Cyber X-files - Powered by Discuz! Board

標題: 有人想做第三者..... [打印本頁]

作者: tobby 時間: 2005-1-18 03:11 AM 標題: 有人想做第三者.....

最近係icq有個net fd
佢同我講一直鍾意左個女仔三年...一直冇拍拖
我同佢幾好傾ka...開心野同唔開心野都同佢分享(我對自己fd都係)
聖誕果排佢話好開心約左果個女仔....
不過幾日後佢同我講發左d野佢唔會再鍾意佢...
佢唔開心...我成日打比佢安慰佢...
點知自己同男朋友都唔太開心佢又會安慰返我...
上個禮拜出黎見過面....(到而家都係見過兩次咋下)
第一次見完之後佢係icq同我講不如同佢分手啦
我覺得你好好我like左你
我澳晒囉....第一次見係因為我同男朋友唔開心
佢出左黎陪我....我喊到死...佢冇啦啦攬埋黎
重分我添...我推開左佢..
第二次見我見佢話冇胃口唔食野...我見我煲左粥咪問下佢食唔食囉
佢話食咪黎囉...之後我同佢講食完就想走陪多我一陣啦
之後佢本來要去補習...之後冇去到係度陪我
當然我都係唔開心...飲大左....佢錫我我又錫返佢...
頂以為佢係我條仔....死玩出火即刻推返開佢....(冇咩咩ka下)
之後佢就每日都send幾十個sms比我...
勁關心我...我又會好關心佢(but我對個個朋友都係咁ka)
1.我死唔信佢鍾意我見過兩次咋...
2.就算佢真係鍾意我又點我有男朋友...
3.係,我同男朋友唔開心,不過我唔打算一腳搭兩船..
問題黎啦...佢開始用3line打埋比佢d fd...
佢d fd開始係咁講話佢真係好鍾意我
呢幾日我同男朋友關係好返好多~點知佢聽完就好唔開心...
唉死啦....我可以有d黑心
我覺得果個男仔係我面前博同情...
1.佢特登係icq同我講同煙頭整自己,重叫我唔使擔心佢
重話我唔係博同情呀唔好誤會...
2.頭先又要特登同我講自己一個唔想係屋企出街行下...不過又要話好凍..(而家都三點啦).
3.佢今日問我聽日可唔可以陪佢...佢話只係想見下我冇其他野
4.佢合我喉嚨痛同我講...買左喉糖..聽日比我食喎...
我真係唔知佢博乜我好直接問ka la
佢話佢鍾意我唔想我再同我男朋友一齊...
佢話亦唔介意我而家開始同佢一齊...
初初識佢覺得佢好好人...不過而家...我驚左佢囉...
佢又要同我講想死又呢又路...我又唔敢由得佢...
真係去死咁點算我都唔知算唔算叫幫凶....
講真我對佢好似對我d fd咁架咋....我有同佢講過
而且我都有同佢講我有男朋友ka...佢問過我同佢而家有冇可能
我話我有男朋友sorry...我講到咁明ka la點解佢重要咁...
我唔知係我講野hurt到佢定係佢誤會左我都like佢
我同佢講過對佢有好感...我都幾鍾意佢
but...我對我d fd都係咁講ka...女仔fd我直接話愛佢地添ka...
我同我d fd都勁關心對方又話鍾意對方ka la...又唔見我地覺得對方鍾意自己既...
而家三點幾啦~佢重係街~做朋友關心佢叫佢返屋企好正常丫..
佢又叫我唔使理佢...真係唔使我理既點解又要打比我呢?我真係唔明呀
岩岩收左線啦~我send左個sms比佢早d返去訓啦夜啦~
佢send返個sms黎話:好開心聽到你把聲我冇野ka la你早d訓啦
點算呀?我唔知點面對呢個人...唔理佢又好似好衰...
理佢我又唔知可以點...我一直都當佢係fd
我認承第二次見果陣我同佢之前好似有d....唉有點兒那過...
而且我男朋友成日出去識女仔....我想同佢鬥氣同呢個男仔一齊ka
不過我唔想去到咁盡...死啦死啦....點算呀....
我暗示過好多次....亦都好直接咁同佢講過
你唔好鍾意我啦我唔岩你鍾意~不如你鍾意返三果個女仔...
點知佢話會一直等我....死啦.....兩次咋見過....我唔敢見第三次...
更加唔敢一男一女係度飲酒囉........我知錯啦
點算好呀..................................
(好多字....對唔住咁多位.....)

作者: van8282 時間: 2005-1-18 03:36 AM 標題: 有人想做第三者.....

