Cyber X-files - Powered by Discuz! Board

標題: 有關星期一 (9/12) 深夜恐佈熱線嘉賓「重案組黃 sir」的回應 [打印本頁]

作者: aso 時間: 2005-9-14 07:11 PM 標題: 有關星期一 (9/12) 深夜恐佈熱線嘉賓「重案組黃 sir」的回應

在星期一 9/12 新城恐佈熱線的訪問嘉賓是一位自稱比警察更警察的「重案組黃 Sir亅，講述
一些有關警隊的靈異事件，聽了不久，就發覺這位筆名所謂黄 sir 實情是一名比骗棍更骗棍的大骗棍。
本來很少事，唔啱聽就轉台，我都懶得理他，但既然你這所謂黃 sir 以重案组自居，以警隊的牌頭 bull shit ，gull up 及妖言惑眾，恕在下不能容忍這位所謂黃 sir 的言行。
我事先聲名 : 我對這位所謂的黃 sir 無仇無怨，對他亳不相識，不會對他故意中傷或惡言相向。只不過我的確是一名資深的警務人員，我在警隊服務已有 17 年，分別註守過軍裝 (UB) 及刑事 (CID) 多過部門及職位，相信我的資歷足夠踢爆這名偽警，我覺得我有責任企出來澄清這骗棍對警隊的一派胡言，以正視聽。
以下只節錄部份內容，其他較輕微的芝麻綠豆略提。
節目主持問骗棍警帽是否有辟邪作用，這位骗棍回應警帽的作用是摭住人体眉心的第三隻眼，因為有鬼才有案 ?
我真係唔知佢嗡乜 ? 我淨係聽過 97 回歸前的帽徽是皇冠蓋頂，夠殺氣所以才有辟邪之效。
骗徒講每間差館有 7-8 名有修行之事，隨時可以處理有關靈異案件。
簡直謊謬致極點。
吊頸現場，負責案件之警員會先做一個劍訣的手勢，( 即類似包剪揼的剪，不過手指是合埋的)，然後才解繩。
阿黃 sir，吊頸繩是要剪断，絕對不容許解結，因為條繩連埋過結是日後上死因研究廳的証物，相信連 RPC 都識。
我個人係相信有靈界這回事，不是在這裡爭議靈界、人鬼神三界之說。我只係睇唔起這位偽警借警隊之名四處招遙撞骗，無中生有，為兩斗米糊口亂作故仔呃讀者。
各俭師兄師姐如認為我所述的有不正確之處，請予纠正，謝謝。

作者: 鬼仲 時間: 2005-9-14 08:54 PM 標題: 有關星期一 (9/12) 深夜恐佈熱線嘉賓「重案組黃 sir」的回應

佢會唔會咁浪費時間上電台講野呀??
不過真正佢係點就真係唔知喇......
希望有人講到佢真定係假啦?

作者: manman288 時間: 2005-9-14 09:26 PM 標題: 有關星期一 (9/12) 深夜恐佈熱線嘉賓「重案組黃 sir」的回應

我覺佢好假,,
d人傳說話97 回歸前的帽徽是皇冠蓋頂，
夠殺氣所以才有辟邪之效。
佢由話咩遮住頭上個d火,,,,,,易見鬼之類,,,,,,,,
我所述的有不正確之處，請予纠正，謝謝。

