Cyber X-files - Powered by Discuz! Board

標題: 俾個理由我繼續同佢一齊 [打印本頁]

作者: TinaWater 時間: 2005-12-20 07:16 PM 標題: 俾個理由我繼續同佢一齊

兩個脾氣都差既人, 女既盡量遷就, 盡量講道理唔同佢嘈, 或者由得佢發脾氣, 聽哂佢話, 但係男既總係鍾意雞蛋裡挑骨頭, 點都俾佢搵到野黎鬧, 將小問題 "發揚光大", 仲好幾次癲到一哭二鬧三上吊, 以死威脅, 但個我都一路默默忍受, 因為覺得呢個世界上, 搵到一個真心對自己既人已經好難得, 叫自己唔好咁貪心, 唔好對對方咁多要求.
而我除左都係臭脾氣之人, 最麻煩就係我有好多好多朋友, 個個禮拜都有朋友約食飯, 但一個禮拜都起碼spend5,6日陪男朋友, 好多約會推得就推, 之不過好衰唔衰, 我既朋友, 大部份都係男性, 所以有時都熄電話或者唔聽電話, 怕男朋友唔開心.  但一出親街都出到好夜, 仲有時佢打黎聽唔到電話響, 又激嬲左佢.
男朋友因為工作受傷, 冇返工好耐, 當我工作時, 佢打好多次電話黎, 有時我忙唔可以聽佢電話, 到得閒少少先聽, 佢就問我 "做緊野呀?  好忙咩?"  除左呢d都冇乜野講, 但我又唔想收佢線, 又怕佢會唔開心, 一路做野一路拎住個電話, 搞到d同事覺得我成日都返工煲電話粥, 有時做野OT, 佢又叫我唔好擺咁多時間係工作, 俾D時間陪佢...
又有好幾次, 我係佢屋企, 有D小事佢覺得唔如佢意, 就同我講 "我發覺真係唔可以同你生活囉!  你同我換衫返屋企!"  我知佢係一時之氣, 所以由佢, 等佢下左度火我先再同番佢講野.
男朋友因為冇返工, 生活成問題, 我覺得兩個人一齊, 有難關要一齊渡過, 所以都唔介意幫佢供樓交水電同電話費, 諗住佢搵到工返先交番我自己份租, 但今個月, 因一個私人原因我辭左職, 個原因都係同佢有關, 但係佢都唔肯去搵工, 我唯有再搵過一份工.
有一日, 當我專心搵工, 佢又話我唔理佢, 我好聲好氣勸佢都搵番份工啦, 佢居然同我講冇錢有工都冇錢返...  =.=
又話醫院身體檢查報告話佢唔知得番幾多年命, 做黎為乜?  我D火開始黎, 但都仲禁得住, 好聲好氣同佢講 "係人都會死架啦!  咁醫生有冇話你幾時死呀?"  佢話唔知, 我話 "咁咪係囉!  人一日未死都要生活架啦!"  佢居然問我有冇見過醫院等死D病人, 我禁唔住D火, 答佢話 "咁你咪睇下有冇醫院收你囉!"  佢話唔想訓醫院, 想死得有價值D.
我又禁番住自己D火, 繼續好聲好氣同佢講 "有心點都借到番黎啦"  佢話唔想冇面, 唔想冇尊嚴, 想死都死得有價值D, 我今次真係頂唔順, 一句插埋佢話 "你覺得係屋企等死有價值你咪自己係屋企等死囉!"
跟住既對話都係咁上下圍繞呢個話題, 佢每一句自怨自艾, 我都答一句人生道理, 但係我語氣好平靜, 因為根本冇佢咁好氣!
