Cyber X-files - Powered by Discuz! Board

標題: 提供鎖羅盆資料 [打印本頁]

作者: ckaho1972 時間: 2005-9-3 08:15 PM 標題: 提供鎖羅盆資料

係恐伂熱線人處知道提到鎖羅盆村的怪事我有D資料可以同大家分享,我以前係一間公共機構工作好多時會到新界北區的偏遠地方工作,鎖羅盆村就係其中之一,其實個處真係好偏僻我地有禁區紙由沙頭角碼頭坐船到谷埔行山路上分水凹再落鎖羅盆行大約兩個鐘或包船到直接到鎖羅盆村附近的小碼頭(以前英軍用),我從一D船家及荔枝窩村民處得知鎖羅盆村以前因發生瘟疫(死左一半村民)及水原問題令村民離去而荒癈,又因鄰近邊界有好多非法入境者會路經暫住所以不時有人在村內煮飯煮菜(我本人都見過有大陸人在癈屋內煮飯),而點解指南針會在村內失效而令郊遊人仕迷路全因山上有一個荒癈的鐵礦(大約在梅子林附近)所致,其實個處就算無靈體都有野豬、野牛、野狗、大網蛇等等野生動再加上非法入境者及入村D山路都被野草覆蓋(D草有成個人咁高)又危險又偏僻我都係唔讚成大家去.

作者: browneyes 時間: 2005-9-3 08:41 PM 標題: 提供鎖羅盆資料

喔~@@"原來是這樣^^
先要謝謝你的資料~
相信對大家都很有用吧~
令我們了解了不少~
起初我在聽的時候真的不敢相信~
心想~有沒有這樣邪門喔@@"

作者: jommy1697 時間: 2005-9-4 06:53 PM 標題: 提供鎖羅盆資料

咁果到係人村，一定冇鬼la~~咁果度係唔係山谷一個ar???

作者: 59bbchun 時間: 2005-9-4 07:45 PM 標題: 提供鎖羅盆資料

哦哦~原來係咁::-_-
難怪不清楚的人以為有靈體存在::

作者: ckaho1972 時間: 2005-9-4 11:21 PM 標題: 提供鎖羅盆資料

鎖羅盆村確實係山谷入面,在谷埔村及荔枝窩村中間的山谷中,十年前附近蓉樹凹重有人在該處養鴨,不過養左不久都走晒,個處依家一個人都無(連D非法入境者都少晒),D了無人積的地方靈氣特別重,鬼就無乜D山精妖怪就.........(因我有一次在附近的分水凹遇到一個神秘的白衣老人)

作者: fungchiyuen 時間: 2005-9-5 08:36 PM 標題: 提供鎖羅盆資料

好欣賞ckaho1972 這留言，對一些鎖羅盆村神祕現像以合理解釋。鬼不是不存在，但常常誤把一些稍為奇異的現像推作鬼怪。我雖然未去過這鬼地方，但那麼偏僻的村落，後生的不會留低，老的死了就必定荒廢。

作者: 小靜 時間: 2005-9-18 11:08 PM 標題: 提供鎖羅盆資料

我之前曾跟一些行山人士一齊行過鎖羅盆探秘的路線，到達鎖羅盆村只看見已荒廢的村屋，當我地離開村莊後，導遊講了一個關於該村的怪異事件：聽說曾有位老伯參加一些行山團體行鎖羅盆路線，由於只是一班人一齊行山，故由出發到行完這班人一直都沒有點人數......行完山後，各人回家，而該老伯的家人發覺這老伯沒有回家，就報警求助，經該行山團體提供行山路線，警察就在鎖羅盆村發現老伯的屍體，而老伯的姿勢是跪站在地上........

歡迎光臨 Cyber X-files (http://cyberxfiles.com/cyberx/)