Cyber X-files - Powered by Discuz! Board

標題: 怨靈纏身.... [打印本頁]

作者: 熊貓珊珊 時間: 2005-7-2 08:27 PM 標題: 怨靈纏身....

呢件事係發生o係我家姐身上,幾年前佢因婚外情令到男方既老婆攬住D仔女自殺,亦因為呢個意外佢地分開左,而我家姐一直都好內咎...但果一年裡面,我家姐既情緒越黎越壞,變得好憂鬱成日想尋死,又性情大變,平時溫柔既佢變得暴躁同粗魯....開初我地屋企人都以為佢係對果件事有心結而導致有抑鬱症,曾經有諗過帶佢去睇醫生,但見佢有時同平時一樣,有時變左另一個人,終於有次佢返黎屋企我忍唔住問佢(佢搬左出去住),但佢望一望大門,然後拉我入房同我講門外有"人"好惡o甘望住佢,之後我再追問佢時,佢先面青青o甘同我講出面果個係個女人,仲要唔只一日,已經跟左佢好耐,有次沖涼時佢感覺到"佢"坐左o係馬桶度望住佢,又試過等車時突然失神,然後有把女聲同佢講"跳出去啦,跳左出去就咩煩惱都冇晒架喇"家姐迷迷糊糊o甘行前左一步,好彩有人即刻拉住佢(以為佢想自殺)佢先醒返好驚o甘望住條馬路;而佢黎我屋企既時候佢話o係lift入面時,lift入面一個人都冇,但佢感覺到有人貼住佢後面,感覺好凍好接近....o係佢同我講既時候佢話"佢"o係門外等緊佢出黎,因為我屋企有觀音有地主所以"佢"入唔到黎....果日之後我屋企人叫佢返黎屋企住,跟住我亞媽幫佢求左道符,之後我家姐都冇再有果種感覺,亦變返好似以前o甘溫柔.但到左今年年頭,佢陪我去過香港仔之後,(搭巴士經過墳場)佢再次被果D野纏住,仲要跟到返公司,成日o係公司樓梯既二三樓徘廻...好得人驚,因為我都感覺到,但冇佢o甘強烈,我地再揾返之前果個師父幫忙,但佢話係同一個"人",佢怨氣太重,所以會繼續纏住佢,我想問有冇人可以幫到佢呀?

作者: 米飯 時間: 2005-7-3 09:47 AM 標題: 怨靈纏身....

下面引用由熊貓珊珊在 2005/07/02 08:27pm 發表的內容：
呢件事係發生o係我家姐身上,幾年前佢因婚外情令到男方既老婆攬住D仔女自殺,亦因為呢個意外佢地分開左,而我家姐一直都好內咎...但果一年裡面,我家姐既情緒越黎越壞,變得好憂鬱成日想尋死,又性情大變,平時溫柔既?..

似層相識的感覺,同其他故事有好多共通點,
你姐姐都好辛苦,其實她有機會好番,但為何
又再遇上呢?好奇怪喎!若果如此,無論她怎
避,也是躲不過的.祇有找番前度男友來化解.

作者: 啤利雪 時間: 2005-7-3 11:51 AM 標題: 怨靈纏身....

嗯嗯~同上~如果在系伍得都呒计噶啦~稳劲D嘅师夫打散距囉~~

作者: 熊貓珊珊 時間: 2005-7-3 12:59 PM 標題: 怨靈纏身....

佢而家揾唔返佢以前男友,因為果個男人避佢避得好徹底............

作者: vinsco 時間: 2005-7-3 01:21 PM 標題: 怨靈纏身....

試下同佢超渡一下及在佢的墓前懺悔，平時做多一點好事卻是重點

作者: 熊貓珊珊 時間: 2005-7-3 04:47 PM 標題: 怨靈纏身....

其實見到"佢"既唔係我,係我家姐,我只係feel到"佢",亦試過有幾次差D比"佢"推落樓梯...我本身帶住D開左光既水晶,所以比較冇事,但我家姐有時仲o係公司臨放工前好強烈o甘feel到"佢"o係二三樓徘廻,眼神好惡o甘望住我公司門口,好似o係度等緊佢o甘,搞到我家姐唔敢走,要等到我同其他同事先一齊走~但每次行到果層都好凍.....睇住我家姐既身體越黎越差(突然檢查到個子宮有事...)佢又唔想我地做得太絕...其實可唔可以同"佢"傾條件呢?

作者: 安西教練 時間: 2005-7-3 08:44 PM 標題: 怨靈纏身....

你對基督教會唔會好反感? 如果唔反感的話, 我可以比多些資料你.

作者: temin 時間: 2005-7-4 01:56 PM 標題: 怨靈纏身....

