Cyber X-files - Powered by Discuz! Board

標題: 與異性出街食o野 [打印本頁]

作者: 百葉窗 時間: 2004-7-24 12:16 PM 標題: 與異性出街食o野

[這個投票最後由百葉窗在 2004/07/25 01:30pm 編輯]

Q1:請問女會員,與異性出街食o野心裏會希望男方畀錢嗎?
Q2:請問男會員,與異性出街食o野會主動替女方畀錢嗎?
這次不用說自己吧!因為我都未試過.....-_-

作者: C朗拿度 時間: 2004-7-24 12:32 PM 標題: 與異性出街食o野

(Q2)會呀, 我會主動替女的一方比錢.... ><

作者: butn 時間: 2004-7-24 01:00 PM 標題: 與異性出街食o野

q2 我會比錢, 不過之後會叫個位女仔請我飲野啦 haha
其實每次同女仔出街都會比100%
如果佢地要爭住比, 我就會叫佢地下次請番我或者請我飲野了

作者: 靈異simon 時間: 2004-7-24 01:24 PM 標題: 與異性出街食o野

慣左食軟飯
哈哈......
如果D女同我爭畀我都OK,我畀
但一心諗住我請就byebye 啦
極其量只可做Friend

作者: purple 時間: 2004-7-24 01:32 PM 標題: 與異性出街食o野

我會自己俾
不過如果個男仔要俾咪由得佢
費事大庭廣眾爭來爭去咁難睇啦

作者: 炮頭 時間: 2004-7-24 03:25 PM 標題: 與異性出街食o野

都會主動幫佢付錢的．．．
不過有時太貴都幾肉尺．．．
個心都會諗住”如果係ａａ制就好啦”．．．

作者: kachung415 時間: 2004-7-24 04:52 PM 標題: 與異性出街食o野

多數都係AA制啦.....fd ja ma...又唔係女朋友...
如果女朋友多數都係我比既~!

作者: ezratse 時間: 2004-7-24 06:21 PM 標題: 與異性出街食o野

香港雖說是男女平等，但我是生為一個男性，與女性友人食飯後也不好意思不幫她付款。可能是大男人主意陰魂不息，在這個時候便會出來發作一下。

作者: jpm 時間: 2004-7-24 07:15 PM 標題: 與異性出街食o野

我多數會自己比架...
人地請既話我會覺得欠左佢咁..
不過,其實尼d野都冇咩所謂既..
如果係異性既fd既話..
正常黎講都係aa制~~

作者: lenkit 時間: 2004-7-24 09:19 PM 標題: 與異性出街食o野

我選擇唔會...
因為其實唔會話男仔一定要做俾錢o個個...
最好係AA制...
你唔欠我，我唔欠你~!!

作者: 好孩子 時間: 2004-7-24 10:06 PM 標題: 與異性出街食o野

Q1~ 不會~
因為覺得人家付了好像是欠了人家的人情~
感到不好意思~ 倒不如AA制好~
如果他硬要付費~ 下一次我會請客~

作者: 小闊闊 時間: 2004-7-24 11:33 PM 標題: 與異性出街食o野

心裹會想他結帳，
如果他有能力結帳的話，
看看他有沒有風度嘛。
我不會做出任何動作示意他結帳，
他不肯便罷了。
純綷心想，
反止自己吃多少付多少最公平。
如果他有能力結帳但沒有特別理由不能結帳
還示意要我結帳的話，
他的電話號碼——刪除
聯絡名單 ——刪除
有關他的東西——消失於我面前

作者: milk6 時間: 2004-7-25 11:19 AM 標題: 與異性出街食o野

嗯∼我都會俾ｏ既∼如果佢話唔洗ｏ既∼咪算囉∼ｆｄ姐∼

作者: 200210117 時間: 2004-7-26 08:36 AM 標題: 與異性出街食o野

哈~咁就要睇下條女有冇拎個銀包出黎先啦~ccc

作者: 不知道 時間: 2004-7-26 02:31 PM 標題: 與異性出街食o野

[glow=255,red,2]
呵ㄏ我當然是那種不希望女方付錢的人囉
我從小的觀念就認為跟女生出門((自己的老媽例外)) 一定要男生付錢所以跟女生出去我都一定主動付錢呵呵偏偏很好玩的是現在我所喜歡的這個女生每當我跟他出去玩時我要付錢時他也會搶著要付錢因為她都會說上次我付了好多錢怎怎之類的蠻好玩的