最後講到我真係冇氣, 我CUT左佢線, 因為我唔想同一個放棄自己仲大條道理既人講野.
佢係咁狂打電話俾我我唔聽, 我SEND左個SMS俾佢話我唔想同D放棄自己既人講野, 一個自己都唔肯幫自己既人,冇人幫到, 冇人會理佢!
我終於忍唔住聽佢既奪命追魂CALL, 佢叫我即刻去佢屋企, 我點都唔肯去, 佢語氣好差好差, 我今次真係忍唔住動真火, 鬧左佢一餐又CUT佢線, 佢又係咁打黎我唔聽.
到左夜晚, 佢話我再唔聽佢電話, 佢冇錢都會黎搵我, 我真係唔想理佢, 即刻出街, 第一晚去左朋友度訓, 第二晚返左媽媽度訓.
到左第三日, 奪命追魂CALL不斷, 佢仲SEND SMS俾我話我唔理佢佢就繼續放棄自己, 話我都唔理佢, 佢做乜都冇意思!  仲話會同屋企人同律師講乜都留番佢我, 佢去死...
我覺得過去對佢太仁慈, 回番佢一句SMS, 叫佢唔好威脅我!  我唔想理一個放棄自己既人!
佢繼續都係呢D SMS, 我再一次回覆佢叫佢唔好就威脅我!
Then佢send sms話佢知錯, 叫我聽電話聽佢解釋, 好, 今次我聽.
點知佢都係一番唔長進既說話, 我又鬧左佢一餐, 搞到我屋企人都知咩事, 連我媽都叫我唔好黐呢d人.
跟住佢又send sms講埋d "會同屋企人同律師講乜都留番佢我, 佢去死" 既說話.
律師個朋友係男朋友個契家姐, 我打俾佢契家姐叫佢如果我男朋友同佢講埋d咁既說話, 唔使理佢, 佢契家姐問我發生咩事, 因為咁岩我男朋友約佢今晚飲野!  =.=
冇耐男朋友又send sms黎, 話搵緊工, 但唔識寫CV同冇PRINTER, 我打番俾佢話佢知網上有好多CV既SAMPLE, 佢話 "我唔識英文唔識自己打, 唔通攞個SAMPLE淨係改自己個名呀?"
嘩!  咩態度??  我即刻話 "唔識英文咪查字典囉!  你打俾我都冇用架, 唔通你搵到工, 唔識英文又搵我幫你做呀?  我PRINTER都冇墨, 你搵XXX幫你PRINT啦!"
佢又話唔想搵人幫, 我話一個自己都唔肯幫自己既人, 都冇人幫到你!  Then我又cut左佢線.
佢又打俾我, 我一聽電話就話 "你搵工啦!  唔好搵我啦!  你搵到工先搵我啦!
佢窮追猛打問我佢搵到工之後搵我又點?  我問番佢 "一個唔顧自己將來既人同我講將來呀?  一個冇條件既人同人講條件呀?"  又再次cut佢線.
夜晚佢契家姐臨出去同佢飲野之前打黎問我咩事, 我將件事大概咁講左俾佢契家姐聽, 佢契家姐都睇唔過眼, 果晚都鬧左佢一餐!
第二日, 佢send sms俾我話會俾心機搵工, 叫我俾時間同機會佢, 話一個月後俾成績我睇...
我唔知佢係咪得個講字, 我識佢時, 佢好有鴻心壯志, 但原來都係得但個講字, 近排佢身邊發生好多問題, 佢就開始放棄自己, 我勸又勸過, 鬧又鬧過, 真係冇眼睇佢...