超渡左拒啦，果个人其实都好可怜咖

作者: 70608 時間: 2005-7-4 03:39 PM 標題: 怨靈纏身....

點講都係男人衰........(雖則我都係男

作者: 雲佬 時間: 2005-7-5 04:28 PM 標題: 怨靈纏身....

下面引用由熊貓珊珊在 2005/07/02 08:27pm 發表的內容：
呢件事係發生o係我家姐身上,幾年前佢因婚外情令到男方既老婆攬住D仔女自殺,亦因為呢個意外佢地分開左,而我家姐一直都好內咎...但果一年裡面,我家姐既情緒越黎越壞,變得好憂鬱成日想尋死,又性情大變,平時溫柔既?..

都唔關你家姐事~
邊度有人叫男方既老婆攬住D仔女自殺wor

作者: kchan 時間: 2005-7-6 09:06 AM 標題: 怨靈纏身....

哇.....好似見鬼2果d劇情.....唔係話你作....真係好似.....

作者: swc971420 時間: 2005-7-6 09:10 AM 標題: 怨靈纏身....

我覺得你家姐最好搵埋你家姐以前果個男友一齊解決囉,因為個問題唔係剩係係你家姐度,試下叫佢倆個一齊去問米度睇下,你家姐以前男友個老婆有咩要求囉...

作者: BuddhaHeart 時間: 2005-7-6 10:10 AM 標題: 怨靈纏身....

其實都唔會無辦法去解決的？
但好睇你家組點做，相信與否？
如果不理會，久而久之佢可能係想要你家姐陪條命！
( 相信與否就你自己知啦！)
世界上無期不有，緣起緣滅只因你•(因•果是循環的)
因為我家姐都試過你家組的情況，不過起因就不同啦！只是佢落過小朋友，係靈界的地方眾鬼魂都好睇唔過眼，所以幫個小朋友去對付我家姐。之前都試過好多好多的方法，搵過無數的師父。可是我家姐一個都唔相信，認為佢地所講的一切都是自誇出來的，最後自然係唔得啦，仲越來越差添。但直致一次的緣份遇上這位年輕英俊的師父才可解決！所以真係好睇你家姐相信與否？
以上都只是個人的意見及經歷•

作者: sansue 時間: 2005-7-6 01:49 PM 標題: 怨靈纏身....

因果報應吧，雖然未必全都是你姐的責任，但系總系覺得有D對吳住人地啦！！其實建議還是多做點好事嘛，過去所做是，不能令不是啊，如若心中有鬼，那麼又如何能心安，佛家說見性即佛，只要心裏平安喜樂，那麼也就外邪不侵了，多為以後做做好事吧！！！

作者: 熊貓珊珊 時間: 2005-7-6 08:18 PM 標題: 怨靈纏身....

我家姐今日同左我公司講,我地個老闆知道左之後幫我家姐o係樓梯度燒左D衣紙,睇下可唔可以請到"佢"走,但到我地收工既時候(7pm)我同家姐一齊走,佢話"佢"仲o係度仲同我"擦身而過"(因為我係見唔到"佢"),我開頭唔知道,我家姐係o甘拉我走,之後先同我講頭先"佢"o係度望住我地走,聽完之後成個人寒晒....

作者: 夢仔 時間: 2005-7-6 08:59 PM 標題: 怨靈纏身....

果個男人去左外國??
你家姐知唔知佢有老婆仔女先..?
唔知既...同佢傾下∼
大家都係女既~你都要站係佢既角度諗...
一個女人知道佢老公有第二個都會...........

作者: Graceluke 時間: 2005-7-6 09:03 PM 標題: 怨靈纏身....

若真有其事,不如打電話給<<恐怖熱線>>的 Edmond ,看人他能否幫忙!

作者: 安西教練 時間: 2005-7-7 02:02 PM 標題: 怨靈纏身....

首先講返件事, 點解大家無諗o下, 個女人雖然死o左, 但係佢係謀殺了兩個仔女先, 再自殺, 我真係覺得個女人好唔o岩, 自從陳建康事件之後, 好似如果同仔女一齊死就無人會批評, 命來o架, 無論任何原因, 都唔應該傷害自己的仔女.
其實你姐姐, 如果從心理角度, 是因為覺得自己有罪, 所以潛意識覺得要為這件事負責, 即係會被報復, 其實真係要解開個心結係, 個女人同仔女死, 唔係因為佢, 係個女人殺死對仔女再自殺, 婚外情有好多辦法去解決......,唔一定要殺死自己仔女, 再自殺.
我都聽過教會有遇過類似的個案, 首先要搞清楚係心理問題, 定係真係比鬼付的問題, 真係有時真有時假, 如果你真係想知多一些解決方法, 你可以短信比我, 無論教會, 定精神科私家醫生(唔係心理科), 我覺得睇精神科好o的, 我都有資料.