[/glow]
[SHADOW=255,red,1]一幅很美的圖看了別後悔唷 ^^[/SHADOW]

作者: easka 時間: 2004-7-27 12:15 AM 標題: 與異性出街食o野

我會aa制囉.
如果男方要比錢, 我咪讓下佢囉.
不過我下次到我請客!!!!!!
我個人覺得成日請人食&玩唔係咁好, 間唔中請一兩次先好架woo

作者: kant2219 時間: 2004-7-28 02:33 AM 標題: 與異性出街食o野

如果同普通異性朋友出街食o野,我就一定會主動替女方畀錢,
但同老婆出街就一定係佢比,因為我d錢會自動轉賬?去佢個銀包果道,嗚嗚!!

作者: 黑色冥界之蝶 時間: 2004-7-31 04:01 PM 標題: 與異性出街食o野

q2:我会帮女生畀钱,呢d又唔是很大数,我一般唔会计较.但我同女生出街,巨要买ge野我唔会帮巨畀钱

作者: ★自由傀儡★ 時間: 2004-8-18 01:39 PM 標題: 與異性出街食o野

一般都系aa制啦！其实乜都要男仔俾，系一种陋习来嘎！我同我老婆出去一般都系aa 啦！

作者: 鴨仔笑 時間: 2004-8-19 01:27 AM 標題: 與異性出街食o野

男仔比好d wo-_-
我好少聽女仔比-_-

作者: 野蠻女 時間: 2004-8-22 10:09 AM 標題: 與異性出街食o野

我就不會，如果每次都想他給錢，會讓人覺得不知怎樣．
如果一兩次我也無所謂．如果給了∼
我也會說聲下一次請你食飯阿．不會每次都是男生給錢∼

作者: limataro 時間: 2004-9-2 11:35 AM 標題: 與異性出街食o野

答案是-不論男女都係一樣道理﹕
有尊嚴既人做咩下下要人地請自己食飯呢﹖
好想幫人比錢咩﹖唔係播﹐我去捐公益金比較有意義。

作者: 百葉窗 時間: 2004-9-2 02:51 PM 標題: 與異性出街食o野

下面引用由limataro在 2004/09/02 11:35am 發表的內容：
答案是-不論男女都係一樣道理﹕
有尊嚴既人做咩下下要人地請自己食飯呢﹖
好想幫人比錢咩﹖唔係播﹐我去捐公益金比較有意義。

我諗你講既野唔係好關事...
男幫女畀$,係風度問題...
就算個女仔受請,唔代表佢(她)冇尊嚴..

作者: limataro 時間: 2004-9-2 03:53 PM 標題: 與異性出街食o野

下面引用由百葉窗在 2004/09/02 02:51pm 發表的內容：
我諗你講既野唔係好關事...
男幫女畀$,係風度問題...
就算個女仔受請,唔代表佢(她)冇尊嚴..

對唔住呀﹐無話過要係女仔成日(注意﹕係成日)都要人請先係冇尊嚴﹐男仔都一樣。
請你唔好偷換名題。我講既唔係受唔受請既問題﹐而係有無存心希望人地去請自己食野既問題。我敢話呢度無人未受過請﹐受請本身唔係問題﹐但如果成日希望人地請﹐因為覺得自己係某一類人就應該被請。呢種人既品德就極之惡劣。
有風度既人唔係請女仔食野既男仔﹐係個D唔會希望利用自己某些所謂身份上既特質去撈取某些好處､唔會覺得某D人請人食野係應份､同埋唔會覺得自己或者人地因為屬於某一類人所以時常都有責任去請某D人地食飯既人。

作者: hybridhk 時間: 2004-9-2 04:08 PM 標題: 與異性出街食o野

咦﹐百葉窗﹐你可能誤解了limataro的意思。他說「有尊嚴既人做咩下下要人地請自己食飯呢﹖」﹐我相信他的重點﹐是在於「下下」這兩字。
受人請食飯﹐本身絕不是沒有尊嚴﹔有些場合男方請食飯﹐是有需要的。不過﹐假若有人以「男方應該有風度」作為借口﹐而「下下要人請食飯」﹐那就是有問題的想法。長期要人家請食飯﹐本身已經是沒有風度的行為﹐因為應該有風度的﹐不應只是男性﹐女性也要。人家要顧全風度﹐不等於可以讓人盡情榨壓﹐變成以「無風度」作為理據﹐來要脅人家請食飯。

