Cyber X-files - Powered by Discuz! Board

標題: [引文轉貼] 入鬼屋除了探險，原來還可以......... [打印本頁]

作者: aso 時間: 2005-11-3 07:45 PM 標題: [引文轉貼] 入鬼屋除了探險，原來還可以.........

以下文章係節錄 11/3 即係今日出版嘅第 817 期壹週刊，地點 : 香港熱門鬼屋之一，應該是志樂別墅，project x有詳細探險報告及精彩靈異照片。建議唔清楚至樂係乜野嘅朋友，比少少冥幣，先睇睇這裡的靈探報告，熟習下志樂嘅環境，才看以下文章。但係我發覺就算知道至樂係咩料，先翻睇多一次前輩嘅心血，又有另一種 feel 喎 ! 因為好似有 D 位可以對應到。
標題 : 龔如心物業變陽台
就連華懋集團主席龔如心有份的物業，也遭「蹂躪」。位於葵涌青山公路三百二十三號汀九橋附近一間荒廢豪宅，屬東昌置業建築有限公司擁有。這公司股東包括多間公司，董事則包括龔x心和丈夫王七輝，他們於七二年以二百九十多萬元購入該大宅連萬多呎地皮。
上週六，記者到達大宅時，看見正門貼滿符咒，地上溪錢散佈，氣氛陰森可佈。這所大宅有兩層，大門沒有上鎖，一入屋便見滿地電子零件，另一間房則堆滿不同顏色的布疋。樓上其中一間房放了一張床，而且執得異常整潔，地上更有一條銀色 T-back 女裝底褲，旁邊有沾滿污穢物的廁紙和一條大毛巾。這房間看來經常有人「光顧」，而且用來作陽台。
距巴士墮崖現場五十米
屋外，一名約四十歲的男子正在游泳池邊燒樹枝，他自稱 Tommy，說燒樹枝可以增加大宅陽氣，並大聲警告記者 :「呢度好猛架，五點前好走啦，唔係會見到唔想見既野。」
原來 Tommy 是這裡的常客，他說自己住在附近，明知這豪宅是私人地方，但已多年沒人居住，因此他就用來存放物品，「老細間布廠執左，我就將 D 布搬嚟呢度放，諗住屋主都唔會理。不過呢度真係好猛，因為距離 03 年屯門巴士墮崖地點唔夠五十米，我成日見到一個著住白衫黑褲嘅男人，係鬼魂嚟架，一到黃昏我就離開，讓番個地方俾佢。」
Tommy 說得興起，並爆出 T-back 底褲原來是一名人妖留下的 : 「有個人妖，以前每逢星期日都會同男朋友喺呢度搞野，我都碰過幾次，佢地仲會過埋夜，真係夠膽 ! 不過都有幾個星期無見佢地。」
地政總署表示，暫未有計劃收購該地發展，而華懋至截稿前表示未查到相關資料。
-- 完 --

各位，睇完有乜野感想 ? 又或者有無疑問 ? 我有。
(1) 有無覺得係志樂搞野嘅人沾污左呢間咁神聖嘅鬼屋？
(2) 我覺得鬼屋嘅恐佈同搞野嘅咸濕係兩樣野撈唔埋嘅 ! 如果搞搞下突然比個 D 野嚇一嚇，除左比佢即刻嚇縮之外，會唔會以後一搞親就即刻浮現呢幕騖嚇場面 ? 好似一張唔可以 delete 同埋唔換畫嘅 wall paper，跟你一世 ..........
(3) 咁夠彊敢係度搞野，嗰個會唔會係由屋主變左做地主嘅王七輝 ?
(4) 又或者好似倩女幽魂，隻人妖其實係聶小倩，夜晚就出黎揾食 ? 自己嘆完就比姥姥執二攤 ?
(5) Tommy 真正嘅身份，其實就係巴士墮崖意外中，其中一位遇難者，但係 Tommy 唔知自己已經死左，仲以為自己生勾勾 ?

作者: mj21816 時間: 2005-11-3 07:54 PM 標題: [引文轉貼] 入鬼屋除了探險，原來還可以.........