作者: 詠春仔 時間: 2005-12-20 07:56 PM 標題: 俾個理由我繼續同佢一齊

咁樣的廢柴唔死冇用
佢有心留難你
如果佢真係愛你根本唔會咁
佢咁樣叫"用"你
唔係愛
係醒就盡快頂煲
根本你對佢咁好佢唔領情仲呢種語氣
係人類都識點對返你
如果你對佢差佢發皮四仲有情有可原
你三番四次幫佢佢都仲係咁呢d唔係叫遷就恕我得罪講句係"蠢"
佢就係對準你d咁o既性格先"恰"死你
正契弟一個~ 係我見到呢種人渣就鬥口鬥面打埋去

作者: ming1987a 時間: 2005-12-20 08:14 PM 標題: 俾個理由我繼續同佢一齊

我睇完都唔知可以比咩理由你
不過我覺得一個人可以打一段咁長既野上泥既原因係...
1想出下氣
2你想打段野比大家分享下
3定係你個心仲有e個人放唔開想搵人比個借口你
我唔知你咩!!
有咩講錯唔好怪我冇知=.. =

作者: porkchophell 時間: 2005-12-20 08:35 PM 標題: 俾個理由我繼續同佢一齊

嘿~ 這種人要死由佢去吧.
每樣東西都要問, 你唯一一個方法對付佢係反過來煩佢.
之後找一天問佢既感受, 俾佢知道咩野叫做煩.
相信依個方法好有效.
又或者係唔聽佢電話等佢死心.
完全同佢識既人斷絕來往一陣子.
根本依個人唔值得幫, 每個人都有挫折都放棄自己.
咁我咪死左好多次?

作者: ezratse 時間: 2005-12-20 09:52 PM 標題: 俾個理由我繼續同佢一齊

唉，天拿水，您的情路真是………！！！
唔……講真，以您的條件，不難找到個像樣的，這個就……有點………您明架啦，我不說了！！
唔好再做無謂的事啦！！把一切交給神啦，祂會帶領、保守尋求祂的人！！只要您耐心等侯，神一定會幫助您！

另，可能是我的偏見，我對用女人錢的男性特別沒好感！！說我古老也是這樣說！！
還有，他得返幾年命？？那應是得了慢性病，或是得了癌症，愛滋病之類的絕症，如果，是一些現在還沒有藥物可醫治的慢性病，如肌肉萎縮之類(我以前有個同學就是這病去世的)那就要叫他定時食藥，癌症就要看生的部位了！看中醫可能有幫助；愛滋嘛……唔……那您一定要小心點，記得用。

作者: 反反白 時間: 2005-12-20 11:01 PM 標題: 俾個理由我繼續同佢一齊

水水~~~睇完~唔知可以講咩好~
但~我會話比你知~
呢個男的~唔好再理佢啦~
佢之前講左的野~有幾多真係有做比你睇到啦?!~
我諗~你自己知道得好清楚的!~
呢d人~佢可能係真的有心改~
但~~~~我講你知~無可能改到的!~
可能會係真的有"進步"左lor~
但~絕對唔係到達你的要求lor!
你再"等"佢都無用啦~
係噤落去~只會係自己越來越hurt lor!~
你由他吧~~唔好再心軟啦
遲d~你就知~你的決定無錯的啦!!~
水水~~唔好灰啦!

作者: TinaWater 時間: 2005-12-21 02:05 PM 標題: 俾個理由我繼續同佢一齊

下面引用由詠春仔在 2005/12/20 07:56pm 發表的內容：
咁樣的廢柴唔死冇用
佢有心留難你
如果佢真係愛你根本唔會咁
佢咁樣叫"用"你...

"用" 我? "用" 我d咩? 唔係好明......可唔可以講多少少?
或者我真係咁蠢...

下面引用由ming1987a在 2005/12/20 08:14pm 發表的內容：
我睇完都唔知可以比咩理由你
不過我覺得一個人可以打一段咁長既野上泥既原因係...
1想出下氣
2你想打段野比大家分享下...

係第3個原因......"個心仲有e個人放唔開想搵人比個借口我"

下面引用由porkchophell在 2005/12/20 08:35pm 發表的內容：
嘿~ 這種人要死由佢去吧.
每樣東西都要問, 你唯一一個方法對付佢係反過來煩佢.
之後找一天問佢既感受, 俾佢知道咩野叫做煩.
相信依個方法好有效....

相信佢非常之樂意俾我煩......佢求之不得.
但係我係一個唔鍾意煩人既人, 因係係煩人既過程, 自己都會嫌自己煩!
唔聽電話呢個動作, 我已經好多日唔聽佢既奪命追魂call, 但係有時又擔心佢又走去做傻事, 畢竟如果有一日佢因為我而走去做傻事, 我會內疚一世.
其實佢真係曾經自殺, 係因為上一個女朋友同佢分手, 我唔想做第二個衰人.