作者: hybridhk 時間: 2004-9-3 03:59 PM 標題: 與異性出街食o野

加點補充。
其實沒有很多女生故意要人家請吃飯﹐那位網友的言論只是反映了「風度」在我們社會中長期被曲解。一直以來大家借用的西式「紳士風度」概念中﹐並沒有指出過請吃飯是風度的表現。「風度」不是物質的單向性交流(男施女受)﹐而是男士對女士的存在予以特別的尊重。禮儀才是表現「風度」的形式﹐當中所附帶的金錢關係是額外的﹐並非必然﹐沒有金錢付出不等如沒有風度﹐有風度也不等如金錢付出。
所以如果有男士誠意拳拳主動提出請吃飯﹐女生不用爭著付錢﹔如果他純粹是為怕無面或被人唱而請﹐請各位有心的女士不妨指點一下﹐請吃飯不是風度的義務﹐叫他放心﹔如果他提議AA制﹐就請各位女士不要因此罵人家無風度﹐因為這不是男士風度所附帶的必然義務。
當然﹐不能排除有女士利用此種故意曲解的「風度」來撈取利益﹐特別是長期利用此策略的人﹐這些就值得批評了。

作者: 百葉窗 時間: 2004-9-3 08:45 PM 標題: 與異性出街食o野

下面引用由limataro在 2004/09/02 03:53pm 發表的內容：
有風度既人唔係請女仔食野既男仔﹐係個D唔會希望利用自己某些所謂身份上既特質去撈取某些好處､唔會覺得某D人請人食野係應份､同埋唔會覺得自己或者人地因為屬於某一類人所以時常都有責任去請某D人地食飯既人。

o下?我說的[風度]指的是男方喎!?你第二,三,句都是指女方的....為何用逗號?
你這句[有風度既人唔係請女仔食野既男仔]好似電視播的那句至理名言[求學不是求分數]。
我幫你加粒字la~~~[有風度既人唔只係請女仔食野既男仔]

作者: 百葉窗 時間: 2004-9-3 08:55 PM 標題: 與異性出街食o野

我覺得就算有米的女仔也會要求男方請/接受男方請,原因就是....就是種種因素影響
補充:hybridhk ,你說得對喔!!!

