Cyber X-files - Powered by Discuz! Board

標題: [推薦]孔明crossover陸遜＠八陣圖 [打印本頁]

作者: s9901237 時間: 2005-2-15 01:09 PM 標題: [推薦]孔明crossover陸遜＠八陣圖

LBSALE[35]LBSALE內容有D誇張，懶搞笑既地方係小弟自己加既，希望無損大家對三國演義人物既尊重∼∼
話說當年劉備為左恢復漢室，就親率大軍入川奪蜀，為求三國鼎立之局。係途中，阿明仔就叫呀玄德望下條河，劉備唔望仲好，一望就望到十七、八個村姑係果度洗衫，當中有四五個十分省鏡。劉備就嘆道：「明仔呀明仔，你明知我屋企有隻老虎「也母」就唔好引我啦！你係咪想我比人罰頂痰冠呀！」
小明就話：「唔係呀主公，係後面個大肚婆呀（指向已懷有陸遜之陸師奶），佢肚入面有你既大敵，你而家唔做低佢，搞佢個一屍兩命，第時你就實後患無窮，唔但之係你呀，仲有呀你既兩個契弟呀∼」
劉備就再嘆道：「唉，先生你都曾經講過，天時不如地利，地利不如人和，我人又老錢又無，如果無埋人心既就全部一齊乞食啦！！更何況，我無啦啦殺左個大肚婆既話，我屋企隻老虎實懷疑我出去滾，滾大左人地個肚，殺人滅口，果陣時仲慘啦！你岩既，不如你啃左去啦！」
小明諗兩諗，人同此心，心同此理，小明諗既然呀劉備都唔肯啦，不如就脆脆地係火焰山擺個八陣圖算啦∼小明當然就好出名既孔明啦∼
十九年後，陸遜大個仔啦，佢上台第一件事就幫呂蒙攻打荊州，生擒關羽；之後夷陵一戰，陸遜就整番招「營燒八百里」，一燒就燒到劉備無晒尊嚴顏面，只有三十六計，走為上計，係咁走係咁走，但係陸遜就用埋飲奶既力係咁追，一追再追之下黎到火焰山，雖然見唔到牛魔王，但係就見到八陣圖。呢個陸遜諗都唔諗就沖左入去，佢又唔知果陣佢未出世就擺定架啦，點識破丫？
講開呢個八陣圖就真係架勢啦，共有休，生，傷，杜，景，死，驚，開八門，而且有八八六十四種變化，仲有三十六天罡，七十二地煞（水滸入面既一百零八個星），陸遜一睇就知錯啦，幸好突然見到一個阿伯，白髮蒼蒼。佢為左自救，不惜掩住良心叫左兩聲靚仔，呀伯果然突然回頭。
陸遜就大叫：「靚仔，救下我呀，我老婆都未娶唔想咁早死呀∼」
老伯就好風騷咁話：「唔駛騰，no problem，跟住我行啦∼」兜完幾個圈之後就出左陣啦。
老伯就問佢：「後生仔，做咩咁睇唔開呀，你東吳過黎架？你識唔識呢個陣呀？」
陸遜搖下頭話：「識就唔晒咁頻能啦」
老伯又話：「唔識仲學人帶兵打仗（真係個老伯講架），你幾大呀？」
陸遜一時面紅話：「行年十八，尚未娶妻」
阿伯一邊暗笑佢毛都未出齊就學人也文也武，一邊就安慰佢話：「難怪你唔識啦，呢個陣擺左十九年架啦，你知唔知係邊個擺架∼？」
陸遜就FIG FIG頭話唔知，老伯就話比佢聽當年劉備入川既事，原來呢個呀伯就係諸葛亮.......
既外父，黃承彥，佢又話啦：「係明仔當年叫我係度等你，佢話你老婆都未娶，就係度死左就好慘既，我係呢度等左你十九年啦。話之你勁到曉飛呀，你過左呢個旱八陣，前面仲有水八陣，觀武陣，你都係返歸娶老婆啦。」
陸遜聽完之後就當堂嚇左跳，然後都唔識笑啦，心諗呢個世上竟然有咁犀利既人，我未出世就已經擺定陣黎『僕』我！？心諗之下一淆，就即刻返歸娶老婆，仲娶左孫權個女添。
雖文筆粗俗，不堪入目，但呢35冥元都唔搵笨卦∼∼