下面引用由ezratse在 2005/12/20 09:52pm 發表的內容：
唉，天拿水，您的情路真是………！！！
唔……講真，以您的條件，不難找到個像樣的，這個就……有點………您明架啦，我不說了！！
唔好再做無謂的事啦！！把一切交給神啦，祂會帶領、保守尋求祂的人！！只要您�...

搵個似樣既......初時識佢, 我都以為佢就係 "似樣果個"......點知而家 "貨不對辦"... =.=
其實兩個人一齊, 我覺得 "有難" 就要 "同當"
但係......佢好似唔係想我同佢 "共患難", 而係想我陪佢一齊 "放pe".

下面引用由反反白在 2005/12/20 11:01pm 發表的內容：
水水~~~睇完~唔知可以講咩好~
但~我會話比你知~
呢個男的~唔好再理佢啦~
佢之前講左的野~有幾多真係有做比你睇到啦?!~...

我既要求唔係高, 只要唔係古惑仔, 正正經經返一份正職, 唔賭唔吸毒, 係我心目中已經合格.
尋晚同佢傾過一陣電話, 佢話而家返緊一份合約full-time, 搵返少少錢, 就會返朋友介紹果份full-time長工.
我而家諗緊既係, 我好唔好等佢 "重新做人" 繼續同佢一齊, 定還是而家就放棄佢?
其實我到而家都冇同佢正式講話分手, 我都唔知自己想點...

作者: porkchophell 時間: 2005-12-21 08:56 PM 標題: 俾個理由我繼續同佢一齊

下面引用由TinaWater在 2005/12/21 02:05pm 發表的內容：
我既要求唔係高, 只要唔係古惑仔, 正正經經返一份正職, 唔賭唔吸毒, 係我心目中已經合格.
尋晚同佢傾過一陣電話, 佢話而家返緊一份合約full-time, 搵返少少錢, 就會返朋友介紹果份full-time長工.
我而家諗緊既?..

唔~~~ 你的要求果然不高呢. 我自己不是古惑仔, 唔賭唔吸毒. 我不是已經合格了?
言歸正傳, 這樣用生命要脅你的人.
得到了你的人也得不到你的心.
感情是大家的, 不是我要你這樣做就要這樣做.
人心肉做, 有自己的思想和判斷能力.
希望你可以慢慢引導他去一個正確的方向.
到時再說分手也不遲.
因為覺得現在的關係大家都辛苦.

作者: TinaWater 時間: 2005-12-22 12:13 AM 標題: 俾個理由我繼續同佢一齊

下面引用由porkchophell在 2005/12/21 08:56pm 發表的內容：
唔~~~ 你的要求果然不高呢. 我自己不是古惑仔, 唔賭唔吸毒. 我不是已經合格了?
言歸正傳, 這樣用生命要脅你的人.
得到了你的人也得不到你的心.
感情是大家的, 不是我要你這樣做就要這樣做....

本來我都有咁諗過, 但係今日我真係好嬲囉!
晏晝佢打黎, 話佢屋企人係大陸返左黎, 唔想見到佢地, 今晚想係我度借宿一宵, 我當然唔肯啦!
跟住又話遲d返份長工係港島區, 想係我度住, 方便返工喎!
我話我屋企過海返工都好貴架! 叫佢搵個住港島區既朋友借地方俾佢囉!
跟住佢係咁求我, 叫我當幫下佢喎!
我就話如果佢搬過黎, 我會搬走!
佢就話想同我住, 想照顧我; 我答佢話我十幾歲就自己一個人住, 唔鍾意同人住架喎, 係冇可能既事囉!
佢係咁求我, 我講左好多拒絕佢既說話就cut左佢線.
到左夜晚, 我諗住寫diary, 先發覺佢上個禮拜係我果日既日記留左個言俾我, 我一睇ip address同邊間電訊公司, 即刻勁嬲, 因為我記得上個禮拜收到dairy server個e-mail話有人想撞我password, 我即刻開e-mail睇下撞我password既日期、時間、ip同電訊公司, 完全吻合囉!
我二話不說就打俾佢鬧佢侵犯我私穏, 話佢知咁樣係犯法, 佢唔認, 我就同佢講以後唔想聽到佢把聲, 佢講乜我都唔會再信!