作者: limataro 時間: 2004-9-4 06:46 AM 標題: 與異性出街食o野

百葉窗﹐首先﹐第二､三句所用的不是逗號﹐而是頓號。係中文黎講﹐逗號係「，」﹐而上面第二､三句之用既係「、」﹐我地稱之為「頓號」。而你回應當中既「你第二,三,句都是指女方的」就用得唔係好恰當﹐應改為「你第二､三句都是指女方」﹐第一個逗號改為頓號﹐第二個係多左出黎既標點。
我用頓號是因為我想說的是本一個分句入面所指的是都包含了我所指的主體。請你注意﹐呢個主體係以你對我的回應作點題﹐但所指的是所有的人。我認為有風度的人都需要有以上的條件才能稱得上有風度。係下面我會作更詳盡既解釋。我可以就兩方面去分釋-潛在價值觀念上既分歧同語法既問題﹐但我會專注於後者﹐因為係你既回應當中﹐呢一樣係你所比較關注既﹐雖然我唔覺得佢地可以分開討論。
我盼望你懂得我所強調的顯淺道理-風度並不是只有男性才能表現的﹐每一個人都應該有。因此﹐我睇我唔能夠同意你將我既首一分句睇成意味住我此後既論點都係指向一個性別或一種人﹐因為我地當初就是在男方請女方請客飯的問題之上開始這個討論﹐那麼其實我不過想指出我唔認同你說的這一句-「男幫女畀$,係風度問題...」,男性幫女性比錢﹐有很多層面﹐並不能夠話男士替女士比錢一定係出於風度或全然跟風度能夠同日而語。
如果你想表達的是「有風度既人唔只係請女仔食野既男仔」﹐我看我地可以將理論再擴寬﹐因為我只能夠係某些層面認同你的所謂「請女仔食野既男仔」所指的意思﹐但這樣寫來確是把程況和性別規限了。而把其加一個字粒並無任何語意上既必要﹐講既只能夠係呢一個爭辯之上所帶出既理念。你可以將呢句加上任何既字句﹐但係你同時要留意同下面分句既連接﹐就呢一方面而言﹐我覺得兩句都可以用。「有風度既人唔係請女仔食野既男仔﹐...」同「有風度既男仔唔只係請女仔食野既男仔﹐...」-呢兩句既表達上﹐都要依靠後面分句中連帶既論述﹐而係意義上既分野﹐都係在你回應當中所忽略左既後面分句之中說明左。
然而﹐我唔知道自己係唔係應該驚訝你閱讀我的那一句所睇到出黎既意思﹐仲係離唔開一個所謂的男女既相互取向。如果因為我寫左個一句你就覺得係指向某一性別﹐我會覺得你有要再讀下我所寫既個一句既必要。我所指既係所有既人﹐句子起頭寫到女仔被男仔請﹐唔代表全句都係指女女性或者男性。請你全句閱讀﹐因為我地中文既逗號既作用就係話比人聽句子唔係完整﹐下面既分句都係句子既一部份﹐而分句部份所指既就係所有既人﹐不論男女。成句應該被看為一個整體﹐而唔應該將佢分開黎睇。
再者﹐「求學不是求分數」係一個脈絡全然真空既情況之下既宣傳口號﹐如果黎到比喻呢一個連帶下面所有條件程況既複合句﹐係犯左好嚴重既語法謬誤。正如我之前所講﹐我呢一句「有風度既人唔係請女仔食野既男仔」﹐後面係逗號(呢一次就真係逗號)﹐然後後面有連帶既分句﹐請細心閱讀之。如果我所用既係句號﹐而唔係逗號﹐你或許可以將佢睇成獨立既陳述句。所以好對唔住﹐我睇唔到我寫既個一句同「求學不是求分數」呢一句之間可以用比擬既方式將佢地係邏輯上連接起上黎。
另外﹐希望你能夠同我地分享一下你對於「風度」既定義。

作者: hybridhk 時間: 2004-9-4 06:35 PM 標題: 與異性出街食o野

咦﹐百葉窗和limataro﹐恕我多事插嘴﹐我被弄得越來越糊塗了。
我覺得limataro跟我的立場(在這個題目)都是很相近的﹐有些論點更是同出一轍﹐所以我不明白為何百葉窗會覺得我說得對﹐但同時又覺得limataro的論點有問題。我跟limataro一直在這個討論上有一個相同之處﹐也是整個討論的基本中心﹐就是「風度」的性質。我們都非常批判那些故意利用自己「女性」的身份的女士來將男士請吃飯這種非必然的「風度」來合理化﹐以此撈取利益或小便宜。我們在這方面立場一樣﹐也不見得百葉窗會有異議。
所以我在猜想﹐百葉窗只認同我而不認同limataro的原因﹐可能建基於請吃飯的「性別論」。我細心翻看了我們兩人的的留言﹐發現limataro多次強調在請吃飯這事情上「不論男女都係一樣道理」。以我的理解﹐他/她說「有風度既人」､「有尊嚴既人」的人是同時指男性與女性。請吃飯並不應該只限於男士﹐受請者並不應該只限於女性。請與被請﹐本身並不應該是兩性相處的手段﹐而應該是一視同仁﹐男女皆能請﹐也可以被請。只要被請者本身沒有邪念(想拿著數之類)﹐我們就不該計較到底請者和被請者的性別是什麼了﹐因為都是大家表現風度的方式。「風度」和「尊嚴」﹐並不應該受到性別的枷鎖所規限。
反觀我一直在留言強調的「風度」﹐卻不像limataro一樣是完全撇除了性別的區分。大家可以翻看我的留言﹐會發現我還是以「男請女」為出發點去討論。盡管我也說過「應該有風度的﹐不應只是男性﹐女性也要」﹐但我的性別分野還是在留言中明顯表露了出來。看來在這方面﹐我倒是要向limataro學習了。
百葉窗他/她在這方面也許比我還要嚴重﹐從其留言的語意學判斷﹐他/她被男女的迷思困住了﹐所以說出「男幫女畀$,係風度問題... 」､「我說的[風度]指的是男方喎!?」和「我幫你加粒字la~~~[有風度既人唔只係請女仔食野既男仔] 」這些論點。
我這樣說﹐只是想點出或許百葉窗同意我的說話﹐卻不能明白limataro到底在說什麼﹐可能正正是百葉窗的思維已經認定了請吃飯的「風度」必然地只屬於男性﹐所以不能明白limataro說「有風度既人唔係請女仔食野既男仔﹐係個D唔會希望利用自己某些所謂身份上既特質去撈取某些好處､唔會覺得某D人請人食野係應份､同埋唔會覺得自己或者人地因為屬於某一類人所以時常都有責任去請某D人地食飯既人。」這句話﹐並沒有哪句專指男方或女方﹐而是泛指所有人(或許這正反映了為何limataro並沒有在重點的最後三句點明這些「人」的性別)。
至於limataro有沒有犯了什麼語法毛病或標點錯誤﹐我個人認為沒有(他/她也已經長篇大論解釋過了﹐我也同意其分析)﹔問題只在於百葉窗跟limataro在思考這個問題上(特別是性別在請吃飯這事上的定位)的分歧﹐令大家出現意義上的誤解。
我都算是既多事又長氣﹔不過希望百葉窗跟limataro你們都明白﹐我覺得這個問題的本質是涉及到社會長期以來對性別的定位及「風度」的定義﹐所以見你們為此有討論﹐想嘗試點出你們在出發點及分析上的分別﹐令這個討論更有意義。

