Cyber X-files - Powered by Discuz! Board

標題: 一個令人瘋癲的問題 [打印本頁]

作者: chicwell 時間: 2005-5-25 05:26 PM 標題: 一個令人瘋癲的問題

我的表達不是太好,所以請大家用心去看~
我成日都係度諗我會唔會有朝一日一開眼就係一個自己唔熟識既地方~
人類發展真係一日千里,相比50年前既今日就可得知~既然我地發得咁快,會唔會有朝一日比我地發明到時光機?因為係好多年前有一個物理學家話---只要人類能想像到的,也就能實現.
如果真係比人造到時光機,咁我就真係唔信佢地唔會干擾我地~一個唔該發現自己既親人/朋友係機械人,未來人造好後就將佢地掟過黎~
但點解咁耐以黎都未發現過d咁高科技既野呢(水晶頭顱唔知算唔算)?唔通佢地唔想造福我地?雖然話改變歷史係唔岩~但只要有人定法就一定會有人犯法(唔好同我講歷史已經改變左無數次)~所以我諗我地會唔會真係好似瑪雅人既預言咁,o係2012年12月22日前後就因世界末日而滅亡???
大家又點睇呢?
以上只屬個人瘋見~

作者: 野蠻女 時間: 2005-5-25 06:53 PM 標題: 一個令人瘋癲的問題

***** 板主模式 ***** 該文章是管理員從古文明之旅轉移過來的！

作者: 闇空使者 時間: 2005-5-25 07:55 PM 標題: 一個令人瘋癲的問題

樓主可以想下現某未來人改寫了歷史令50年前還是小孩(7,8)?的祖母以外死掉那他會怎樣? 死掉? 不應該講是從未存在過還存在? 無父親自己點存在又點樣改寫歷史? 所以回到未來改寫歷史只能建立在一個閉鎖的宇宙問題是現在好多理論同某些科學(主要是天文學)証據表明宇宙并不是單一所以如果未來真的有時光機而真的有人玩改寫歷史那未來的人真的是改變了古代啊不過是未我地的宇宙就不知了如果再唔明可以睇下以前一部電影好似叫猿人爭霸的<--一部講人類被猿人統治的電影你可能會明白多些

作者: taoming 時間: 2005-5-26 12:44 AM 標題: 一個令人瘋癲的問題

根據E = M × C平方，能量、物質和速度是可以轉換的定律，當飛船用接近光速飛行的時候，這個飛船上的時間相對於地球來說就是靜止的，所以只要飛船從Ａ點出發後重回Ａ點，就可去到未來的地球。
若飛船能夠超越光速飛行，時間成為負值，若有方法保存物質的話，是有可能由現在的Ａ點回到過去的Ａ' 點，不過時光旅行期間歷史不能發生重大的改變，飛船才可用接近光速飛行回到Ａ點的未來。
若時光旅行期間過去的Ａ' 點發生重大改變，飛船就不能回到未來的Ａ點，而是一個已改變了的Β點。若從邏輯上出發，當過去Ａ' 歷史改變的事件與飛船有關聯的話，其改變就等如破壞時空，飛船非但不能回到未來，而且會即時消失。

作者: hang1115 時間: 2005-6-8 10:28 PM 標題: 一個令人瘋癲的問題

現在16歲的我永遠記得我有個願望就係見下未來人
係呢一刻我永遠記著,到將來如果有時光機的話
我一定會番黎話被16歲既我知:人類發明到時光機
就算我有生之年仲未發明到時光機既話,我會當家訓咁傳落去
叫我d子孫番黎話被16歲既我知係有時光機ge
到而家都冇人話被我知世界真係有時光機
時光機仲未出現
所以係冇時光機架

作者: v利人2 時間: 2005-6-8 11:42 PM 標題: 一個令人瘋癲的問題

o係2012年12月22日前後就因世界末日而滅亡~有可能果一日就係成功發明時光機的日子~因為一發明便開始改變歷史而形成連鎖反應到致世界末日而滅亡~

作者: chicwell 時間: 2005-6-12 06:04 PM 標題: 一個令人瘋癲的問題

我近排又諗到d野~
如果e+2005年既我地已經有時光機,可回到過去,假設有5個人進行e個時空旅程,a將回到2005年1月1日00:01,b回到2005年1月1日00:02,c回到2005年1月1日00:03,如止類推,但a,b,c,d,e,e5個卻不能相遇,因為對於a黎講,00:02既b係佢既未來,但b,c,d和e以及2006年又確實地存在緊~咁咪即係同時有6個空間一齊存在緊?我覺得a只能夠改寫到2005年00:01既未來,但不能影響2006年.亦即是-------時空無限.
唔知大家認唔認同我既講法呢?

作者: kenfrisbee 時間: 2005-6-14 02:14 AM 標題: 一個令人瘋癲的問題

taoming ge說法好好... 我聽過呢個科學報告的確有根據.. 但人暫時未能夠超越光速.. 所以時光機根本上以科學去睇係未有機會... 不過我反而唔擔心科學發展.. 講真... 科學發展實在太慢... 一日千里?.. 唔好笑死人喇.. 你進步得幾快都好.. 都及唔上時代轉變... 你就算醫到cancer.. 遲早又有新病出現.. 永無休止... 我擔心ge只係不知名ge野... 例如精神力量... 時空穿梭... 金字塔等等... 若果比人掌握得到... 咁就麻煩喇....
chicwell... 你呢樣野我都諗過... 不過其實好簡單.. 一係就有時光倒流... 有ge就肯定有無限個空間... 如果無得倒流.... 就值得去考慮呢個問題...

作者: Dolores 時間: 2005-6-17 11:21 AM 標題: 一個令人瘋癲的問題

其實要作時間平面上的跳躍是十分簡單(理論上)
過去、現在、未來是同時間存在於同一點之上
所謂的「時間旅行」，只是
「從一個多元世界的平面跳往另一個多元世界的平面」
宇宙是不斷膨脹的，大家都知道吧？
就是因為「選擇」，所以造出了許多不同的世界
本來這些世界是不相往來的
但偶然，或者是人為的因素，把「門」打開了...
===========================
P.S. 遲些post一些相關的圖上來

作者: cyber709394 時間: 2005-6-29 11:15 PM 標題: 一個令人瘋癲的問題

根据爱因斯坦嘅理论
就算我哋速度达到甚至超过光速，其实都只系追赶上同我哋同一运动方向嘅光啫，我哋所见到嘅影像而已，但系摸唔到个啵，因为哩啲光都系以前嘅，所以其实所睇到嘅物体早已经转移或者话消失嘞，如幻影

作者: K9999 時間: 2005-7-7 07:46 PM 標題: 一個令人瘋癲的問題

其實我一直都有個諗法
就係時光機回到過去
會唔會開拓多一個未來出黎？
即係例如：
A坐時光機返去佢未出世之前
殺死佢父母
但係本身屬於佢時未來係唔會有改變
只係由A殺死父母開始分支出另一個未來
而A亦唔會消失....
會唔會有咁既可能？
如果係真既話我地好少機會會知道時光機已經發明左....

歡迎光臨 Cyber X-files (http://cyberxfiles.com/cyberx/)