作者: kichow617 時間: 2005-9-14 10:29 PM 標題: 有關星期一 (9/12) 深夜恐佈熱線嘉賓「重案組黃 sir」的回應

真高興有人提供專業以及正確的事實
我個人認為最令人難以置信的就是警局會有7-8個有修行的人
負責靈異案件

作者: freegoman 時間: 2005-9-15 12:09 AM 標題: 有關星期一 (9/12) 深夜恐佈熱線嘉賓「重案組黃 sir」的回應

當晚我亦有收聽該節目，本人亦覺這所謂黄Sir完全無料到，所答的問題，無凌兩可。

作者: manman288 時間: 2005-9-15 02:52 AM 標題: 有關星期一 (9/12) 深夜恐佈熱線嘉賓「重案組黃 sir」的回應

有收聽(9/14深夜恐佈熱線ma ???????
好多ar sir打電話上去話重案組黃 sir,,,,,,
呢個黃 sir好似正到好多ar sir好嬲

作者: butn 時間: 2005-9-15 05:41 AM

***** 板主模式 ***** 該文章是管理員從幽靈鬼怪(香港地區)轉移過來的！

作者: elf 時間: 2005-9-15 09:07 AM 標題: 有關星期一 (9/12) 深夜恐佈熱線嘉賓「重案組黃 sir」的回應

Sept 14, 05 的恐佈熱線中，己有幾位阿sir清澄。

作者: yinglung 時間: 2005-9-15 11:01 AM 標題: 有關星期一 (9/12) 深夜恐佈熱線嘉賓「重案組黃 sir」的回應

呢個「重案組黃 sir」吾係差人..我冇聽錯佢好似係一個作者...
我都覺得佢係一個骗棍...我雖然吾係差人..但我家人加加埋埋都有五十幾年差...
佢講D野真係好謊謬...聽講佢下個星期一仲會上去個節目...如果EDEN睇到 ...希望佢同潘生傾傾仲好吾好俾呢個神棍上去

作者: aso 時間: 2005-9-15 12:05 PM 標題: 有關星期一 (9/12) 深夜恐佈熱線嘉賓「重案組黃 sir」的回應

下面引用由manman288在 2005/09/15 02:52am 發表的內容：
有收聽(9/14深夜恐佈熱線ma ???????
好多ar sir打電話上去話重案組黃 sir,,,,,,
呢個黃 sir好似正到好多ar sir好嬲

我相信每個行業，如果喜歡自己的公司，都不希望見到一些渾人借自己公司的名聲，四處找尋着數，渾水摸魚。更甚者，發佈虛假言論，從中獲利。所以不難見到當事人挺身而出维護自己公司的名聲，儘力防止這些骗棍一再利用。
昨晚很高興聽到幾位有心的師兄反驳那位無恥之徒不盡不實的謊言，其中一位更是退休多年的長官。
節目主持人說就以一個娱樂性節目的心態去睇這事件，聽埋下星期一這位骗棍再 gull up 一些個案云云。我相信這骗棍黃 sir 已帶給主持人一些驚喜，起碼已經引到聽衆注意，主持人應該更期待下星期一節目出衔後會有什麼迴响。
我認為這個節目並非一般的娛樂性節目，因為經常有些專家在這節目出現發表言論，嚴肅探討靈界這非常敏慼的題目，至少都令到聽眾覺得貴節目有某一程度的專業，有雒意料到主持人會找這骗棍上台認屎認屁 ? 其他真正的娛樂性節目，舉例就現時無線最新在半夜翻播的刑事偵缉檔案，係人都覺得情節很假，還非常之假，但有誰會去 TVB 或廣管局投訴此電視劇節目內容的真實性 ? 希望節目主持人潘紹聰先生能維持傳媒的專業操守，正如貴節目的 opening - 專業、求真。我知下星期一骗棍的訪問會是錄播，如叫你抽起骗棍唔播對你很為難，及會令人覺得我無道理兼很霸度，但主持人可否預先查一查他將會在節目所講的言論真實性，儘量減少這骗棍在大氣電波廢話連篇 ? 至少身為節目主持人為自己的節目，曾出力阻截不法份子向公眾發表不良言論而誤渡蒼生，心安理得，問心無愧。
骗棍黃 sir ，希望你早日回頭是岸，為你自己及家人積德，揾食有好多條路，寫作亦有許多題才，老是掹警察車邊揾食，無人會睇得你起。他日你的仔女長大，偶然見到你的大作，問
你以前是否重案組，很有興趣去知你會否厚顏無恥去認「係」，或終於大徹大悟去講「唔係，daddy 以前係作家，乜都老作嘅。亅