作者: joe198663 時間: 2005-12-22 04:58 AM 標題: 俾個理由我繼續同佢一齊

Tina, 不要不開心嘛! ^_^
你給我的感覺總是很樂觀, 你很會為大家帶來快樂...
想不到你會受到一段感情的困擾, 這教我也很難過...
原來愛情是這麼可怕的, 害人陷於苦惱之中...

我看過你的經歷後, 心裡替你不值...
你不應該為這樣的一個男人而苦惱, 是時候想想要放手...
完全不值得為這個男人而費心...

一個如此沒大志的男人,
一個等死的男人,
一個只懂依賴你的男人,
想想最終的結果會如何?
即使他再糟蹋自己, 這也不要緊, 到底也是他的問題...
然而, 最大的問題是他根不懂得為你設想!
試問一個不懂得尊重你的男人, 怎樣相處下去?
他由此至終又有沒有為你設想? 你找不到工作, 他布替你煩心嗎?
為什麼他要把你從家中趕走, 然而他偏要到你家裡? 這不是很野蠻嗎?
我覺得他也糟蹋了你...

我對於他消極的人生態度也很反感!
說什麼有病就要等死, 這令我想起我那死鬼老頭, 我不負責任的父親...
我那不負責任的父親和你現在的男友一樣, 同樣糟蹋了我母親...
同樣是因為身患重病的緣故而終日躲在家中, 把責任全都推在我母親身上...
他沒有為自己的伴侶設想, 好一個活生生的人版...
現在雖然他過身了, 但我對於他不負責任的惡行...

因此我對於你男友如施的表現很反感!!
我不希望再見到有朋友會受到這類型的人渣糟蹋...
也不想這世上再添一場悲劇...
請好好想清楚, 最終一定沒有好結果的...
再下去只會令自己更痛苦而已...
Tina, 我在這裡充心的祝福你, 希望你能夠想通這一切, 好好把握你幸福的未來.......

再送你一首歌, 可能你沒有聽過, 但歌詞的部分很貼近你的經歷, 希望你也可以體會得到... ^^
''潔身自愛'' from 陳慧琳album, ''Styilish index''
歌手：陳慧琳 | 作曲：伍樂城
填詞：林夕 | 編曲：伍樂城
潔身　自愛　最好的尚未曾來
為何還要因寂寞愛你不愛
＊姊妹們　當你勸勞地化妝
　不應為　討好那從前伴侶前來仰望
　笑我們　快慰託付二人床
　為何從不講
　也擁有事業在發光
　(也擁有事業耀眼生光)
　情感小意思　不急於　說願意
　任何伴侶勉強　繼續也為面子
　男人　失去得到結合拆夥總有時
　休息過再開始　為期待命中天子
　接受惶恐委屈孤單焦急的痛苦
　也願意＊
甚麼　是愛　最好一定未曾來
要有更多選擇別要靠戀愛
REPEAT＊
潔身　自愛
別為寂寞利誘糊塗戴下那鑽石戒指
男人　失去得到結合拆夥總有時
找到了最好的　誰人用十指纖纖
為無名指小心穿起手織的戒指　我願意......

作者: 垃圾的香港人 時間: 2005-12-22 07:26 PM 標題: 俾個理由我繼續同佢一齊

下面引用由反反白在 2005/12/20 11:01pm 發表的內容：
水水~~~睇完~唔知可以講咩好~
但~我會話比你知~
呢個男的~唔好再理佢啦~
佢之前講左的野~有幾多真係有做比你睇到啦?!~
...

