Cyber X-files - Powered by Discuz! Board

標題: [閒話一則]十大呃細路既大話 [打印本頁]

作者: bobo20082020 時間: 2005-4-27 02:30 PM 標題: [閒話一則]十大呃細路既大話

1.同你儲埋d利是錢入銀行
2.生舊叉燒,好過生你
3.再喊叫警察叔叔拉你
4.食蔥會聰明 D
5.食唔清 D 飯會娶個豆皮老婆
6.裝人沖涼會生眼挑針
7.講大話甩大牙,但係都冇甩過半隻
8.唔好玩橡筋，因為橡筋會吸血
9.咪周圍走...如果唔係比"鴉污"捉左你
10.同人咀過會大肚
覺唔覺得好熟呢....
呢d全部都係d大人呃細路既大話..而我媽媽
以前就呃過我1.2.5.6.7.8.9...~"~
而家我就用1.7.9呃我的兒子~*.*

作者: 靈亞 時間: 2005-4-27 02:53 PM 標題: [閒話一則]十大呃細路既大話

我試過比人用2、3、6、7、8、9呃過!你唔講我都仲未知橡筋會吸血原來係大話。 (呢篇實在太想用白話寫喇!!>v 作者: love4over 時間: 2005-4-27 05:38 PM 標題: [閒話一則]十大呃細路既大話

除左５，８，１０之外，都比人呃過∼＊
我阿媽依家都成日講啦∼＊　
媽：唉，生舊叉燒，好過生你．可以室番入去就好喇∼
我：咁個肚咪會好大囉∼　．ｏ．
媽：再唔係食左都好丫∼！！
我：岩啦岩啦∼　切ｄ去食啦，我都唔想有咁多肉．．．．
（以上係一小段既母女對話）＋．＋”

作者: Hollyren 時間: 2005-4-27 07:13 PM 標題: [閒話一則]十大呃細路既大話

除了「8.唔好玩橡筋，因為橡筋會吸血」無之外其他我都由細到大都聽家裡人有講！ >.<|||||||||||||||||||||| 哎∼∼∼∼∼∼∼∼∼∼∼∼∼

作者: agneslee 時間: 2005-4-27 07:41 PM 標題: [閒話一則]十大呃細路既大話

ar媽呃過1,2,5,6
8係聽小學d同學講 'o個陣真係信*

作者: browneyes 時間: 2005-4-27 08:09 PM 標題: [閒話一則]十大呃細路既大話

2.生舊叉燒,好過生你
7.講大話甩大牙,但係都冇甩過半隻
我媽媽都算對我幾好喎~

作者: ming1987a 時間: 2005-4-27 08:09 PM 標題: [閒話一則]十大呃細路既大話

我都係得8未聽過囉.....不過我阿媽仲係用緊第一個扼我囉
佢都幾夠膽

作者: fioncat1219 時間: 2005-4-27 09:21 PM 標題: [閒話一則]十大呃細路既大話

我細個生眼挑針時，阿媽就鬧我做乜“莊”人沖涼。仲有，我細個好鍾意穿橡筋繩，成日穿到成手橡筋，比阿媽見實鬧到訓底，又話會吸血原來係假?。

作者: POSHIGURE 時間: 2005-4-28 02:18 AM 標題: [閒話一則]十大呃細路既大話

我比我親愛的父母用1騙過....
最近我諗返起問返佢地我之前既利是錢呢?
佢地就用左一大輪你唔洗食，唔洗住來回應我.....

作者: 臻霜兒 時間: 2005-4-28 06:47 AM 標題: [閒話一則]十大呃細路既大話

哈哈....1.2.3.4.5.6.7.8.9 都被呃過= = 只有10冇..
不過"唔好玩橡筋，因為橡筋會吸血"
這我覺得好似好真呢= = 因為我細個都試過穿D橡筋穿到成手都係..
之後真係會紅哂~而且陰住痛咁..真係好似被吸左血= =..
我真係信嫁= = 其他果D佢地有呃我但我當然都唔會信= =

作者: chenghoying 時間: 2005-4-28 01:00 PM 標題: [閒話一則]十大呃細路既大話

全部大話我都比人呃過....^^"
不過比人呃得最多既都係1
細個個時如果屋企人同我講"生舊叉燒，好過生你"
我就會話"咁就好喇，有叉燒食"

作者: 星光 時間: 2005-4-28 01:41 PM 標題: [閒話一則]十大呃細路既大話

下面引用由POSHIGURE在 2005/04/28 02:18am 發表的內容：
我比我親愛的父母用1騙過....
最近我諗返起問返佢地我之前既利是錢呢?
佢地就用左一大輪你唔洗食，唔洗住來回應我.....

我都試過俾阿媽咁呃過..大個左問番佢.....佢都係咁答番我...之後我就冇問了= =...
至於4同7都有...咁人地唔鐘意食蔥都冇辦法= =

作者: z9413 時間: 2005-4-28 01:54 PM 標題: [閒話一則]十大呃細路既大話

我阿媽仲有呃我話，如果我唔聽話差人會拉我

作者: BuTn 時間: 2005-4-28 02:13 PM 標題: [閒話一則]十大呃細路既大話

以上o既當然不在話下,
我仲有一點親身經歷 ------
1. 小二時, 娘同在下講 "你考得"好"就帶你去"敵視你"樂園",
結果在下考到全班第一, 但娘就話全級第一先至係"好"........
由o個陣開始我就明白"好"o既定義係因人而異~
(不過, 娘o係我中四時帶左我去日本"敵視你"land)
2. "你個衰仔, 我都唔知點解執你番黎!",
娘o係在下細個時講呢句野不下數十次.........
攪到我o個時真係以為自己係執番黎.
到左宜家, 我有反問娘: 執o既話你又執到個同你咁似樣o既咁醒?
娘就很巴閉咁講: 就係似樣先執番黎~~~
............果然係我敬重o既娘........