作者: karu 時間: 2005-9-15 05:14 PM 標題: 有關星期一 (9/12) 深夜恐佈熱線嘉賓「重案組黃 sir」的回應

作為聽眾，其實只是當故仔聽，當中是真是假，本人認為並非完全無可能。主持人、黃Sir 所說仍頗中肯。請問有誰能肯定當中是假？警方出名機密部隊，市民、警隊內部又知得幾多實情？
"97 回歸前的帽徽是皇冠蓋頂，夠殺氣所以才有辟邪之效。" 即係警隊都會遇到邪野啦，但係呢D "皇冠蓋頂" 之言又信？
每間差館 (應該指每區)有 7-8 名有修行人，咁唔通"修行人" 唔可以入警隊? 唔知唔代表冇喎，咁警隊內部係唔係人人都知邊個係做臥底？邊個係飛虎隊成員？
"負責案件之警員會先做一個劍訣的手勢"，黃Sir 冇話每個警員都會咁做，但係剪繩的話咪即係破壞了証物？
相對，有誰能證實那些自認警員的聽眾，真的是警員？

作者: manman288 時間: 2005-9-16 01:34 AM 標題: 有關星期一 (9/12) 深夜恐佈熱線嘉賓「重案組黃 sir」的回應

下面引用由karu在 2005/09/15 05:14pm 發表的內容：
作為聽眾，其實只是當故仔聽，當中是真是假，本人認為並非完全無可能。主持人、黃Sir 所說仍頗中肯。請問有誰能肯定當中是假？警方出名機密部隊，市民、警隊內部又知得幾多實情？
"97 回歸前的帽徽是皇冠?..

作為聽眾，我都係當故仔聽,
唔知唔代表冇,係啱,
但黃Sir ,講野係有問題,
係主持人潘紹聰先生,話黃Sir 係AR SIR,啫,,
除左潘紹聰先生之外,,,
咁由有誰能證實佢係AR SIR??
警員打去回應,,,只是要講番佢地GE意見,,
信唔信由你,,但你唔好話人真的是警員呢D野,,
大氣電波,無咩人可以證實
你唔信咪當普通人打去回應,
使咩理佢係咩人,聽之MA~
使證實佢係咩人,信唔信由D人會選擇,

作者: aso 時間: 2005-9-16 11:54 AM 標題: 有關星期一 (9/12) 深夜恐佈熱線嘉賓「重案組黃 sir」的回應

下面引用由karu在 2005/09/15 05:14pm 發表的內容：
作為聽眾，其實只是當故仔聽，當中是真是假，本人認為並非完全無可能。主持人、黃Sir 所說仍頗中肯。請問有誰能肯定當中是假？警方出名機密部隊，市民、警隊內部又知得幾多實情？
"97 回歸前的帽徽是皇冠?..

我不是回應你的見解對興錯，因為每個人都有不同的思維及議見。
我只係想問警方是出名「機密部隊亅嗎 ? 這個 term 我真是第一次見。有什麼報章、書藉或其他傳媒介紹過警隊出名是「機密部隊亅? 可不可以形容下「機密部隊」有幾出名 ?

作者: karu 時間: 2005-9-16 12:58 PM 標題: 有關星期一 (9/12) 深夜恐佈熱線嘉賓「重案組黃 sir」的回應

下面引用由manman288在 2005/09/16 01:34am 發表的內容：
作為聽眾，我都係當故仔聽,
唔知唔代表冇,係啱,
但黃Sir ,講野係有問題,
係主持人潘紹聰先生,話黃Sir 係AR SIR,啫,,
...

