Cyber X-files - Powered by Discuz! Board

標題: [原創文章]我哥哥小時候的經歷 [打印本頁]

作者: kamsom 時間: 2004-8-27 08:20 PM 標題: [原創文章]我哥哥小時候的經歷

文字
小時候我哥哥係同我亞爺亞麻叔叔們一齊住o既. 我哥哥睡在上格床,上格床旁邊還有一部叔叔心愛o既hi-fi, 而我亞爺就睡下格床, 亞麻就好喜歡在夏天時睡在地上. 或者我講一講我亞麻o既特徵先啦, 我亞麻滿頭都係白髮, 仲有就係紮髻的, 每次佢洗完頭, 將d頭髮吹乾就要用好多時間, 因為佢長髮過腰o架!!!!!! 話說夏天有一晚, 我哥哥睡到半夢半醒, 突然人有三急, 想起身去廁所, 當佢正想起身o個一刻, 發現側邊有一個長髮及腰o既人正在攪部hi-fi. 佢最初以為係我亞麻, 點知當佢一坐起身, 就覺得唔對路喇, 因為佢望見亞麻仲o係地下睡覺, 而旁邊o個個人好似一d都唔當我哥哥存在咁, 仲o係度不停攪部hi-fi. 我哥哥嚇到成個人軟晒, 當其時乜o野意識都無晒, 剩係知道要訓返落張床度, 連想拉張被單遮住自己o既力都無, 眼睜睜望住o個個人, 佢話大約二三分鐘之後, o個個人就走左入廁所, 跟住一直無出過o黎. 後來我哥哥一直等到天光五點左右, 我亞麻起身, 我哥哥先識得喊, 我亞爺亞麻最錫就係佢, 佢晨早流流狂喊, 當然全屋人都即刻醒晒啦, 幾經追問之下, 我哥哥就將經過一五一十講晒出o黎, 但係唔明點解, 我亞麻話呢d叫做家鬼, 唔會害自己屋企人o既, 仲叫我地全部人都唔洗咁驚喎, 不過據我所知, 我亞麻當日早上就即刻買左好多金銀衣紙在屋內及門口拜神, 而我哥哥可能因為被嚇親, 亦病左幾日

作者: 戒靈 時間: 2004-8-28 04:52 PM 標題: [原創文章]我哥哥小時候的經歷

有3個問題
1.家鬼嚇親你呀哥喎,嚇人都唔算害人???
2.既然你話佢同你亞爺亞麻叔叔們一齊住o既,但係你冇提過你叔叔訓邊度喎???
3.既然係你叔叔心愛o既hi-fi,咁神秘人會唔會就係你叔叔呢???

歡迎光臨 Cyber X-files (http://cyberxfiles.com/cyberx/)