Cyber X-files - Powered by Discuz! Board

標題: 我對香港公民意識的感受! [打印本頁]

作者: porkchophell 時間: 2005-12-21 08:47 PM 標題: 我對香港公民意識的感受!

今日公司走火警, 給我的感覺就是, 香港人缺乏危機感跟公民教育意識差.
無他的, 香港這樣的教學制度已經係一個死症.
走警演習是要去明白走火的通道, 環境與時間.
但係這種演習真的對未來有幫助嗎?
完全沒有, 第一, 事先聲明的演習已經是最大的死因.
根本令到所有公司的人危機感薄弱.
特別是公司的癈物說道, '呀! 陣間走火警你去唔去玩呀?'
我當時心諗, 真係火警的時候, 你班xx一早被火燒死.
態度懶, 慢, 危機感差令我對這次所謂的演習十分之失望.
走火警還要做完手上的事物, 拿衣服, 去廁所! 倒不如不要出去吧!
大家還記得嘉利大火的慘劇嗎? 就是人們缺乏危機感.
沒有意識去看周圍事物發生令到做成多人被活活燒死的慘劇.
這樣令我更加覺得政府所謂推動公民意識形同虛設.
而最令我看不過眼的理由就是, 如果突發的演習會做成恐慌. 那
不如不要演習了吧. 人的危機感與警覺性提高是需要特別的訓練.
樣才會對事發時作出冷靜的判斷而不是懶懶閒.
大家認同嗎?

作者: TinaWater 時間: 2005-12-23 02:10 PM 標題: 我對香港公民意識的感受!

哈!  香港由幼稚園開始就每年兩三次火警演習, 年年咁走, 走到畢業出黎做野都係咁走.
細個覺得火警演習好開心, 因為可以乘機唔使上堂, 而且香港嚴重火災唔多, 個個都好老定咁知道一定係演習, 從少就當演習係玩, 完全灌輸唔到危機意識.
到左出黎做野好好笑, d管理署一定派定通告話俾全句界知幾時有火警演習, d人只會覺得火警演習阻住佢地做野, 所以好唔願意咁 "賴賴行".
不過火警演習既目的, 都係想俾人知道如果真係有火警, 應該走邊條路最快離開現場, 並唔係要嚇d人, 其實演習邊有可能俾到真實火警既環境架?  到真係火警時, 可能本來走開果條樓梯燒緊唔行得tim!  所以演習既目的並唔係灌輸危機意識俾人, 而係教人最簡單快捷既方法保護自己.
就等於日本地震演習, 都係俾人知道地震時應該搵最近保護到自己既地方走避, 但會唔會真係震到d野 "冧" 哂落黎丫?  唔會丫ma!  但日本年年地震都非同小可, 到時 "呢" 係邊都死啦!  所以演習並唔係要灌輸人危機感同警覺性.
危機感同警覺性, 應該係從小既常識教育, 就好似從小就學習過馬路要小心咁, 你阿媽會唔會揸架車撞埋黎嚇你, 等你知道過馬路要小心丫?  所以危機感同警覺性, 唔係用 "嚇" 黎訓練.

歡迎光臨 Cyber X-files (http://cyberxfiles.com/cyberx/)