作者: 百葉窗 時間: 2004-9-5 12:35 PM 標題: 與異性出街食o野

哦..........唔明,我冇諗過會咁深奧,我中文好差,不過我會努力了解(多謝提點)

作者: 百葉窗 時間: 2004-9-5 12:51 PM 標題: 與異性出街食o野

我之前或者講錯野,比喻錯,可否不再用大篇幅說明?

下面引用由百葉窗在 2004/09/03 08:55pm 發表的內容：
我覺得就算有米的女仔也會要求男方請/接受男方請,原因就是....就是種種因素影響

你有冇留意這句,我想表達的意思....
女仔下下要人請,我認為同尊嚴毫無關係....
一個心腸不好的女仔下下要人請,或許有更適當的形容詞,或許用返沒心腸,或許用賤格....
一個貧窮的女仔下下要人請,更不能說她沒尊嚴
一個有錢的女仔下下要人請,只是她善解人意,不想損害男方自尊

作者: limataro 時間: 2004-9-5 03:32 PM 標題: 與異性出街食o野

這個論題最近才有回覆﹐怎麼之前會出現在最後一頁呢﹖希望管理員留意一下(香港時間15﹕25)。
我在之前的文章所提到的尊嚴﹐旨在說一個人如果一個人常常希望他人請客﹐無論他有何樣的身份都非常不應該。或許我們應該把「下下要」和「下下希望」分開討論吧。
我自己覺得要人請客與一個人本身的財富在一個層面並沒有關係﹐貧窮的跟有錢的人﹐都絕不應該常常希望人家請客。所以﹐尊嚴屬於所有懂得珍惜它的人。而要珍惜尊嚴﹐就要保持良好的品德。
「下下要」如果是指有人每一次都讓人家請﹐那跟「下下希望」不一樣了。那我們不如把這兩個解釋清楚﹐避免混淆。「下下要」如果是指每一次都受請﹐那或許某些人還是希望尊重別人的好意。只不過﹐在一個問題上﹐我會覺得應該要跟請客的人說清楚。我自己會跟每一次都要請我的那個人表示說不應該這樣﹐因為這樣子並不公平。

作者: hybridhk 時間: 2004-9-6 11:51 AM 標題: 與異性出街食o野

對不起﹐長篇大論是本人的陋習﹐一時難以改之﹐請兩位原諒。
我反而有興趣談談「有錢」和「貧窮」這個對立面。或許我比較執著﹐我覺得請吃飯跟請者和受者的財富多寡沒有關係。如果請吃飯如果純粹是一項必要的社交禮儀(即使我不盡同意)﹐那麼跟本不應讓金錢來主宰請者和受者的心態﹐因為在飯檯上讓金錢來主宰決定的人﹐是本身「風度」欠佳﹐才會最先想到金錢的考慮﹐而將禮儀反變成手段。一個較貧窮的女士﹐跟一個頗富有的女士﹐如果都接受被人請﹐在兩人沒有壞心腸的情況下﹐原因只有一種﹕禮儀的交往。自己是否有錢並不構成接受對方請吃飯的誘因﹐禮儀的交往才是當刻唯一考慮的情況﹐才作出請與被請的決定。
我還是那句﹐男性請女性吃飯這個所謂必要的「風度」﹐是被我們長期曲解了。如果有人因為某些原因(如慶祝)而真心願意請人家吃飯﹐這是絕對沒有問題的﹔如果有男士以為請異性吃飯是必然的「風度」﹐因而主動請客(只請同檯女士們)﹐請各位善心女士糾正之。