作者: 基斯丁 時間: 2005-7-7 03:22 PM 標題: 怨靈纏身....

我都同意 Graceluke 個提意....
你不如打去恐怖熱線搵 edmond 幫下 la~~
我覺得佢比較中肯..同埋會睇全面囉....
佢又有師父果方面d資料...
d 師父堅d 囉.....

作者: ｋｅｙｍａｎ 時間: 2005-7-7 07:55 PM 標題: 怨靈纏身....

我都覺得,,,,如果燒哂野,,,度佢走
佢都唔走,,,,搵d勁ge師傅打散佢
雖然唔好,,,,但好果佢係咁纏住你家姐都未必係好事
因為個d野纏住人身體真係好差,,,
而且有一隻野纏住你家姐,,,可能會有其他都跟住你家姐嫁

作者: thaiiverson 時間: 2005-7-8 01:25 PM 標題: 怨靈纏身....

下面引用由熊貓珊珊在 2005/07/02 08:27pm 發表的內容：
呢件事係發生o係我家姐身上,幾年前佢因婚外情令到男方既老婆攬住D仔女自殺,亦因為呢個意外佢地分開左,而我家姐一直都好內咎...但果一年裡面,我家姐既情緒越黎越壞,變得好憂鬱成日想尋死,又性情大變,平時溫柔既?..

婚外情，巴士，電梯，跟返屋企…
怎麼你的故事流程和見鬼2的劇情進展這麼相似…？

作者: etwilliam 時間: 2005-7-9 09:58 PM 標題: 怨靈纏身....

首先,我覺得你要好中立地面對這件事。此話何解,因為你家姐之前因為內疚,所以想法會想歪了,不難猜測出她經常疑神疑鬼。長此下去,只會自己催眠自己,會覺得經常有東西跟著她。再這,你說你也感覺到"她",請問是不是你家姐對你說有東西跟著她之後再感覺到呢?因為她的說話在催眠學上也構成一種暗示。
若果你真是百分之百肯定你們沒有問題,但是問題仍然存在,請去找有關人事吧!

作者: maggie1213 時間: 2005-7-12 12:58 AM 標題: 怨靈纏身....

我都認為最錯既係果個男人囉~肯定係佢初初識你家姐個陣死口唔講自己有老婆仔女啦!到你家姐知道佢原來有老婆仔女個陣我念都已經太遲啦~女人係感性既~就算知道要你家姐一下子放棄哂呢一個男人都好難啦!呢個男人實在太乞人憎啦!!
其實你家姐帶左符佢先唔攪你家姐~但當你家姐無帶個陣咪一樣會攪佢~所以如果佢係有心攪你既點避都無用啦~既然係搵唔番果個衰男人既~只可以做既就係搵個大師番黎問佢想點超渡佢把啦(因為你家人信佛所以搵個大師啦)

作者: 不是你 時間: 2005-7-12 08:00 PM 標題: 怨靈纏身....

唔一定係怨靈既
帶佢去睇左精神科醫生先斷定啦......
好似2個人咁
可能係佢接受唔到自己累死人地2母子
而產生既另一個人格

作者: donnerou2006 時間: 2006-2-19 08:30 AM 標題: 怨靈纏身....

哎!!人同鬼都系.....自己老公去偷情..不找老公算帳反而找對方.....你家姐事前是否知道他有老婆?...但聽講人死後性情也會有改變.....試吓問米啦!再感落去你家姐好危险!!!

作者: derrickman 時間: 2006-2-21 11:29 PM 標題: 怨靈纏身....

嗯.....如果你家姐係有宗教信仰既可以試下搵返果方面既人幫下手先
例如可以利用一d該教既[護身物] , 一來如果係對靈界既可能會有保護作用 , 二來又可以俾到佢一個心靈寄託 , 兩方面都可能會有正面效果
而你地暫時可以做既除左係繼續幫佢搵心理or宗教既人幫手之外就係對佢要100%信任,
始終心病還須心藥醫 , 有機會既試同佢傾下 , 睇下有冇佢覺得自己特別覺得好錯 , 又或者好想補救既事 , 如果心理學方面 , 好多時都會因為佢太鑽牛角尖同太刻意去逃避 , 日積月累就會另到自己心理上出現變化 , 如果可以協助佢面對或者解決到呢個[真正]既問題 , 就可能會有正面既幫助~~~
至於果一個靈體既身份其實亦未肯定 , 所以究竟佢既動機係點都冇人肯定 , 如果搵到驅魔/通靈既人幫手 , 可以先問清前因後果 , 免得用錯方法而帶來更壞既後果!!

歡迎光臨 Cyber X-files (http://cyberxfiles.com/cyberx/)