Cyber X-files - Powered by Discuz! Board

標題: [原創文章]我的靈異經驗 [打印本頁]

作者: melomkc 時間: 2005-2-16 11:52 PM 標題: [原創文章]我的靈異經驗

在我還是幼年時,有這麼一個經驗~
當時,我只有3-4歲,我是和父母同房的~
每晚當我睡到半夜時,都會無故醒來,見到在房門的門楣上有一個小孩的身影,
我無法知道他是男或女,因為他全身都是雪花~
那身影一直(陪伴)我成長,雖見到的次數已比以前少~
直到我大概11歲那年,有位好友的親人去世,
她來我家玩,那時她的親人還未過頭七~
之後我一日,她致電給我,說昨晚見到她的親人在天花板上看住她一晚~
之後,我再沒見過那身影了~
我很想知這2件事有沒關連~各位,如果你有類似經驗或知道是甚麼一回事,
請你來分享分享!!!

作者: ClvinChn 時間: 2005-2-17 05:50 PM 標題: [原創文章]我的靈異經驗

大家好、
我有好多親身經歷，因為我自少開始已經間歇性咁見到或者感應到靈體o既存在。老實o的講句，攪都被佢地攪過幾次。我依家同大家講一部分，唔知大家有冇同一樣既經歷。
我以前同屋企人住果陣時係住o係公共屋村，單位裡面都有間房，但係就好似粵語殘片果o的咁，唔係間到上天花既。而我屋企係有“裝香拜神”既。
讀中學果陣，因為我返上午，所以下午就多數返屋企。有一日我如常返到屋企，換左衫諗住入“老豆、老媽子”間房訓一陣。訓左落床之後未即時訓著，望住天花版眼 Look Look 咁。突然間見到天花版有o的煙出現，慢慢咁移動，好似一個女仔既外形，而且有埋五官輪廓咁。但係又突然間唔見左，當時弟一個想法係•••邊個 3 點幾“裝香”？跟住我就起身睇下，點知屋企冇裝香之外，仲係冇人添！不過當時又唔係好驚，因為諗住日光日白，之後都冇咩特別野發生。直到依家，同樣既煙狀物體，我都有見過幾次！
中五果陣時，我就時常“比鬼壓”。而且每之“比鬼壓”時都聽到好嘈雜既聲音，有幾次好辛苦咁睜到開眼，都見到有好多隻手影咁向我抓過黎。每次都係好驚咁即刻合返埋眼，等到“比鬼壓”狀況消失為止！直到畢業之後“比鬼壓”先至開始少返o的！但都仲有！
而o係我弟三份工既時候，有一次同o的舊同學去 Karaoke，唱到咁上下，覺得有o的?就伸下懶腰。就o係果陣時就突然間發覺隻右手冇左感覺，當我想轉個頭去睇既候，突然間比人好大力咁打左個頭一下，但係我發覺打我既係我隻右手，而且仲係“渣”實拳頭！當時已經好驚，話比我o的舊同學聽，仲比佢地串，話“係呀！你撞鬼呀”。弟二個禮拜返工，o的同事話見到我塊面好黑，我最都冇為意。之但係冇幾耐之後就開始病，一病就係幾個月，成個人輕左十磅！
手?暫時打住咁多先，因為我都仲有好多離奇野！由最初好驚到依家冇咁驚既經歷。

歡迎光臨 Cyber X-files (http://cyberxfiles.com/cyberx/)