作者: limataro 時間: 2004-9-13 06:57 PM 標題: 與異性出街食o野

hybridhk﹐長篇大論對我來說完全不打緊﹐只要言之成理和表達清晰﹐長並不是陋習。
我十分同意財富多寡與請客在我們的討論層面上沒有任何啟發性價值。一個人不論貧富﹐如果經常希望以各種手段來撈取利益而不顧自己的個人品德﹐那就是讓自己失去尊嚴之舉。我們所表達的﹐就是如此顯見易明的一個道理﹐不明何艱深之有。
只於「風度」和性別定位的關係﹐相信是更深一層次的價值取向問題。我能夠同意你說「風度」這個概念被濫用或曲解﹐但沒有人能把其「糾正」。只可以補充一點﹐如我們引用以上所建立的理論於常希望被請的「女性」身上﹐那我們這裡可作的結論是一位經常希望利用自己的「女性」身份受請的人是缺乏修養的﹐她並沒有任何尊嚴可言。

作者: dinocrisis 時間: 2004-11-7 03:31 PM 標題: 與異性出街食o野

我個人主張AA制
不過如果個男仔係都要比既都唔會同佢爭既

作者: jjjjjjj 時間: 2004-11-7 04:00 PM 標題: 與異性出街食o野

下面引用由小闊闊在 2004/07/24 11:33pm 發表的內容：
...
如果他有能力結帳但沒有特別理由不能結帳
還示意要我結帳的話，
他的電話號碼——刪除
聯絡名單 ——刪除
有關他的東西——消失於我面前

agree!!!! 男孩子也應有男孩子的風度嘛~
一人夾一半冇問題，可以故意要女孩子為他們比就真是很過份~
我如果和男孩子食飯
朋友性質的話，多數都是夾一半的
別人不是必然地請客ga ma!!
通常在結賬的時候，我也會拿定銀包出來
但多數讓男性的朋友結賬先，等個waiter 走開或者出到去先比返錢佢
( 因大家都覺得爭付賬或者在結賬時夾/籌錢都是比較核突既事)
而事後，如果那男性朋友不肯收錢的時候
我也不會勉強，人家一番好意請你食，或者表現風度的時候
你沒有理由落佢面ga ma!!

作者: 臻霜兒 時間: 2004-11-9 06:54 AM 標題: 與異性出街食o野

通常都會自己給錢吧~ 不過有些男生喜歡幫女生給錢的頭幾次會跟他搶要自己給吧其實我覺得男生沒必要有一定要幫女生給錢的念頭阿不過有些男生這種習慣改不掉頭幾次出門他都要幫我給的話~之後都不會再跟他搶囉不然每次都: 女:我給我就啦男:不好啦我給就好女:不要啦男:把錢包放會去~~~ 每次都這樣自己不煩別人都覺得煩而且這樣男方應該都會很為難吧@@?<個人覺得>所以他喜歡給以後也讓他給阿=.= 之後平時去7-11買飲料時多買一份請對方的當是回禮^^ 不過有一點是~~ 我覺得誰出錢也沒關係但如果男方叫女方去給錢就很難看嚕所以男方不可以小家@@ 但女方也要有自覺 ~

作者: jjjjjjj 時間: 2004-11-10 11:41 PM 標題: 與異性出街食o野

又或者想算得公平一點
你請我食飯
我請你食甜品囉~
其實都冇乜所謂，我的朋友們都不太介意~ 有值得高興的事想請咪請囉~

作者: lonenan 時間: 2004-11-13 02:32 AM 標題: 與異性出街食o野

唔會要求個男仔俾。
但如果個男仔直頭開聲話︰「不如你請我啦﹗」
我會覺得好..............................................................
怪

作者: siupigleung 時間: 2004-11-16 09:33 PM 標題: 與異性出街食o野

標題不明顯!!
異性指普通 or 心儀
如普通異性邊個比錢都無所謂 or AA制....
如果,他是想追你而又吝嗇..那就沒有下次出街...
因為, 我有個女性朋友,她的男朋友常常當住我們面前駡她.與她拍拖是女方比錢 ...比我一定"受不了"

作者: sze393 時間: 2004-11-16 09:37 PM 標題: 與異性出街食o野

我會睇情況囉...!!
如果個男仔理單既時候一 d 動作都冇咪我請囉...!!
如果有動作既咁我都會比番自己個份....!!
如果佢收咪收囉....!!
唔收咪下次我請囉...!!