唔認同....相信反會員身邊應該無遇到一d因一段時間無工要頹癈過的朋友/網友
樓主重點係有一句"搵到一個真心對佢既人"
呢個好緊要.如果樓主既feel 無錯既話,
個男既應該有好大既心理壓力先會咁頹癈.
其一係,佢受過傷,所以無左份工,比自己的女友知道,就算女方再多安慰,也不會好過~
佢唔肯搵工,係因為佢受既傷/學歷問題. 令佢見工後怕又唔請,,當女友問及時,男方好難再將自己既失敗再一次/再三告訴自己女友,因為怕自己心愛的人因為自己的無用而離開
佢用一個強硬既態度對樓主,其實係心理上的迴光反照,因為佢要撐一個強的形象去保持"有能力保護女友"既形象. 雖然其實男方內心好痛苦,但大前提佢係想有一個"仲有能力照顧她"的意識,所以先要咁撐............
男方呢刻係好痛苦的~撐得愈強=佢愈緊女方..
希望樓主不要因為"你已經無前途而放棄他"
因為妳不是為錢而和他一起,
妳和他一起是因為佢比到妳其它男性比唔到既自在感..
其實男方"死撐"既程度由文中可見一班,樓主應該是知道的.對嗎?

作者: TinaWater 時間: 2005-12-22 09:53 PM 標題: 俾個理由我繼續同佢一齊

下面引用由joe198663在 2005/12/22 04:58am 發表的內容：
Tina, 不要不開心嘛! ^_^
你給我的感覺總是很樂ぇ傶纗L...
原來愛情是這麼可怕的, 害人陷於苦惱之中...
我看過你的經歷後, 心裡替你不值......

呢個人真係令我好失望...
係我仲考慮繼唔繼續同佢一齊, 居然俾我發現左佢撞我dairy password, 好似個天特登要我永遠都唔再理呢個人...
佢到今日都仲死口唔認, 但證據確鑿, 我覺得佢真係映衰哂香港d男人!!!! >.<

下面引用由垃圾的香港人在 2005/12/22 07:26pm 發表的內容：
唔認同....相信反會員身邊應該無遇到一d因一段時間無工要頹癈過的朋友/網友
樓主重點係有一句"搵到一個真心對佢既人"
呢個好緊要.如果樓主既feel 無錯既話,
個男既應該有好大既心理壓力先會咁頹癈....

冇錯, 搵到一個真心對自己既人係好難得, 咁佢有冇咁諗過?
佢有冇珍惜過我?  佢有時鬧我係想我好, 例如想我戒煙, 唔好成日飲酒等等...
但係好多時佢鬧我係出自 "自私" 囉!  好多時我根本冇做錯過, 只係唔如佢意, 佢問都唔問清楚因由就鬧我一餐, 又趕我走, 佢係真心對我咩?
一句 "分手" 咁輕易成日掛係嘴邊, 呢d係 "真心對我" 咩?
一個成熟既人, 係要對自己既生命負責任, 難道佢放棄自己就可以攞 "怕係我面前失敗" 黎做藉口咩?  咁樣未免對我太唔公平!
佢連自己都照顧唔到, 試問垃圾君, 佢點 "保護" 我呀?
佢做每一件事既出發點從來都只顧自己感受, 佢今日既痛苦係佢應得架!
我知以上講呢番說話較為偏激, 如果唔係尋晚發生果件事, 我都仲會嘗試從垃圾君角度睇呢件事同呢個人, 我都好明白兩個人一齊係要共患難, 兩方相愛, 有情都飲水飽, 但係佢根本就唔係想我同佢共患難, 而係想我同佢一齊 "放pe", 連水都冇得飲啦!  唔係錢既問題囉!
真心同我一齊, 真心同我講 "將來", 就要好好為將來打算, 佢有做到身為男朋友應該做既事咩?
好, 到左而家, 佢點都肯搵一份part-time返, 我都想睇下佢係咪有心重新做人, 但係佢尋晚......實在令我太失望!!!
正所謂 "錯就要認, 打就要企定", 即使佢因為尊嚴問題而繼續係我面前 "死撐", 但都應該俾番少少行動我睇以示誠意, 佢有做到咩?
最後, 垃圾君你講 "我和他一起是因為佢比到我其它男性比唔到既自在感"
唔知垃圾君從何見得呢?

