Cyber X-files - Powered by Discuz! Board

標題: [原創文章]小輝身邊有守護靈???? [打印本頁]

作者: c0082106 時間: 2005-3-5 05:03 PM 標題: [原創文章]小輝身邊有守護靈????

好了，大家重記得上次小輝講過，我細個既時候，成日發夢見到一個大姐姐既事嗎???雖然到左今日，呢個大姐姐都無再係小輝既夢境出現過，但當佢同我講完再見之後開始，正如會員邪炎所說，小輝總係發現自己身邊好似有守護靈守護住自己咁...........因為小輝曾經有三次死裡逃生，大難不死的經歷................經歷如下：
(1)大約係我十歲左右啦，有一次我去朋友屋企玩，我好記得當時既地點係而家既數碼港一帶，即係鋼線灣村，咁因為落去鋼線灣村係要落一段好長既石樓梯既，所以小輝亦逼不得已自己一個行落去，因為當時既鋼線灣村風景真係好靚，空氣又清新，所以小輝就一路行一路欣賞一下周圍既景色同呼吸新鮮空氣，突然，小輝失足，不斷滾落樓梯，大約滾了兩三秒，個頭正想撞埋一舊石頭既時候，突然有一股不知名既力量將我擋住，慢慢從後推我坐起身，重聽到一句說話............."你總係咁唔小心架"，但因為小輝當時年紀尚少，所以根本唔識得驚，重繼續跑落樓梯搵我朋友仔玩，現在回想起，如果唔係多得個股不知名既力量將我擋住，小輝可能已經魂歸天國........................................
(2)呢件事係發生係我差唔多升上中學既時候，當時我因為係學校乒乓波校隊，所以成日都會約埋幾個朋友一齊去練波，好記得當日，我地去左華富村華昌樓既一張石"木台"打，打打下，我個朋友將個波打左落去山坡度，咁我兩個朋友就落去執波，而我亦都好無聊咁企係欄杆度睇住佢地，突然有一股無情力將我由欄杆推到石"木台"，重聽到有人在耳邊大聲講.............."小心啊~~!!!!!!!"
我想講當時欄杆同"木台" 既距離，足足有九至十尺，可見當時那股無情力既力度有幾大，正當小輝屁股撞落石"木台"個刻，小輝頭先企係度既欄杆位置，同時有一個玻璃樽從天而降，嘩~~~!!!幸好有這股無情力，否則我已第二次魂歸天國，但當時我開始明白可能係守護靈在作怪，所以不斷雙手合十，向四周不斷說多謝.........................................
(3)在中學後，小輝去左國際學校讀書，有一日，同一班鬼仔鬼妹去玩，玩完之後，大約夜晚十一點到啦，自己一個返屋企，一路行一路拎住個電話同朋友傾計，行到一條馬路，小輝因為傾緊電話既關係，所以根本無睇過四周有無車就行過馬路，突然係我左手面，有一架私家車以高速向我駛過來，就在此刻，那股無情力又來了，把我從馬路推向行人路，因為那股力量實在太大了，令到小輝成個趴左係行人路度，而個電話亦都飛到老遠，自己都知係咩事架啦，所以又係照樣雙手合十，再一次說多謝.......................................
直到現在，小輝同身邊既朋友講起呢幾件事，佢地都一致認為係守護靈在作怪，但就算係守護靈，都唔會一次又一次咁救我架，唔通..........個個姐姐重未走?????重有，每當小輝唔開心既時候，我都總會聞到一陣同樣既香水味，呢種香水味我又好似似曾相識，但總是想不起，總之就係覺得好有親切感啦，當小輝每次唔開心，但當聞到呢陣香水味既時候，小輝既心情都會轉好..................到底係守護靈定係個位大姐姐呢??????
到現在都係一個謎...........................

作者: 千葉巔 時間: 2005-3-5 06:40 PM 標題: [原創文章]小輝身邊有守護靈????