作者: Chieri 時間: 2005-4-28 04:00 PM 標題: [閒話一則]十大呃細路既大話

1.同你儲埋d利是錢入銀行
4.食蔥會聰明 D
5.食唔清 D 飯會娶個豆皮老婆
7.講大話甩大牙,但係都冇甩過半隻
8.唔好玩橡筋，因為橡筋會吸血
9.咪周圍走...如果唔係比"鴉污"捉左你
以上都係我阿媽呃過我o既o野 ..... 睇完之後就感得以前好無知，由其係4 同 8 ~~~~ >o<
最好笑o既係 .... 直到依家 ..... 我阿媽都仲好堅持話佢真係有幫我將o的利是錢儲入銀行。^_^|||
仲有呀，細個扭計要買玩具o個陣 ..... 阿媽每次都有一句對白講 ---- >「你乖呀o下，等陣間返轉頭先買比你呀 ..... 」但係再經過同一間舖頭 / 同一個地方o個陣，阿媽都特登行快o的 .... 或者就直頭走人費事會經過 ~~~ 之於我每次都係返到屋企先醒係阿媽應承過買玩具，點知一等就等o左十幾年 @@

作者: taoming 時間: 2005-4-29 02:25 AM 標題: [閒話一則]十大呃細路既大話

下面引用由Chieri在 2005/04/28 04:00pm 發表的內容：
「你乖呀o下，等陣間返轉頭先買比你呀 ..... 」
...

幸好那十大呃細路的大話也不是母親對我說的，反而同學間就經常流傳，但自己都絕少信以為真！
至於「陣間返轉頭先買」父母卻經常使用，但記得自己破解的方法為「企定死扭」。
現在施予於自己女兒身上的為升級板本：「這個唔好，那個更好...那邊可能有更好的啊！」因在花多眼亂之下，她很難作出選擇，於是就可悄悄地帶她回家。由於女兒還細，暫時還十分見效！

作者: joe198663 時間: 2005-4-29 03:08 AM 標題: [閒話一則]十大呃細路既大話

Whatever my mother told me about 1,2,7,8,9...
And I believed it so much when I was a child...
1.My mother always saved all the money from my red pockets, I believed she would give me
back, but I didn't where did the money save...
2.When my mother was angry, she would say as this way...
Now I think it is so funny & I don't believe it any more, how can a person become 叉燒?!
7. Whatever I believed it so much, I would test my teeth was still here or not after I told lie...
And actually my teeths are healthy now...
8. Actually I don't know it is a lie too, whatever I was so scared to touch rubber band...
9. My mother usually frightened me as this way and I would be very afraid there was a terrible
monster bit me...
Thanks for my mother's funny lies...
Actually she is concerned about my behavier...
It seems that she LOVEs me so much...

作者: angefan 時間: 2005-4-30 11:59 PM 標題: [閒話一則]十大呃細路既大話

1.同你儲埋d利是錢入銀行
2.生舊叉燒,好過生你
以上兩點有發生在我的身上，關於第一點，我的母親說裝修時用了，我卻覺得不想給我就說不想給我好了，何必要說謊騙我呢？
＞＞最好笑o既係 .... 直到依家 ..... 我阿媽都仲好堅持話佢真係有幫我將o的利是錢儲入銀行。^_^|||
其實妳的母親沒有欺騙妳，她只是說存入銀行，沒有說會再給妳。

作者: rickywong 時間: 2005-5-1 12:07 AM 標題: [閒話一則]十大呃細路既大話

1.同你儲埋d利是錢入銀行

我覺得呢個好卑鄙,細老仔錢都呃
我俾媽咪呃左3年拉
原來我沒bank account架

作者: angefan 時間: 2005-5-1 03:40 PM 標題: [閒話一則]十大呃細路既大話

雖然有時候我都會這樣想，但是卻覺得不可以這樣說母親呢！畢竟就算她沒關心過我，從小到大她為我付出的錢也不止利是錢的數目啊！你讓我覺得你還很少呢！

作者: rion 時間: 2005-5-1 06:31 PM 標題: [閒話一則]十大呃細路既大話

"唔好玩橡筋，因為橡筋會吸血"到7-8歲先知係假

作者: 野蠻女 時間: 2005-5-1 06:54 PM 標題: [閒話一則]十大呃細路既大話

十大欺負小孩子的謊話阿！樓主不提起，我也記不起原來年小時曾發生過阿！
除了樓主說到那十點外！
還記得每逢聖誕節我媽媽也會說這一年想聖誕老人送什麼款式的禮物阿？
天真的我一直相信有聖誕老人這回事，而到長大後當然知道沒有了！
不過我媽媽還把這個謊話幹得蠻好看，就是把禮物送去郵政局把它寄出！
還寫上是聖誕老人的名字當成署名，直至現在這個謊話對我兩個妹妹還管用！
終於在這一年聖誕老人搞出一個笑話來！
事情是這樣鰥生的，我最小的妹妹說想要一架遊戲機，我媽聽到的時侯嚇了一跳．
因她知道現在的遊戲機都蠻貴，收禮物的日子到了，最後禮物包送到我妹的手上！
我妹滿心歡喜地拆著禮物，當打開了，怎料到內裡完全是另一外回的事。
這時我媽補上一句話，這年聖誕老人可能沒錢了，下年吧！他應該會有！
最後，我妹把此事推到去聖誕老人的頭上了，至現在當看到有人裝成聖誕老人的樣子，也會行近他的身邊，大大聲說騙子！

歡迎光臨 Cyber X-files (http://cyberxfiles.com/cyberx/)