作者: Blue20 時間: 2005-12-23 12:50 PM 標題: 俾個理由我繼續同佢一齊

TinaWater，我都留意這個post很久了，你的男朋友實在太可惡了。你處處遷就他，但是他卻時時令你失望...
如果真是要給你一個理由，我只能問你一句﹕
你還愛你的男朋友嗎?
如果答是，那就繼續下去吧。
若答否，那就分手。
其實我覺得愛情是簡單的﹕合則來，不合則去。
若這段愛情所帶來的感覺是痛苦多於甜蜜，而你快要到承受的極限時，那就是時候要懂得放手了。
希望你早日有所決定，
祝
快樂。

作者: 雷．仲恩 時間: 2005-12-23 01:54 PM 標題: 俾個理由我繼續同佢一齊

本來也不打算回的．
不過我就對事不對人好了．
以死要脅女人的男人，不死也沒用處了。
一個連「這個世界沒有了誰都可以繼續運作」的道理的「小朋友」，還有資格談情說愛嗎？
一個男人，頹，可以，廢，也可以。因為那可能是外來的因素，但「以死要脅」就顯示他人的問題。
一個真的想死的人是不會整天大喊大吵「宣佈」自己要死的。

作者: TinaWater 時間: 2005-12-23 11:01 PM 標題: 俾個理由我繼續同佢一齊

下面引用由Blue20在 2005/12/23 12:50pm 發表的內容：
TinaWater，我都留意這個post很久了，你的男朋友實在太可惡了。你處處遷就他，但是他卻時時令你失望...
如果真是要給你一個理由，我只能問你一句﹕
你還愛你的男朋友嗎?
如果答是，那就繼續你下去吧。...

其實愛唔愛......我由同佢一齊第一日, 直到而家, 我自己都唔知...
只係覺得一生遇到一個真心同自己一齊既人係好難得, 所以當初唔想自己第日會因為失去佢而後悔, 為佢付出d咩都唔會出聲, 而係佢決定重新做人果一刻, 我仍然考慮繼續同佢一齊.
但係點知佢連我私穏都侵犯, 有證有據, 佢都仲要死口唔認, 到今日仲send sms黎話平安夜冇我係身邊有幾唔開心, 又話期待同番我一齊既說話, 佢根本毫無悔意, 叫我仲點面對佢, 叫我點繼續同佢一齊?

下面引用由雷．仲恩在 2005/12/23 01:54pm 發表的內容：
一個真的想死的人是不會整天大喊大吵「宣佈」自己要死的。

冇錯!  記得係我同佢一齊唔夠一個禮拜, 佢就發癲搵把刀 "航" 住自己條頸......不過係刀背囉!  =.=  我當時已經知佢咩料, 但唔想佢繼續發癲, 所以處處遷就;
跟住果三個月, 佢時不時就玩 "坎頭埋牆", 上個月我終於忍唔住叫佢唔好再發癲, 點知佢變本加厲, 開左個窗花企圖玩跳樓!  我同佢爭鬥左好耐, 終於我冇力, 佢仍然堅持要跳, 我就報警, 佢見我報警即刻走, 仲send sms好話我係佢屋企玩野喎!
大佬呀!  係佢自己要跳樓先架喎!  唔通睇住佢跳落去呀?  講下道理好冇?
所以, 我唔明點解垃圾君會講 "我和他一起是因為佢比到我其它男性比唔到既自在感".

作者: 垃圾的香港人 時間: 2005-12-23 11:51 PM 標題: 俾個理由我繼續同佢一齊

下面引用由TinaWater在 2005/12/23 11:01pm 發表的內容：
冇錯! 記得係我同佢一齊唔夠一個禮拜, 佢就發癲搵把刀 "航" 住自己條頸......不過係刀背囉! =.= 我當時已經知佢咩料, 但唔想佢繼續發癲, 所以處處遷就;
跟住果三個月, 佢時不時就玩 "坎頭埋?..