好神奇啊~!
我相信你說的全是真話,你就好啦
多d同大家分享下呀

作者: 劍 時間: 2005-3-5 07:42 PM 標題: [原創文章]小輝身邊有守護靈????

會唔會係另一個世界ge小輝幫番自己
或者個大姐姐係另一個世界ge小輝
又可能大姐姐係小輝ge前世

作者: joe198663 時間: 2005-3-6 03:40 AM 標題: [原創文章]小輝身邊有守護靈????

I think that it may be an angel...
I believe that everyone have their own angels to protect them...
The angels always help us from plight...
They always protect us from injured...
They always support us to do everything...
When our heart is pure enough, the angel will come down to help us...
It seems that 小輝 has a pure heart...
小輝 I admine you have a kind angel to help you everytime...

作者: HimCheng 時間: 2005-3-6 04:07 AM 標題: [原創文章]小輝身邊有守護靈????

好神奇呢~
我想一定是那一位姐姐在守護你~
她雖和你在夢中道別~這可能她只想默默的守護你~

作者: 邪炎 時間: 2005-3-6 10:33 PM 標題: [原創文章]小輝身邊有守護靈????

嗯~~~~~小輝^^a
既然這位守護天使曾幫助了你這麼多次~
我想~~~~大概她會一直繼續守護下去的!
哈~~~~更何況佢沒有任何打擾你的意思~
她只是靜靜地保護著你~(因為唔想嚇怕你!)
那麼你便不要太在意她吧!
不過從你以上所說過的經歷~
奉勸你一句凡事都要小心哦~
如果唔係佢真的要走的時候~
她可能會因為擔心你而絹戀於人世~~~得不到正常的超生哦!
所以你應該讓她可以放心地離開你!

作者: ayin 時間: 2005-3-10 11:56 PM 標題: [原創文章]小輝身邊有守護靈????

咁o個個所謂守護靈o個把聲同夢入面個姐姐係咪１樣架？

作者: c0082106 時間: 2005-3-11 02:16 AM 標題: [原創文章]小輝身邊有守護靈????

下面引用由ayin在 2005/03/10 11:56pm 發表的內容：
咁o個個所謂守護靈o個把聲同夢入面個姐姐係咪１樣架？

咁呢層小輝就唔多記得啦，因為個時年紀重細麻
你今晚發完夢，聽日你自己都有可能唔記得啦
更何況時間相差咁遠

作者: Cozi 時間: 2005-3-15 10:26 PM 標題: [原創文章]小輝身邊有守護靈????

其實有守護靈是好事還是不好呢？因爲我總覺得冥冥中自有主宰的，所以我仍覺得應該自己小心一點比較好吧~~~~TAKE CARE哦！

作者: 可惡帥姿公 時間: 2005-3-21 05:31 PM 標題: [原創文章]小輝身邊有守護靈????

@@" 真的很神奇耶
不過有守護神守護著
兄弟也要小心點吧...要不守護神也...
三次經歷有兩次都是你的大意...

作者: soso781109 時間: 2005-3-27 09:35 PM 標題: [原創文章]小輝身邊有守護靈????

聽說可以請出守護靈然後問他問題...也許你可以試試~(笑)
有誰知道請守護靈的辨法嗎?

作者: elf 時間: 2005-3-28 02:40 AM 標題: [原創文章]小輝身邊有守護靈????

請soso781109 不要拿守護靈或叫守護神(有不同名稱)的開玩笑，尊重它們。每人的因緣、業力不同，可能沒有、亦可能多個一個。

作者: kokumo 時間: 2006-4-21 09:34 AM 標題: [原創文章]小輝身邊有守護靈????

嘩~那是真的嗎?
不過呢.....又信又不信呢,因為我沒有試過...
是不是每人都有的?
如果是,不知我的守護靈是怎樣的呢?

歡迎光臨 Cyber X-files (http://cyberxfiles.com/cyberx/)