如果你係唔鐘意佢就要絕情d,
我感覺唔到佢真係鐘意你,
我只覺佢好變態,
嘩~未一齊都咁喇,一齊咗仲得既,
男人老狗要生要死,怕怕~~~
但你都做咗d野令佢誤會,
呢d人少見為妙~
就算你男友點衰都好,
鬼叫你愛佢咩,
仲有唔好用自己去報復~
愛情唔係同情,一對情侶之間的關係, 應該只需愛情而不要同情呀,
你應該唔好理佢,我就唔信佢真係會死,
如果佢會,咁仲好~呢d人唔死都冇用,
佢阿爸阿媽養到佢咁大,
咁少事就話要死..............

作者: Hollyren 時間: 2005-1-18 09:40 AM 標題: 有人想做第三者.....

呵呵！tobby大人妳有難啦！！！妳果個icq ｆｄ我年總都見5少，開頭妳覺5覺妳同他好好傾啊？這就是他厲害的地方！其實呢種“好傾”，他已經處心積纍左好耐！因為有一個ICQ真理妳好像忽略左，“網上的男人交友的目的是一見美女就上，醜的就躲”，tobby大人最失策的就是和他見麵，他已經開始通過向大人你的好友施加壓力要求妳接收他！他那網上交友的一切隂謀昭然若揭啦！！鄙人其實也是過來人，如果不中聽的，大人可以當我髮UP瘋，在上文的這種情況下對付這樣不像樣的男孩子隻有一個方法！！！！“躲！！！”，換手機，換住所（去信得過的朋友傢住幾個月），和身邊的好友商量對策，目的是“防止他在妳的朋友圈滲透”，希望tobby大人能夠圓滿地解決這件事啦！：）（其實不見網友，一切都不會髮生，他仍舊是那個和妳聊天聊得很有“默契”的朋友！其實說囬來，打電話是錯誤的第一步啦！唉∼∼∼∼）

作者: wingwing514 時間: 2005-1-18 09:57 AM 標題: 有人想做第三者.....

放心
這類人我不認為他真的會去死
在你和男朋友不和
在他失戀失意時
大家都是互相依賴的關係而已
又不能說他不是真的喜歡你
可能是他太投入了
在失意之際你給他關懷鼓勵
自然地... 他會對你有感覺
可能連他也分不清這是愛情或是純需要
既然說得明白沒用
那就決絕一點
他自己應有思考能力
不應每次都拿傷害自己去嚇人
一個大男人, 夜晚吹吹冷風不會死的
你緊張代表他的策略成功了
反之你不理會，
他知道收不到成效就自然不會再做
不要顧慮傷不傷害
讓他盡快認清事實才是最好
狠心一點點吧

作者: tobby 時間: 2005-1-18 12:25 PM 標題: 有人想做第三者.....

我本來都想對愛情呢一樣野報復...
不過我始終覺得愛情冇分岩定錯...我唔係岩晒亦唔係錯晒
不過如果我都出去搞三搞4我就會錯晒ka la
點為之叫絕?我都有叫佢唔好鍾意我,我亦同佢邁得好清楚我有男朋友ka
我愛唔到第二個ka la...佢今朝孜send左個sms黎
同我講會比心機去會考..之後搵野做..
話好想照顧我...好想同我一齊...
重話好想見我....我今日打死都唔會出街ka la
我其實有同佢講~佢對我只係錯覺
岩岩鍾意左個女仔三年咁啦...而家唔鍾意一定好傷心
所以先會咁...我同佢講唔好再錯落去...唉...
我諗佢自己d fd同佢講可能岩聽d...我講咩都好似冇用咁....

作者: percy621 時間: 2005-1-18 01:52 PM 標題: 有人想做第三者.....

如果你係唔鐘意佢就要絕情d,做咩唔講淸楚ｄ，　ｌａｗ．咁你ｏ左係嫁．．你有男朋友嫁啦．．唔好同一ｄ你唔係好熟識既人出街飲酒啦．．．仲同佢做ｏ左緊多野呀．．你咁大個人都唔係好識諗呀．．．．

作者: porkchophell 時間: 2005-1-18 11:43 PM 標題: 有人想做第三者.....

容許我講一句! 你理得佢去死啦!
我自己覺得根本佢就係度利用你.
唔需要同佢解釋任何事.
ignore 佢icq 同delete佢電話吧!
我諗你自己都知道自己做錯一次吧?
希望唔好因為佢既片面之詞令到你心亂~
我可以好肯定同你講佢係有企圖!
再者你了解佢既時間唔足夠.
你自己小心俾人呃呀!

作者: tobby 時間: 2005-1-19 12:26 AM 標題: 有人想做第三者.....

