Cyber X-files - Powered by Discuz! Board

標題: 農歷七月o既天水圍!! [打印本頁]

作者: sumsum2 時間: 2005-8-22 06:10 PM 標題: 農歷七月o既天水圍!!

我住天耀耀盛樓~住4樓,望既方向係耀泰樓對住天官!!~
我之前都post過一個親生經歷叫天水圍停車場紅衣女鬼個個故事,唔知有無人記得呢??
今次就講下每逄農歷七月係天水圍既事啦!!~
每到農歷七月開始,當我夜晚訓覺既時候,都會不其然聽到有鎖鏈聲!!~住係個到都知道隔離就係街市,咁我以為係街市個面d菜店所發出既聲啦(因為菜店係夜晚先返貨既!!)
點解我知得咁清楚??因為我係一個夜遊人黎架^^"~成日同我個fd去宵夜,所以個到幾時返貨我都知大概幾點既~

上年既農歷七月就係咁就每晚都聽到有鎖鏈聲啦~之後我都有老屋企講過下,佢地都無出聲,因為佢地知我成日都feel到!!好彩既係我淨feel到,好少見到囉!!~
今年農歷七月又到喇...如常都聽到有鎖鏈聲,其實平時唔係七月都有聽到,但無咁頻密囉!!係晚晚都有呀@@"

仲有一晚,我唔知係唔係眼花,當我對住個window食煙個陣時,見到耀泰樓對出個個鐵版有個人企左係到,白袍的女人!!起初以為佢等人,夜晚3點到啦!!唔為以,繼續打機,打到咁上下有食多口既時候又見到佢係到@@"望望時間5點半...咁其實都唔驚既,距離咁遠,咁就唔理食完訓覺囉!!
大家有時間留意下睇下見唔見!!~

作者: hugowong00 時間: 2005-8-24 09:27 AM 標題: 農歷七月o既天水圍!!

我都係住係天水圍.........
我都成日聽到天燿有鬼 la
我係天水瑞停車場見過@@"
but 天燿就唔知la

作者: suiting 時間: 2005-8-24 07:18 PM 標題: 農歷七月o既天水圍!!

我個fd都話見過白袍女人呀..仲同佢揮手..嚇到佢死死呀!! 前幾日我個fd同佢細佬去綠茵食野,,近公園靠馬路個條路.. 佢見到後面有個男人跟住佢地,,跟左好耐呀.. 之後行行下就唔見嚕..><"

作者: 真理 時間: 2005-8-25 12:55 PM 標題: 農歷七月o既天水圍!!

因為天水圍發生左好多慘劇!所以怨氣比較重,,,
下次去都係小心d好!

作者: kkkso04010 時間: 2005-8-25 01:12 PM 標題: 農歷七月o既天水圍!!

下一次當你見到個白袍女人時不如影返張相post up上來一齊分享

作者: hugowong00 時間: 2005-8-25 01:18 PM 標題: 農歷七月o既天水圍!!

天燿好似好多人跳樓??-.-

作者: sumsum2 時間: 2005-8-28 02:50 PM 標題: 農歷七月o既天水圍!!

天耀真係好多多事發生...~
其實我覺得天水圍係多呢d野...但係並唔係惡個d...
"人"地都係行街ja...~唔好理佢咁多就ok ka la~

作者: Anzai 時間: 2005-8-28 03:05 PM 標題: 農歷七月o既天水圍!!

天耀真係有好多呢d,我有d 朋友都話見過紅衣女鬼,但係我就好彩未見過

作者: 爾生 時間: 2005-8-29 09:11 AM 標題: 農歷七月o既天水圍!!

LBHIDDEN[0]LBHIDDEN= =""" 老實....依家農曆七月大時大節...到到都一樣家啦
我都係 "天水圍人"來架 ^^"" 咪又係o甘過...
無o野o既... ^^""唔好自己嚇自己...出少o的夜街咪得囉~~ 知無 ... ^^

作者: kkkso04010 時間: 2005-8-30 12:43 AM 標題: 農歷七月o既天水圍!!

下面引用由爾生在 2005/08/29 09:11am 發表的內容：
(保密文章)

咁過左七月就可以日日去夜街都唔怕？？？

作者: 爾生 時間: 2005-8-30 10:13 AM 標題: 農歷七月o既天水圍!!

LBHIDDEN[0]LBHIDDEN

下面引用由kkkso04010在 2005/08/30 00:43am 發表的內容：
咁過左七月就可以日日去夜街都唔怕？？？

哈哈~
人o既正常作息時間...係日出工作, 日入宜息...
這是正常不過的事...
但...如果有人將這規律"反轉"的話..
^^""不用多想..一定就是沒有精神力氣~
精神力氣減弱當然會身體不好囉~...
別說惹來鬼怪...那雙黑眼圈人也怕喇..
哈~ 若隅然玩一下當然無傷大雅..不竟大家還年輕嘛~
= ="" 日日就唔好囉~

作者: ray8436895 時間: 2005-9-1 03:37 AM 標題: 農歷七月o既天水圍!!