作者: huisiutung 時間: 2005-2-15 01:42 PM 標題: [推薦]孔明crossover陸遜＠八陣圖

看完之後同你有一個提意，這一板是歷史秘異！
板規細則列明
此版不是給各位發洩和灌水吹水的閒聊版,而是給大家去討論歷史.
如有灌水吹水或志在發洩的發文或回覆,定必刪除!
最後只怕你賺的錢還不及幫自己加評級．．．
你這一種個人創作的文章應放在＜＜藝術及文化＞
板規中已說明：歡迎各位post自己的原創文章和分享各類藝術與文化.
-如果是原創章回小說請post在同一主題內.
希望閣下留意及下一次出文小心吧．^^

作者: butn 時間: 2005-2-15 06:14 PM

***** 板主模式 ***** 該文章是管理員從歷史秘異轉移過來的！

作者: s9901237 時間: 2005-2-16 10:20 AM 標題: [推薦]孔明crossover陸遜＠八陣圖

........................@@無奈
確實唔係我自己作既，我作到有咁勁就好啦∼∼我係係書度睇完再用自己既文字打番出黎既∼∼

作者: huisiutung 時間: 2005-2-17 12:31 PM 標題: [推薦]孔明crossover陸遜＠八陣圖

不能輕看你自己的!希望你有一天可以寫出一篇好的文章吧。

作者: s9901237 時間: 2005-2-17 01:55 PM 標題: [推薦]孔明crossover陸遜＠八陣圖

哈哈，恕我自大講一句，好既文章只要係用心寫既，都一定會寫到，何須等到有一天呢∼∼哈哈哈

作者: huisiutung 時間: 2005-2-17 06:06 PM 標題: [推薦]孔明crossover陸遜＠八陣圖

既知如何，為什麼你不不速速寫下好文章呢？
如果是好文章，100元也有人向你買啊！（我是第一個）

作者: s9901237 時間: 2005-2-18 02:44 PM 標題: [推薦]孔明crossover陸遜＠八陣圖

你可知道，就係可能因為你既一句說話，世界上又將會多左一位名人啦∼∼
可能過份狂妄自大，但係細佬好受感動

作者: huisiutung 時間: 2005-2-18 08:35 PM 標題: [推薦]孔明crossover陸遜＠八陣圖

細佬？我可不作什麼人的大哥呢！
但如果有一天你肯真心寫文章，我也願意為你改為書面語的！
只要把文章在訊息中給我便行了。

作者: s9901237 時間: 2005-2-19 04:00 PM 標題: [推薦]孔明crossover陸遜＠八陣圖

致謝啦∼∼∼
我現在處於一個十分非常的時期，唔好話寫文章，想作一首得體D既詩都唔得，只好求其獻上一首七絕，以表我既志向
才子少年出廣東，
風骨文采確不同。
愁眉深鎖為何事？
只嘆離鄉黔技窮。
雖然太狂，但係我幾滿意因為平仄押韻都岩
只是賢兄不嫌小弟多番狂妄自大，十分感激

作者: huisiutung 時間: 2005-2-19 09:25 PM 標題: [推薦]孔明crossover陸遜＠八陣圖

下面引用由s9901237在 2005/02/19 04:00pm 發表的內容：
才子少年出廣東，風骨文采確不同。
愁眉深鎖為何事？只嘆離鄉黔技窮。

這一首不是作得很好嗎????如果你肯下心機的~我相信你一定會出好文!
現在在溫哥華?

作者: s9901237 時間: 2005-2-20 03:47 AM 標題: [推薦]孔明crossover陸遜＠八陣圖

係呀∼∼因為學業無成所以要遠走他方，離鄉別井呀∼∼

作者: huisiutung 時間: 2005-2-21 11:34 PM 標題: [推薦]孔明crossover陸遜＠八陣圖

下面引用由s9901237在 2005/02/20 03:47am 發表的內容：
係呀∼∼因為學業無成所以要遠走他方，離鄉別井呀∼∼

起碼你還有能力、有方法、有膽的遠走他方啊!
出去趕一番大事吧~^^

作者: s9901237 時間: 2005-2-22 09:38 AM 標題: [推薦]孔明crossover陸遜＠八陣圖

好∼∼承你貴言吧∼∼致謝了

歡迎光臨 Cyber X-files (http://cyberxfiles.com/cyberx/)