作者: lostmysoul30 時間: 2004-11-22 08:00 PM 標題: 與異性出街食o野

如果個男仔係想追我咁佢比錢都好正常姐
不過如果係d fd 通常都aa 嫁啦
或者有時好似我請佢食左lunch 佢比返dinner 咁囉一人出d 開心最重要 !!!唔好為左少少錢而算死草唷 {^(00)^}

作者: JackieSLY 時間: 2004-11-23 06:05 AM 標題: 與異性出街食o野

我自己冇乜特別希望....不過我同親一個男仔fan.........識左好多年個d.......出親街..佢都一定幫我俾$$ lor....我話d野幾得意....佢就多數(唔係次次la一定...如果唔係佢破產都似).....會送俾我lor.....食飯佢又爭住俾......
但我唔會特別想lor...

作者: lesliekkt 時間: 2004-12-3 05:44 PM 標題: 與異性出街食o野

睇下個女仔同我係咩關係先啦!!
如果係普通朋友既話....大多都係AA既....如果係GF既話就肯定我比架喇!!

作者: fungmei 時間: 2004-12-4 01:27 AM 標題: 與異性出街食o野

睇?咩關係啦?
如普通朋友就AA制，但佢係要比，我都冇辨辦法，多謝!
如男朋友當然係佢比啦，不過~~佢比兩次，我會比番一次啦!!

作者: onizuka 時間: 2004-12-12 01:31 AM 標題: 與異性出街食o野

以前我會請女生既．．．不過有左女朋友之後！　就唔會．．
費時咁多誤會啦！

作者: z9413 時間: 2005-1-8 11:43 PM 標題: 與異性出街食o野

通常侍應生會給男方結賬，難道叫他給女的結賬吧！之後通常唔好意思叫她比番，她們亦好少主動比你，所以通常我都好少與普通女性朋友吃飯！(除非想追佢啦)

作者: benchan 時間: 2005-1-9 01:35 PM 標題: 與異性出街食o野

無論係女友或女性朋友出街~~﹗
都係我俾錢既~~﹗
可能我比較大男人左D喇~~﹗
如果要女仔俾錢~~會覺得好冇面﹗
特別係同女友果陣﹗

作者: michael0528 時間: 2005-1-9 11:40 PM 標題: 與異性出街食o野

男仔幫女仔比錢有0的算係gentleman風度既行為
講唔出點解...但男仔係應該要囉
咁當然財政唔許可時就唔出聲aa制啦

作者: kalung03 時間: 2005-1-10 12:06 AM 標題: 與異性出街食o野

梗係會啦,做男仔俾錢係應該架
不過有時都會係d女仔俾錢

作者: 。靈。 時間: 2005-1-30 07:20 AM 標題: 與異性出街食o野

我仲細過-.-冇可能件件都比得起~
但係如果咩野節日送d小禮物~我一定會~
我會選自己比自己因為仲係學生~大過搵到錢有工都盡力喇~

作者: 邪炎 時間: 2005-2-14 07:03 PM 標題: 與異性出街食o野

Q2:我的答會的!
不過係我身邊的女性大多會選擇AA制哦= =|||
可是我同佢地大多like用一人一次比錢的方式~
若然佢地真的唔係咁方便比錢的時候~
我都會主動幫佢比的哦!
因為我覺得係有限錢姐~又唔係魚翅撈飯食鮑魚咁的樣!

作者: nataliefu 時間: 2005-2-16 02:41 PM 標題: 與異性出街食o野

ＡＡ制最好了．免得尷尬－ｖ－
多數出街都不會抱一個心態．就是要男生請客
好像要佔人便宜．利用他－０－
但如果他一定要請客．我也沒有所謂
不過事後會再請他吃一次飯－ｗ－
但當然不希望全自己請吧．除非是特別的情況．好像生日、慶祝會等等

作者: rion 時間: 2005-2-16 07:56 PM 標題: 與異性出街食o野

I will choose AA制~
因為公平&大家不過是朋友only............