我都係住天盛ga,根本天耀一過左1點到就開始猛,我點解知?
因為我乘日都係商場頂到坐~

作者: bb1976728 時間: 2005-9-1 04:06 AM 標題: 農歷七月o既天水圍!!

啊!原來禁多人住天水圍,之不過我住嘉X山莊近銀座那邊!
幸好這裡一帶都沒有怪事發生!善哉!善哉!
小D出夜街蒲少D精神好D就無事啦!
佢有佢蒲,佢出黎行街,你有你打機,蒲少D!見到都當冇野發生!
佢就由得你啦!人有人世界,X有X的世界啊!

作者: smartball 時間: 2005-11-22 04:45 PM 標題: 農歷七月o既天水圍!!

我都係住天水圍架喎~
但天耀真的很猛既咩？
我在睇文章之前一刻都唔知這些事情的… = ="

作者: howelee 時間: 2005-11-22 05:36 PM 標題: 農歷七月o既天水圍!!

都幾恐怖o波!好彩我都唔過去，而且我都未見過，比較好運

作者: SGRLTO 時間: 2005-11-22 06:23 PM 標題: 農歷七月o既天水圍!!

天水圍都幾可怖架啵！！咁多人見過既．．好彩我住黃大仙！！有黃大仙睇住好少聽過鬼野！！我果邊係好平安

作者: xil 時間: 2006-2-26 06:18 AM 標題: 農歷七月o既天水圍!!

凱提風按︰無意義回覆。

作者: applefei 時間: 2006-3-22 02:57 PM 標題: 農歷七月o既天水圍!!

我都住天水圍，不過住左半年，我都想知多d關於天水圍凶宅。

作者: GXNEO 時間: 2006-3-22 05:51 PM 標題: 農歷七月o既天水圍!!

我都係住天水圍既．但係就覺得天耀沒什麼特別奇怪，反而流浮山的傳聞就較為多一些．．．

作者: 紅蓮-盜賊 時間: 2006-3-22 06:37 PM 標題: 農歷七月o既天水圍!!

我都住嗰頭.....
but我比鬼更恐怖吧= =|||||
傳聞傳聞~
敬之遠之

作者: jzx1007685 時間: 2006-3-26 12:15 PM 標題: 農歷七月o既天水圍!!

我都住附近, 因為女朋友住天水圍, 我都成日經過, 有次零晨三點鐘左近, 我兜左入巴士站旁泊車去7仔買野飲, 走果陣要兜一個圈, 竟然係巴士站見到一個著住小鳳仙裝ge女仔,企係好似69X個巴士站, 因為望到綠燈, 所以無望清楚就走左lu~~~~

作者: damndamn 時間: 2006-3-27 12:23 PM 標題: 農歷七月o既天水圍!!

管理員按：無意義回覆

作者: cket2002 時間: 2006-4-7 02:19 AM 標題: 農歷七月o既天水圍!!

我住係耀泰 =.= 但冇見過....
我都係夜遊人.... 但每朝5點左右一定有呢種聲架啵 =.=" 我記得好似係....

作者: skysau 時間: 2006-4-8 12:36 AM 標題: 農歷七月o既天水圍!!

我都響天水圍住左十幾年,以前中學個陣都好鍾意出夜街
但係好少去天耀個邊
多數都係響銀座or頌富商場天台個停車場頂坐...
使過一次,大約響12月個陣
好似平時咁響吹下水堡下煙
突然打左個冷震,因為個時都幾凍下所以以為係自己冷親
點知有個朋友響到係咁叫我不如走
我當時都唔知咩事
之後走反落公園多事轉頭望下......
好彩人地不過係經過姐...
仲有一次係農曆7月發生既
有一排我夜晚由銀座反樂湖經過間教會個陣
唔知點解腦海都會突然出現左個女人樣瞪坐我
次次都係個一個  但係我印象中又唔多識果個人
之後有日我阿媽等到我返去先訓
佢竟然第一句唔係話我  而係問我點解面色咁差
佢問我係咪....  叫我唔好出咁多夜街
自己知驚就出少左去
本來每晚都仲會見到佢
不過過左一排就冇事
以上兩件都係我響天水圍少少既經歷
仲有一件係朋友既經歷
佢個陣住響翠湖...
不過都係佢自己練神打玩出火...= ="
與人無由

歡迎光臨 Cyber X-files (http://cyberxfiles.com/cyberx/)