘,一會,山邊有很大聲的叫,不知是什麼來的,由於都差唔多天黑,我地驚就走左,出到樓下仲咁大聲,那種聲不是刺耳,而是很沉音的,每隔25-30s先停一下,約停2-3s,有人在問是什麼聲,我地更係唔知架啦,地下係有震盪,我問過住係隔離屋村的fd,佢都話聽到,可想是多麼大聲的,叫左成3個字先停左,唔知算唔算撞野,其實從前都有試過,只不過係細聲的,個件事我點都唔覺會係動物既聲,都唔知係咪和合石o的野尼o既!!

作者: oct 時間: 2005-11-28 07:23 AM 標題: 有冇試過成班人一齊撞鬼?

我就無試過, 我朋友就有
佢果陣搭小巴返屋企, 咁小巴一定係坐滿哂人先開車
咁架車去到中途, 突然個女仔叫有落
當架小巴停低開門既時候
竟然無人落車~ 咁個小巴司機又無出聲,
就關左度門,,,繼續開車
我朋友就發現, 本來坐係最近門, 最前的一個單人座,
本來坐左一個白衫長頭髮既女人唔見左
我朋友無出聲, 成架車既人都無出聲
但一落到車,,個個人都係度講,
原來成架車好多人都睇到個女人唔見左, 但見唔到佢落車

作者: 蚊香ｘ怡 時間: 2005-12-2 11:25 PM 標題: 有冇試過成班人一齊撞鬼?

真係大膽呢,其實有時呢d野都係自己嚇自己...
無咩好驚,當時唔應該留得太夜,
可能打擾靈界既朋友呢...

作者: bb1976728 時間: 2005-12-10 11:55 PM 標題: 有冇試過成班人一齊撞鬼?

下面引用由蚊香ｘ怡在 2005/12/02 11:25pm 發表的內容：
真係大膽呢,其實有時呢d野都係自己嚇自己...
無咩好驚,當時唔應該留得太夜,
可能打擾靈界既朋友呢...

我地又無諗過會打擾到佢
始終係人住既地方.......

作者: jpm 時間: 2005-12-29 06:02 PM 標題: 有冇試過成班人一齊撞鬼?

冇。不過有次班朋友去camp，得一個撞鬼。
事後她跟我說…
那天剛好下雨，回屋內，她才關雨傘，放在床邊。
那晚，她說被「人」摸，然後她大說：喂！那「人」還繼續摸。
她睜開眼，看到一雙在看著她…然後她一直都睡不著，直至天亮。
早上，她想把雨傘掉在外面的垃圾桶裡，突然大風一刮，像打了她一把…
然後她立即跑回屋內。在煮麵時，她在水中看到自己背後有一個男人，
她假裝看不到，到廳坐在看電視，那時她穿短褲，看到大腿位置有凸起掌印…
她一向都有撞鬼，所以沒作聲，最後待媽回來，找婆婆請走他…
但現在也要隨身戴一道附。

作者: ＹiＮＧ 時間: 2006-1-1 11:28 PM 標題: 有冇試過成班人一齊撞鬼?

我都吾知算吾算撞鬼..
我同班FD去左公園(刀吾知算吾算系NA..)
系一個圓形..入面咩刀冇...前後有一條路...我地諗住行下後面果條路..
入去果陣見到有個A婆"烏"低坐左系公園附近D櫈到(圓形圍住)...
我地行左入去1分中刀冇就出反泥..就吾見左個牙婆..
我其中一個"FD"就問我見吾見到有個牙婆..我話見到..其他人又見吾到wow..
行反出去(行出個公園得左右2條路)連牙婆個影刀吾見..冇行得咁快掛..= ="

作者: 瓏瓏 時間: 2006-5-4 05:37 AM 標題: 有冇試過成班人一齊撞鬼?

你們在三更半夜的跑去都搬空的大樓，只因為好玩又怕吵到了別人所以才會去那的，但是你們做錯了一件事就是說鬼故事，因為鬼故事會引起好兄弟的好奇，如同我們去聽演唱會一樣，引起大家的注意，它們也會看我們在注意什麼，而當你們大家都注意在聽某人說故事時，自然就會有一些波長跟它們說我們正在聽故事，而它們也想要聽看看而以啦∼∼

作者: baoxi 時間: 2006-5-10 07:19 PM 標題: 有冇試過成班人一齊撞鬼?

文字文字
我知道我的經歷一定沒有人會想相信
因為我以前再網上看到了一個得到陰陽眼的方法
於是我就話比我個friend知
點知佢居然去試這個方法係真定假
結果沒有多久
她就瘋了
我也不知道原因
但係佢媽媽話那天晚上佢仲冇野
不過第二日佢就變成這樣了

作者: baoxi 時間: 2006-5-10 07:23 PM 標題: 有冇試過成班人一齊撞鬼?

我知道我的經歷一定沒有人會想相信
因為我以前再網上看到了一個得到陰陽眼的方法
於是我就話比我個friend知
點知佢居然去試這個方法係真定假
結果沒有多久
她就瘋了
我也不知道原因
但係佢媽媽話那天晚上佢仲冇野
不過第二日佢就變成這樣了
我都不想啊
但係這個係事實黎既
以後我就冇見到過佢
我總有一種內疚的感覺
係唔係我害的她?
就像聽倩女幽魂依然會哭的感覺一樣

歡迎光臨 Cyber X-files (http://cyberxfiles.com/cyberx/)