我想問一問一個問題
我去過志樂別墅
亦去過巴士墮崖意外的汀九村
但兩個地方相距有好遠
絕對吾只五十米咁小
請問樓主所講的係吾係真係鬼屋志樂別墅
還是其他地方

作者: tennight1314 時間: 2005-11-3 08:12 PM 標題: [引文轉貼] 入鬼屋除了探險，原來還可以.........

其實樓主會唔會弄錯了地點呢？因為依十某的記憶之中，志樂沒有什麼游泳池，而且沒有聽過燒樹枝可以增加大宅陽氣，如果是可以的話又有沒有說明那一種的樹枝呢？而且十某最想知道樓主所說看完project x的志樂靈探檔案後，再看這一篇報導，有一些可以對應的地方是什麼呢？十某不才還望樓主指教∼

作者: aso 時間: 2005-11-3 08:17 PM 標題: [引文轉貼] 入鬼屋除了探險，原來還可以.........

下面引用由mj21816在 2005/11/03 07:54pm 發表的內容：
我想問一問一個問題
我去過志樂別墅
亦去過巴士墮崖意外的汀九村
但兩個地方相距有好遠
...

我估架咋 ! 我都未去過至樂。
點解估至樂呢 ? 因為你地靈探個 report 都話屋主係富商夫婦同友人購下，丈夫係 80 年代末期失踪，後來更傳出被人標，唔係王七輝仲有邊個咁橋呀?
仲有，壹週刊登了一幅別墅出面嘅相，幾似 report 裡面 D 相架，你有無留意别墅出面牆身寫住 DIE HARD ? 我試下可唔可以 scan 比你睇睇。

作者: mj21816 時間: 2005-11-3 08:23 PM 標題: [引文轉貼] 入鬼屋除了探險，原來還可以.........

下面引用由aso在 2005/11/03 08:17pm 發表的內容：
我估架咋 ! 我都未去過至樂。
點解估至樂呢 ? 因為你地靈探個 report 都話屋主係富商夫婦同友人購下，丈夫係 80 年代末期失踪，後來更傳出被人標，唔係王七輝仲有邊個咁橋呀?
仲有，壹週刊登了一幅別墅?..

OK,我都好想知本書點寫
因為兩個地方正確距有十幾公里遠
坐車去都要十幾分鐘先到
多謝你肯sand資料比我調查
e-mail mj21816_03@yahoo.com.hk

作者: joe198663 時間: 2005-11-3 08:26 PM 標題: [引文轉貼] 入鬼屋除了探險，原來還可以.........

aso, 謝謝你的分享! ^_^
對於這報導我感到很奇怪呢!
想不到有人會在至樂別墅中做如此荒謬之事... =_=''
我也很佩服那對情侶的膽量...

先回應你的問題:
1) 公然在作如此行為已是犯法之事...
除法律上不容許外, 也是有損道德之事...
然而, 既然是鬼屋, 又談何神聖可言?
相信, 鬼魂聚集的地方已是髒亂之地...

2) 在這地方幹這些鄙陋之事已是法理難容...
更何況昆這個的地方的''原居民''?
他們更難以容忍這種行為在他們家裡發生...
試問被騷擾了, 他們會輕易放過這兩個人嗎?

3) 由於此屋已荒廢多時, 根本沒屋主可言, 與這話可沒有關係...

4) aso, 你好像愈講愈賦想像力... =_=''
這問題我也不知怎回答你好...

5) 如果Tommy 是個鬼魂, 就不可能接受這訪問了... =_=''
這是假設性的問題嗎?

看過後, 我只覺得這是一宗鬧劇而已...
並不是什麼警天動地之事...
只是一對狗''男男''在別人家中做愛而已.......

作者: aso 時間: 2005-11-3 08:43 PM 標題: [引文轉貼] 入鬼屋除了探險，原來還可以.........

下面引用由mj21816在 2005/11/03 08:23pm 發表的內容：
OK,我都好想知本書點寫
因為兩個地方正確距有十幾公里遠
坐車去都要十幾分鐘先到
多謝你肯sand資料比我調查
...

done, pls check your mail box. thx.

