Cyber X-files - Powered by Discuz! Board

標題: [原創文章]地鐵迷離事件 [打印本頁]

作者: shan04 時間: 2005-8-3 05:21 PM 標題: [原創文章]地鐵迷離事件

上個星期，我同個fd搭地鐵。
佢坐o係張凳度，而我就面向住佢企o係度。
因為我望住地下，所以我係見唔到個窗既。
我記得o個陣架地鐵係由旺角去緊太子。
突然，我感覺到有一下離心力，地鐵好似快o左好多咁，係好多！
我好自然咁望出個窗，我見到對面有一架地鐵，離我十尺到啦。
可以望到對面車d人好清楚，但只係望到一卡，前後有冇呢我就唔知啦。
跟住我望o左2-3秒左右啦，對面架地鐵o係0.1秒之內消失o左。
再過o左幾秒之後呢，就到太子站啦。
出o左地鐵站，我先敢同個fd講。
點知佢話我撞鬼。我就覺得係時空上有d錯亂，所以見到一d唔會邏輯既o野。
大家又點睇呢？？？？
第一個問題-------點解我會感覺到架地鐵快o左咁多，快到有離心力？？？
第二個問題-------用常理黎諗下，假如我坐o個架地鐵係行緊既話。我望出窗，所有既野都應該係郁緊，而且架地鐵咁快，我冇可能清楚咁望到對面車既人做緊乜。但係我見到對面d人好清楚 wo。
第三個問題-------點解架車會消失o左？？？

作者: yu34kiu 時間: 2005-8-5 01:17 AM 標題: [原創文章]地鐵迷離事件

地鐵某d站隧道裡面係望到隔離架
我都試過見到
對面車個人仲對住我笑tim.....
至於離心力....可能係你心理作用

作者: cherrybb 時間: 2005-8-5 10:30 AM 標題: [原創文章]地鐵迷離事件

點解你會話應該會望到對面郁緊呢??試諗下，如果對面架車同你坐緊０個架一樣行得咁快，咁咪會睇到囉，我有時都會望到佢地做緊咩架，，
你話0.1秒後唔見左，我諗應該係地下面有幾條隧道，比唔同路線０既MTR行，而咁Q你話0.1秒後唔見０個架，就行左去第二條隧道．．．．
我諗係咁gra?!~

作者: muntungf 時間: 2005-10-3 10:41 PM 標題: [原創文章]地鐵迷離事件

第一個問題----不見天既站係覺快dd ga,我都唔g點解
第二個問題----旺角去太子月台對面係有條轉去荃灣線/觀塘線 ga ma
我冇記錯的話,2條都係向同一個方向行,so 你座荃灣線,你會睇到觀塘線d架車
第三個問題----= ="........我唔得太子站定旺角站係有2層月台ga,你架車去到太子站,你對面果架應該去左下面果層/去第二條隧道

作者: fatboy83 時間: 2005-10-4 01:07 AM 標題: [原創文章]地鐵迷離事件

我估係咁0岩有另一架地鐵係另一條線同時開出

作者: rttkamet 時間: 2005-10-6 06:24 PM 標題: [原創文章]地鐵迷離事件

有離心力係因為你架車突然加速向上, 太子地鐵係有兩層架, 你架車向上一層走, 不就要加速向上啦! 就等如玩過山車一樣啦!

歡迎光臨 Cyber X-files (http://cyberxfiles.com/cyberx/)