佢岩岩轉左手提NO...
同我個NO差兩個字咋最尾果度...
佢今日話想見我我冇出度...之後佢就同我講...
要出去做野可能冇機會返黎...
當堂 O 左
我都唔太想知咩事點知佢又特登話我知幫大佬做野...
我都唔知佢想點...之後佢打黎我唔聽
佢就係ICQ同我講有野同我講...聽一次
佢再打黎我聽...佢同我講以後乖D啦我唔係度自己小心D
哈....我想死多D囉聽完.....我咪哦哦哦...之後問佢重有冇野講
之後收線....我同佢講左我剩係鍾意我男朋友
問佢想點唧迫我拍拖呀?佢話唔係
唔係咪得囉~冇野講~朋友仔咪可以做囉
男女朋友咪SORRY囉....
不過佢好似都冇分別既....我講得重唔夠直呀???

作者: z9413 時間: 2005-1-19 12:53 AM 標題: 有人想做第三者.....

icq裡時常有ED事發生，但只不過係幻像，因這一刻心靈倚賴了他，過一段時間你在自己的圈了找到可倚賴的人便會漸漸忘記他了。

作者: TinaWater 時間: 2005-1-19 01:57 AM 標題: 有人想做第三者.....

下面引用由tobby在 2005/01/18 03:11am 發表的內容：
第一次見完之後佢係icq同我講不如同佢分手啦
我覺得你好好我like左你

俾鍾意?三年?女仔hurt, 然後見你對佢咁好, 恐怕佢係一時衝動.

下面引用由tobby在 2005/01/18 03:11am 發表的內容：
第一次見係因為我同男朋友唔開心
佢出左黎陪我....我喊到死...佢冇啦啦攬埋黎
重分我添...我推開左佢..

第一次就咁對你, 似乎見面係另有目的喎~

下面引用由tobby在 2005/01/18 03:11am 發表的內容：
第二次見我見佢話冇胃口唔食野...我見我煲左粥咪問下佢食唔食囉
佢話食咪黎囉...之後我同佢講食完就想走陪多我一陣啦
之後佢本來要去補習...之後冇去到係度陪我
當然我都係唔開心...飲大左....佢錫我我又錫返佢...
頂以為佢係我條仔....死玩出火即刻推返開佢....(冇咩咩ka下)
之後佢就每日都send幾十個sms比我...
勁關心我...我又會好關心佢(but我對個個朋友都係咁ka)

正所謂 "醉翁之意不在酒", 仲話佢唔係另有企圖?
好彩你冇失身俾佢, 唔係你就係千古罪人喇! (偷食!)
不過提?你, 雖然你同你?frd好好感情, 不過同icq net frd似終都唔係生活上經常接觸, 紿終都唔清楚對方到底係點?人, 普通朋友冇所謂, 但係真係唔好咁親密.

下面引用由tobby在 2005/01/18 03:11am 發表的內容：
1.我死唔信佢鍾意我見過兩次咋...

男人要將女人得到手, 乜都講得出!

下面引用由tobby在 2005/01/18 03:11am 發表的內容：
2.就算佢真係鍾意我又點我有男朋友...
3.係,我同男朋友唔開心,不過我唔打算一腳搭兩船..

知就好啦, 唔好搞咁多事幹出?喇!

下面引用由tobby在 2005/01/18 03:11am 發表的內容：
...佢開始用3line打埋比佢d fd...
佢d fd開始係咁講話佢真係好鍾意我

你都唔識佢?frd, 點知佢?frd係咪講緊真話?

下面引用由tobby在 2005/01/18 03:11am 發表的內容：
我覺得果個男仔係我面前博同情...
1.佢特登係icq同我講同煙頭整自己,重叫我唔使擔心佢
重話我唔係博同情呀唔好誤會...
2.頭先又要特登同我講自己一個唔想係屋企出街行下...不過又要話好凍..(而家都三點啦).
3.佢今日問我聽日可唔可以陪佢...佢話只係想見下我冇其他野
4.佢合我喉嚨痛同我講...買左喉糖..聽日比我食喎...
我真係唔知佢博乜我好直接問ka la
佢話佢鍾意我唔想我再同我男朋友一齊...
佢話亦唔介意我而家開始同佢一齊...
初初識佢覺得佢好好人...不過而家...我驚左佢囉...

我何止覺得佢博同情呀, 我直情覺得佢好很煩tim呀!

下面引用由tobby在 2005/01/18 03:11am 發表的內容：
佢又要同我講想死又呢又路...我又唔敢由得佢...
真係去死咁點算我都唔知算唔算叫幫凶....