見妳上面咁講,即係由頭到尾都對佢無咩感覺啦,
只因佢對妳好,妳便受了...(收觀音兵乎?)
好了,現在妳跟本就已經有了決定,可必係呢度出post 多此一問?
呢個post 跟本唔係什麼""比個理由妳同佢一齊"",
而係數臭佢,等所有人覺得他是一名負心漢,差勁的人,
等妳離開他時,自己心裏過得舒服.....好似個責任完全同自己無關......
好了,,現在好明顯是完全符合妳的要求丫.
會員個個叫妳呢個為他無私付出過的人離開個位負心漢又差勁的人....
妳咪一個電話彈比佢,一刀兩斷之後,再留個post 話攪掂左咪得lor......
駛鬼好似宜家,,個個post 都講佢d 問題..又刀架勁,又唔搵工,又勁發脾氣..
講到自己又忍,又無私付出,又呢樣個樣...
我呢刻淨係覺得妳係個d反轉豬肚就係臭屎既人~.......
-------------
我淨係想見妳下個post 話打左比佢一刀兩斷,就算聽佢叫生要死都cut 佢線,
又唔係又寫多幾個佢既衰野,妳既偉大

作者: TinaWater 時間: 2005-12-24 12:17 AM 標題: 俾個理由我繼續同佢一齊

下面引用由垃圾的香港人在 2005/12/23 11:51pm 發表的內容：
見妳上面咁講,即係由頭到尾都對佢無咩感覺啦,
只因佢對妳好,妳便受了...(收觀音兵乎?)
好了,現在妳跟本就已經有了決定,可必係呢度出post 多此一問?
呢個post 跟本唔係什麼""比個理由妳同佢一齊"...

垃圾君, 請你留意篇post既日期, 我出post果日仲係考慮緊仲繼唔繼續同佢一齊, 但係第二日佢就即刻做左d令我完全失望既事.
係女人都知道唔需要對 "觀音兵" 做任何野, "觀音兵" 都會自動送上門.
唔通你覺得我咁對佢, 只係當佢 "觀音兵" 咁簡單咩?
一隻手掌係拍唔響, 一路以黎發生既事, 唔會完全係佢一個人既問題, 呢點我第一日出呢個post已經講得好清楚.
然之後我講更多, 係同朋友&會員分享我既心事, 如果我有心 "數臭" 佢, 我可以將說話講得更難聽!
我一d都唔偉大, 我而家根本就係做緊一個衰人, 一個要同男朋友分手既衰人;
"反轉豬肚就係屎", 咁佢成日半夜三更話要趕我走, 呢d叫乜?
如果呢d叫 "自在感", 請垃圾君真係要恕我愚昧.
再者, 請教一下垃圾君, 當我到時同佢講分手, 佢又要生要死, 我唔cut佢線, 係咪又要幫佢報定警話有人係邊度邊度要自殺咁呢? 又或者我應該點做?

作者: ezratse 時間: 2005-12-24 12:47 AM 標題: 俾個理由我繼續同佢一齊

下面引用由垃圾的香港人在 2005/12/23 11:51pm 發表的內容：
見妳上面咁講,即係由頭到尾都對佢無咩感覺啦,
只因佢對妳好,妳便受了...(收觀音兵乎?)
好了,現在妳跟本就已經有了決定,可必係呢度出post 多此一問?
呢個post 跟本唔係什麼""比個理由妳同佢一齊"...

……樓主好像沒有說過對方負心之類的詞啦，請閣下看清楚！！！
另……您究竟是不是他男友用新account出文回應？？？？如果不是，那就最好啦！！如果是的話也沒什麼，看看雙方的論點，各會員依自已的智慧判斷誰是誰非也成！！唉！！情之何物，害人不淺！！！

作者: kawaiicoco 時間: 2005-12-25 06:53 AM 標題: 俾個理由我繼續同佢一齊

water u should forget this guy, he's not value himself and help himself , leave him alone and don't do anything for him. asked him to think about his behaviours . i don't think he love u anymore, he just want to use u

作者: am3p 時間: 2005-12-26 06:03 AM 標題: 俾個理由我繼續同佢一齊

分開的原因: 再咁落去你一定會有精神病...
呢刻可能仲有少少感情先未放得開...但到真係乜感情都冇我驚你會殺左佢.....

歡迎光臨 Cyber X-files (http://cyberxfiles.com/cyberx/)