Cyber X-files - Powered by Discuz! Board

標題: 打麻雀遇怪事！ [打印本頁]

作者: fioncat1219 時間: 2005-5-21 06:44 PM 標題: 打麻雀遇怪事！

大家會否應為打麻雀是偏門玩意嗎？有一名長輩告訴我，打麻雀很容易招惹一些遊魂野鬼在旁觀戰，所以感到邪門是不足以為奇。
而我曾經親身發生兩件怪事，都是打麻雀時發生的。
第一件事是發生於三年前。
我和另外三個朋友（那時我們四人經常約打牌），兩男兩女放工後約到太子一間雀會打麻雀兼食晚飯。當我們打到大概八圈時，坐我右手邊的朋友摸了一只牌後，突然對我們說：「不如走囉，唔打啦。」當時大家都感到奇怪，因為就算唔想打但點都會打完該舖先走。那時我發現我朋友面色變得很差，之後更走出雀房外，其中一位男姓朋友追出去，房內只剩下我和另一位男姓朋友，我出於好奇看看她究竟摸了一只什麼牌，是一只「北」，這是不可能的，因為在外以經有四只「北」，不可能突然多了一隻「北」而不知，因為我們曾經有和局，我們亦即時結帳離開。
事後我們再沒有去那間雀會打麻雀，我們四人亦少了一齊打牌。
第二件事是最近發生的。
某星期日，我到一個朋友家作客，那時他們一家正在打麻雀。朋友的母親向我說打了不夠兩圈，已經輸掉四百元，所以想我替她打一陣，而她就坐在我身後。開牌時，我清楚記得有一對七萬和一對八萬，不久有人打七萬我就踫七萬，之後有人打八萬，正當我想踫時才發現，內裡沒有一對八萬，卻是一只七萬和一只八萬。朋友的母親亦問我為何不踫，我就向她說妳看清楚，她吃了一驚。之後我再向她求證，是否和我一樣看到一對七萬和一對八萬，而她亦肯定清楚看到。
不知道這就是不是大家所講的「鬼襟眼」！

作者: fungchiyuen 時間: 2005-5-21 08:39 PM 標題: 打麻雀遇怪事！

通常輸得最慘果個都話自己比"鬼黯眼"，其實係輸到懵左。第一個case多左隻"北"，可能有人出千。

作者: 黃偉民 時間: 2009-5-28 06:10 PM

枱面有4隻北,那邊有可能出千呢!會不會鬼襟眼

作者: 勁呀 時間: 2009-7-10 04:19 AM

兩男兩女放工後約到太子一間雀會打麻雀兼食晚飯
其中一位男姓朋友追出去，房內只剩下我和另一位男姓朋友

兩男兩女變左三個男，睇黎真係好猛鬼wu

作者: 龜殼花 時間: 2009-7-19 11:49 AM

有這種事啊，看來以後有人在打的時候不要太靠近了
免得無緣無故多了一個不認識的

作者: zming 時間: 2009-7-22 01:05 PM

兩男兩女放工後約到太子一間雀會打麻雀兼食晚飯
其中一位男姓朋友追出去，房內只剩下我和另一位男姓朋友

兩男兩女變左三個男，睇黎真係好猛鬼wu ...
勁呀發表於 2009-7-10 04:19 AM

咩呀...一個男既追左出去...一個男既係入面...咁衝出去果個咪女架囉...留係入面既「我」咪女架囉...-_-

我覺得一果個係靈異事件既可能性好底...玩之前都唔會遂隻遂隻牌咁check架喇...有可能係第2副牌撈埋入去姐

作者: ceailnico 時間: 2009-7-31 11:56 PM

但真係如果撈亂咗d牌~都唔會係打八圈先發現呀!!
不過你打親牌都咁邪~我諗你都唔好再打麻雀喇.........

歡迎光臨 Cyber X-files (http://cyberxfiles.com/cyberx/)