講真我真係唔信佢去死囉!
真係為咁小事去死, 唔該佢死遠?tim呀! 低能兒!

下面引用由tobby在 2005/01/18 03:11am 發表的內容：
我唔知係我講野hurt到佢定係佢誤會左我都like佢
我同佢講過對佢有好感...我都幾鍾意佢
but...我對我d fd都係咁講ka...女仔fd我直接話愛佢地添ka...
我同我d fd都勁關心對方又話鍾意對方ka la...又唔見我地覺得對方鍾意自己既...

你呀, 呢個故事教訓你以後同男仔講?要保守番?喇! 唔係又俾人誤會架喇! 知冇?

下面引用由tobby在 2005/01/18 03:11am 發表的內容：
點算呀?我唔知點面對呢個人...唔理佢又好似好衰...

只係一個net frd?~ 多佢一個唔多, 少佢一個唔少, 俾我係你就電話唔聽, sms唔覆, icq msg當睇唔到!

下面引用由tobby在 2005/01/18 03:11am 發表的內容：
我認承第二次見果陣我同佢之前好似有d....唉有點兒那過...
而且我男朋友成日出去識女仔....我想同佢鬥氣同呢個男仔一齊ka
不過我唔想去到咁盡...

pit除去唔去到盡?問題;你男朋友出去識女仔?, 但係冇對你唔住喎~
而且即使 "如果" 你男朋友有做錯, 都唔代表你都可以做錯.
兩個人一齊, 係要講 "責任" 架; "鬥氣" 未免太幼稚?諗法喇...

下面引用由tobby在 2005/01/18 03:11am 發表的內容：
更加唔敢一男一女係度飲酒囉........我知錯啦
點算好呀..................................
(好多字....對唔住咁多位.....)

經一事, 長一智; 你以後唔好咁亂?喇, 知冇?
多字都算你啦今次! ^.^

作者: porkchophell 時間: 2005-1-19 11:05 AM 標題: 有人想做第三者.....

下面引用由tobby在 2005/01/19 00:26am 發表的內容：
佢岩岩轉左手提NO...
同我個NO差兩個字咋最尾果度...
佢今日話想見我我冇出度...之後佢就同我講...
要出去做野可能冇機會返黎...
...

你唔好再聽佢既電話同icq.啦
你講得直同唔直都唔係一個問題.
你佢根本係度逼你騷擾你.
你再同佢玩icq 傾電話只會煩既人係你.
佢要去死由得佢吧.
況且佢唔係你男朋友,你身為一個朋友既本份已經做哂.
其他事唔需要再過問.

作者: ezratse 時間: 2005-1-19 11:35 AM 標題: 有人想做第三者.....

[我都唔太想知咩事點知佢又特登話我知幫大佬做野...
我都唔知佢想點...之後佢打黎我唔聽]
我不是想批判任何人或帶有色眼鏡看人，但看以上這句，便知他是社團人物！
您見過他，他可知您住處？小心有人因愛成恨！
其實，這類男人，信唔得過，能否給您幸福，明眼人都會知！！
唉！icq的好處是讓人千里外能立時傳送信息，壞處便是謊言遍遍！難分真假！！

作者: christhk 時間: 2005-1-19 11:48 AM 標題: 有人想做第三者.....

下面引用由porkchophell在 2005/01/19 11:05am 發表的內容：
你唔好再聽佢既電話同icq.啦
你講得直同唔直都唔係一個問題.
你佢根本係度逼你騷擾你.
你再同佢玩icq 傾電話只會煩既人係你.
...

Porkchophell講得好對, 我都忍唔住要插一插口, 他要死, 由他去死吧! 我絕不相信他會為了你死... 別把自己看得那麼重, 他只見過你兩次!
ICQ上的男人技倆也只不過如此, 你也是的, 你見他吻他, 利用他開解你的不開心, 他當然不會放過你, 他覺得你是隨便的人, 自然有機可乘, 你利用完他他又怎會如此輕易放過獵物... 所以說自己做過的事都要去承擔, 承擔不起就不要去玩火...
我也遇過這樣的人, 那個男人要生要死的, 只見過我一次, 就在我家樓下等了5小時, 我就由他去死, 看他會不會, 當他知道我不是會上當的人, 就突然180度轉變, 沒有死不特止, 還在ICQ上繼續做他的快活人...
男人裝可憐, 既然叫你不要理他就不要理吧, 你又要理, 又要自尋煩惱, 沒有人會幫到你, 到時被你的男朋友知道, 得不償失, 你想清楚吧! 一個男人真的不會因為見你兩次, 而愛得要生要死的...

歡迎光臨 Cyber X-files (http://cyberxfiles.com/cyberx/)