作者: simon780 時間: 2005-2-21 01:05 AM 標題: 與異性出街食o野

唔會仲咩因為佢係異性就要幫佢俾錢呢?

作者: 阿斯蘭З薩拉 時間: 2005-3-21 10:02 PM 標題: 與異性出街食o野

自己係男仔,更係會幫女比啦,仲洗問,唔果唔係女友心都話你啦,做人男友一d風度都冇

作者: HimCheng 時間: 2005-3-24 02:56 PM 標題: 與異性出街食o野

Q2: 會~
通常都係幫佢比左先~如佢要俾番我既~
我會睇下同佢熟唔熟囉~熟既唔收無乜所謂~
唔熟就...不過都無所謂囉~
但係有D好討厭...完全無反應...仲要多謝都無一句...

作者: 笑新 時間: 2005-3-26 08:48 PM 標題: 與異性出街食o野

睇下情形啦.....
如果條女靚或係自己條女比錢無物所謂羅
如果條女係豬就無野好講啦

作者: angefan 時間: 2005-3-27 10:43 PM 標題: 與異性出街食o野

有時也會覺得很矛盾，因為這些事不單單發生在男與女身上，也會發生在男與男、女與女的身上。
兩個朋友一起吃飯，不替對方付賬看起來不夠友好，感覺有點無情，什麼都要計清計楚；要是替對方付賬的話，通常為對方付賬時會比較大方，不計較底下，不經不覺就會花錢比較多，因為孤寒自己不會不好看，孤寒別人就會很不好看，所以自不然會花得比較多。
其實最終問題都是在於自己個人的經濟狀況不理想，假如能解決這方面的問題，以上的問題都不會是問題。

作者: 玄皓 時間: 2005-3-28 06:55 PM 標題: 與異性出街食o野

我一定會自己俾錢,因為我唔鐘意人野,特別係男生

作者: PlayGirl 時間: 2005-3-29 10:27 PM 標題: 與異性出街食o野

唔可能下下要男仔俾哂, 普通朋友?, 就AA制, 男朋友?, 咪論流一人俾一次囉~
公平?好~ 唔係費事 "反轉豬肚就係屎" !

作者: vling2884 時間: 2005-5-16 03:04 AM 標題: 與異性出街食o野

唔..同男性朋友通常係AA制咯..
冇話要對方請既..
雖然可能由男方俾會算係有風度..
但問心..大家都係打工仔..唔好意思咯..
就算佢堅持埋單找數..我都會再請佢飲茶或其他..
每人一次...公平嘛!!

作者: WSWONG 時間: 2005-5-17 10:01 AM 標題: 與異性出街食o野

個人認為大家一齊出街, 應該AA制比較好
冇理由要對方出晒, 自己都會唔好意思!!

作者: 天命難違 時間: 2005-5-28 08:32 PM 標題: 與異性出街食o野

區區一些小錢財算得係乜野!由得豁出去!

作者: maggie35201 時間: 2005-7-18 05:08 PM 標題: 與異性出街食o野

我會同個男仔AA制
佢又唔係我男朋友
佢係我男朋友就唔同,比佢請我都冇所謂

作者: salvia 時間: 2005-7-20 12:49 AM 標題: 與異性出街食o野

今次出街佢比\$食野~
下次出街我比$食野~
大家輪住囉~
我覺得公平D囉~

作者: happyboy338 時間: 2005-8-6 11:13 AM 標題: 與異性出街食o野

咁如果你地同幾個女仔一齊出街
咁你地又會唔會幫佢地俾哂?

作者: endless-x 時間: 2005-8-6 04:22 PM 標題: 與異性出街食o野

請女朋友就真係冇所謂,
但係唔會係次次都請,
如果次次請,我都唔知個女仔係唔係鐘意錢多個鐘意我=.=

作者: karu 時間: 2005-8-11 04:46 PM 標題: 與異性出街食o野

不會幫對方比$，除非有原因或者佢係一名靚女。

作者: 小花仙 時間: 2005-10-31 06:30 AM 標題: 與異性出街食o野

希望是自己請客非常不喜歡欠別人
但當自己有經濟問題的時候才會考慮AA制

歡迎光臨 Cyber X-files (http://cyberxfiles.com/cyberx/)