Cyber X-files - Powered by Discuz! Board

標題: [原創文章]想大家討論一個關於我屋企人ge經歷~ [打印本頁]

作者: kamichan 時間: 2006-8-2 01:58 AM 標題: [原創文章]想大家討論一個關於我屋企人ge經歷~

咁件事發生響我家姐身上~
係響4月30號發生,好記得當日我係響出面ge美式快餐店溫緊會考中史ge野~
咁溫溫下ge時候我電話響,咁其實果日補課~所以我就同阿sir講行開陣,之後就聽到我家姐口震震咁講話好驚,咁我細問之下,原來件事係佢當日響自己屋企到午睡,咁又講下間屋ge背景先,間屋呢就係佢同佢男友上年開始供,咁上手住過,冇人過世ge,即係冇問題ge普通屋一間~但佢地就冇裝土地,同埋只係拜左四角就算~
好喇返去件事到先~咁佢就話訓訓下聽到好嘈,好多聲,好多人聲咁,咁佢就醒左一醒,之後佢就聽唔到聲喇,之後咁就再訓啦,但d聲又呢喇,佢話係好唔清楚,但你知道係人聲ge,之後佢再醒一醒,又係冇事,但第3次佢訓ge時候,就又比聲嘈醒,今次仲要個人郁唔到,之後佢聽到有2把男人聲,一把女人聲,好死氣沉沉咁講:我地又呢喇
之後佢郁到,即時起身,執好野之後出去學拳,同埋打電話比我,咁我本來就打算返去南區就去佢屋企睇下環境,始終我由細已經成日聽呢d鬼故咁,都可以學到d野去測試有冇,但當晚佢男友ge媽媽就已經請左人去睇,咁家下就安放左個觀音響度,而個師父話,果幾位靈體係之前上手ge先人,咁就以為佢地侵占左間屋,咁我地起初唔信,之後請走左,又真係冇事.......
其實我地平時聽鬼故都係抱住見唔到就冇ge心態,但估唔到今次係發生左響我家姐身上~
而最近一次係上星期,呢個就好簡短,話說佢同佢男友訓覺ge時候,佢男友比電話嘈醒左,之後就收到一個由我家姐電話send去ge聊天室邀請,但我家姐響佢隔離,係訓緊架嘛,咁佢男友ge媽媽就問左人,人地話可能係因為7月節,所以先有d咁ge事,其實係咪咁簡單呢?
而我想大家討論下,我個人角度覺得,佢地唔整個土地都有d問題,雖然佢地冇信仰,但我覺得整左會好d,而我星期六去左佢度食飯,咁佢間屋有一間房係放d衫咁,我見間房成日冇人,之後我行左入去,close左度門,之後講左一d挑釁性說話,即係類似叫佢地快d走唔好響度搞事之類,我星期一就病左....
好喇,講到呢度大家比d意見解救下,佢地又唔整土地~
真係唔知佢地點算~

作者: 米飯 時間: 2006-8-2 05:40 AM 標題: [原創文章]想大家討論一個關於我屋企人ge經歷~

上星期果單唔算係02野，記然都好左一排，
為何你要去挑釁他們，衰衰地都病左一場。
係教訓！
敬如在，你曉不曉，不過我唸你都想玩。
若然是這樣，你最好不管了.................

歡迎光臨 Cyber X-files (http://cyberxfiles.com/cyberx/)