作者: aso 時間: 2005-11-3 09:50 PM 標題: [引文轉貼] 入鬼屋除了探險，原來還可以.........

下面引用由tennight1314在 2005/11/03 08:12pm 發表的內容：
其實樓主會唔會弄錯了地點呢？因為依十某的記憶之中，志樂沒有什麼游泳池，而且沒有聽過燒樹枝可以增加大宅陽氣，如果是可以的話又有沒有說明那一種的樹枝呢？而且十某最想知道樓主所說看完project x的志樂靈探...

我已經 scan 左比你睇，請查你的 e-mail in box. Thx.

作者: janethugo 時間: 2005-11-4 02:28 AM 標題: [引文轉貼] 入鬼屋除了探險，原來還可以.........

我有問題..
大家唔好見怪....
如果個個係人妖...咁點同男朋友咩呀??
= n =''
做做樣而已嗎?
"她"會有feel嗎??
雖然離題..但真係好有疑問~

作者: 雷．仲恩 時間: 2005-11-4 11:24 AM 標題: [引文轉貼] 入鬼屋除了探險，原來還可以.........

大家，你地唔覺得成段野都係作出黎既咩？
人妖，好明顯係嘩眾取寵啦。
白痴周刊。

作者: aso 時間: 2005-11-5 12:19 PM 標題: [引文轉貼] 入鬼屋除了探險，原來還可以.........

各位朋友，真是意料不到我第一次轉貼文章，就搞出個大頭佛來。
其實，我只是當它一篇無關痛癢的八卦新聞轉貼上來给各位得淡笑，居然鬼屋會執到 T-back 等奇聞，所以才轉貼在聊天間，如果我懶醒咁轉貼在靈探的報告作回應，我相信我辛苦賺來的評級可能一夜之間由 +0.9 直插 -6，亦對唔住加我評級的有心人。
我想今次我轉贴壹週刋引起的風波就此完結，各位 VIP / 管理員 / 其他朋友亦無謂再浪費時間去深究現場是否至樂別墅或黃七輝第二間丟空的鬼屋，佢大把錢話唔定仲有 10 間 8間呢 D 丟空的獨立屋招魂中不過大家暫時未揾到。不過好多人都知山頂百祿徑佢比人標之前嘅故居已經丟空多年。講返主题，如果就今次事件令到有人唔舒服，我在此說一聲 -- 對不起。
最後，居然有人好認真去回覆嗰幾條無無謂謂嘅問题，所以我都要覆返 Joe。
(1)其實我想表達，一心入鬼屋搞野嘅人，佢地嘅思想及行為沾污左其他在鬼屋做正經野嘅人同埋佢地做正經野嘅地方。另外他們在鬼屋只係搞野，並沒有干犯刑事罪行，鬼屋係屬於私人地方，作地只係干犯左「擅進」Trespassing，但係「擅進」係民事訴頌，即係要屋主入禀法庭申請私人傳票傳召被告答辯。
(3)鬼屋需然荒廢，但仍然有屋主嘅，黃七輝如在生就係鬼屋嘅屋主 (以田土廳紀紀錄為準)，但黃七輝死左，於是便做左地主，係「五方五土龍神前後地主財神」果隻地主呀，明白嗎。
(5) 有沒有看過鬼眼 The sixth sense ?

作者: 我的天我的歌 時間: 2005-11-10 01:50 AM 標題: [引文轉貼] 入鬼屋除了探險，原來還可以.........

揀Ｄ想回應既先。
(1) 有無覺得係志樂搞野嘅人沾污左呢間咁神聖嘅鬼屋？
我唔覺得鬼屋有冇話神唔神性，見人見志啦。好似聖堂，信教既人覺得神性，唔信既咪大屋一座。
(2) 我覺得鬼屋嘅恐佈同搞野嘅咸濕係兩樣野撈唔埋嘅 !

心理學上黎講，有Ｄ女性會將恐怖、害怕既感覺錯誤咁當作性興奮。另外，有Ｄ人覺得偷窺、強姦係過癮既，用罪惡感加強性興奮，其實都係同一個道理姐

歡迎光臨 Cyber X-files (http://cyberxfiles.com/cyberx/)