咪就係咁話囉，我只想講，大家唔知道在大氣電波上那個真那個假，不如聽下各界意見，抱住聽故仔心態就夠啦，也不用(亦不可能)求證真與假。

作者: karu 時間: 2005-9-16 01:08 PM 標題: 有關星期一 (9/12) 深夜恐佈熱線嘉賓「重案組黃 sir」的回應

下面引用由aso在 2005/09/16 11:54am 發表的內容：
我不是回應你的見解對興錯，因為每個人都有不同的思維及議見。
我只係想問警方是出名「機密部隊亅嗎 ? 這個 term 我真是第一次見。有什麼報章、書藉或其他傳媒介紹過警隊出名是「機密部隊亅? 可不?..

警隊是不是「機密部隊亅，不用本人多說，留待各大市民判斷吧。
請問一聲，警隊內裡的「機密亅, 作為一般市民會知道嗎？至少我們能知道誰是 CID 嗎？

作者: karu 時間: 2005-9-16 01:17 PM 標題: 有關星期一 (9/12) 深夜恐佈熱線嘉賓「重案組黃 sir」的回應

節目上無人話那個"黃Sir" 是差人，主持人Edmond 同 Andy 都強調 "黃Sir" 不是差人。香港地教書的男教員都叫 "阿Sir" ，就算衛生幫都會被人叫 "阿Sir" 啦。

作者: 啤利雪 時間: 2005-9-17 12:26 PM 標題: 有關星期一 (9/12) 深夜恐佈熱線嘉賓「重案組黃 sir」的回應

我觉得~~~无论真好定假好~~~ 听咗米算囉~~~无需理会~~~~~ 不过有度好搞笑~~有6-7修行过嘅人员处理呢D事~~~~ 总劲过X档案入边~~~~ 咁又令我霖起以前做过噶一部电视剧<<灵异侦缉档案>> 距地系古董仓度帮鬼破案已经好咩啦~~~ 以家总杀出个6-7个修行过嘅人员~~~~~~

作者: TinaWater 時間: 2005-9-17 09:01 PM 標題: 有關星期一 (9/12) 深夜恐佈熱線嘉賓「重案組黃 sir」的回應

呢個重案組黃sir, 佢出d書我都成日?7-11見到有得賣, 但係就真係一本都冇買過.
原因第一佢根本唔係警察部門既人, 可信性唔高;
第二係因為佢文筆又唔係特別好, 文化程度唔高.
如果要我睇, 我寧願揀雷宇揚d鬼故書都唔睇佢果d, 起碼娛樂性夠高!
講番正題, 我聽節目重溫就一路聽一路笑!
一開頭爆笑就係佢介紹自己時話自己"嚴格黎講唔係一個警察", 又話自己 "比警察更加警察"! 我心諗: up乜春呀佢???
條友仔講警方做事方式又有錯, 講靈異知識又有錯, 真係唔知好嬲定好笑!

作者: manman288 時間: 2005-9-17 09:30 PM 標題: 有關星期一 (9/12) 深夜恐佈熱線嘉賓「重案組黃 sir」的回應

下面引用由TinaWater在 2005/09/17 09:01pm 發表的內容：
呢個重案組黃sir, 佢出d書我都成日?7-11見到有得賣, 但係就真係一本都冇買過.
原因第一佢根本唔係警察部門既人, 可信性唔高;
第二係因為佢文筆又唔係特別好, 文化程度唔高.
如果要我睇, 我寧願揀雷宇揚d鬼故書...

咪就係,,
當笑話聽lo,,,,,唔need咁認真

作者: ALICE0407 時間: 2006-8-10 01:44 PM 標題: 有關星期一 (9/12) 深夜恐佈熱線嘉賓「重案組黃 sir」的回應

有人看的懂繁體中文嗎?我想問一下"刑事偵缉檔案"的片頭曲是哪一個人唱的?
歌名是什麼?

歡迎光臨 Cyber X-files (http://cyberxfiles.com/cyberx/)