Cyber X-files - Powered by Discuz! Board

標題: [閒話一則]明天有結果了. [打印本頁]

作者: porkchophell 時間: 2005-1-2 10:48 PM 標題: [閒話一則]明天有結果了.

聽日,我女朋友就會講冷靜期既結果了.
初初以為係我生日個日可以解決我地之間既問題.
但係到最後都唔得要等到聽日.
自從冷靜期開始.我只係見過佢兩次由聖誕節到今日.
佢既諗法係由朋友開始再去了解對方...
之後有機會先再一起,因為佢覺得佢自己內疚我對佢太好.
但係我真係好驚依個係佢既藉口,我可以付出所有去改變自己.
但係我驚佢會放棄我呢....
個心真係好亂.... 我唔知可以點做呢...

作者: ezratse 時間: 2005-1-2 10:55 PM 標題: [閒話一則]明天有結果了.

不要想得太多，喝杯奶然後好好睡一覺，明天才有精神！我自那次您說同您女朋友說有冷靜期開始，便覺您的精神太緊張了，這樣對您的身體和您同您女朋友的關系沒有好處的，不如放松一下，睡一覺好的！

作者: love4over 時間: 2005-1-2 11:04 PM 標題: [閒話一則]明天有結果了.

其實佢鍾意你既，就點都會同你一齊．．．．
唔鍾意既，你點都變唔到佢既諗法架啦．∼
唔可以一齊既咪祝福佢囉＜起碼佢冇左既係一個好愛佢既人先呀．．．＞
可以一齊既咪好好咁珍惜佢囉．．．
有時有ｄ野係唔可以挽留既．．．

作者: 傻盧x3 時間: 2005-1-3 02:24 AM 標題: [閒話一則]明天有結果了.

個人意見...(多數都唔岩聽..) 我覺得你最重要係同朋友搞番好個關係先... 你知道個問題就應該諗方法應對..如果佢地唔串得既..咁米係佢地面前唔玩串囉... 我相信..相處有好多種方法既....搵個方法出黎囉...因為你果一面好難識到外國人.... 所以要咁做囉..(我覺得) 都好架..比你學多一樣野.... 至於你女友就.............我唔知點答你唷~~ 不過放心啦...有種感覺..佢會同你一齊.... 5日 <--我覺得佢好似想休息下咁...... <--唔知點解有依一種感覺=.=""" 呵..希望你得到一個你想得到既結局... Cyril.....

作者: JammyLee 時間: 2005-1-3 07:00 AM 標題: [閒話一則]明天有結果了.

下面引用由porkchophell在 2005/01/02 10:48pm 發表的內容：
聽日,我女朋友就會講冷靜期既結果了.
初初以為係我生日個日可以解決我地之間既問題.
但係到最後都唔得要等到聽日.
自從冷靜期開始.我只係見過佢兩次由聖誕節到今日.
...

突然想好奇問句
在沒有她的日子中﹐你有甚麼感覺?

作者: 野蠻女 時間: 2005-1-3 07:45 AM 標題: [閒話一則]明天有結果了.

其實有時侯有點不太明白，為什要改變自己去遷就一個人呢？
雖知道如果一個人肯為對方去改變自己的性格，那個人一定很愛另外的一方．
當改變了自己的所有，如果另一方還不滿意呢？再去改變自己麻？
別人在享受你的成果，而自己就辛苦了自己．．．
人總不會滿足，當知道了另一伴會為自己不斷去改變的時侯．
會不會更變本加厲呢？我也知道你真的很愛你的女朋友．
但是感情方面，本來就是大家去亙相遷就．只是單方面．我會覺得你很痛苦．
而我以上的意見並不是說你那位女朋友不好，什至叫你不要再跟她交往．
只是我個人意見，一段感情不止是一個人去附出．去改變．
而是兩個人一起去附出，一起去改變．．
就好像ｊａｍｍｙ所說的，沒有了她的日子你過得怎樣？
沒有了她，會不習慣？其實如果不喜歡你．她就不會提出冷靜期這個說法．
她乾脆跟你說分手就可以，為什還要拖著你的時間呢？
其實她會不會是想在這段時間看看你會粗會跟自己的朋友關係有所改變呢？
慢慢來吧，有時侯是你的就是你的，強求也不是一個好方法．

作者: lisa614 時間: 2005-1-3 05:10 PM 標題: [閒話一則]明天有結果了.

你無需為一個唔愛你的人去改變自己,因為無論你點改,佢一樣唔會愛你的.無謂浪費時間同感情喇.去找一個真心愛自己的人吧

作者: benchan 時間: 2005-1-3 07:24 PM 標題: [閒話一則]明天有結果了.

無論結果係點樣~~你都應勇敢去面對~~﹗
世界咁大~~就唔信得呢個女仔值得你為佢而愛~~﹗
祝你好運喇~~﹗

作者: siupigleung 時間: 2005-1-3 08:58 PM 標題: [閒話一則]明天有結果了.

祝你有個好結果!!與自己心愛的女仔一起!!
如果結果是壞的,那你不要太傷心!! 你重細...大把女孩等著你...別傷心吧!!瀟灑一點吧!!
[ 我不是撥冷水, 因為看了你幾篇文章,覺得你真係好鍾意條女, 但以我們局外人-覺得條女有心同你分手, 找一堆藉口....]

作者: porkchophell 時間: 2005-1-4 04:30 PM 標題: [閒話一則]明天有結果了.

咁多位, 多謝你地既關心.
其實我自己都一早有決定, 就係結果係好定錯我都會努力.
今日佢叫我應承佢3件事.
1.由聽日開始我要當佢係一個普通朋友.
2.不論未來既關係點都好,順其自然
3.佢俾番我買俾佢既聖誕禮物(一條銀手鏈), 佢同我講佢依家覺得佢戴唔起, 叫我遲d我地有機會先再送俾佢.
我一一應承左佢.
我同佢講用依一段時間去了解對方. 我同佢講我會努力.
因為我地大家都覺得今次既事大家都好累, 大家想俾大家多一點時間去搞清楚.
我唔知佢係咪真, 佢話佢對我都係認真. 但係佢唔想大家太過辛苦.
所以佢想順其自然. 佢想我地好似以前普通朋友一樣咁玩.
我知道自己係好鍾意佢, 所以我會努力.
不論結果如何, 我覺得我自己盡左我既力就唔會後悔. 可能係我傻啦.
佢講完個三件事之後, 我地好似以前男女朋友咁傾計… 擁抱直到佢走既一刻.
大家覺得我係咪應該盡力去做但係俾對方時間同空間呢? 仲有如果真係無機會既時候要放手呢? 因為如果放手可能連朋友都無得做.
回答jammy 既問題, 係依段無左佢既時間, 我係會用哂所有時間係功課同讀書度, 因為遲d有好多final assignment 同exam. 我諗做完依d既時候大家都會有結果會唔會再係埋吧.
再者我講個班所謂既 ‘朋友’ 我已經同佢地無咩聯絡啦. 因為佢地已經唔再搵我去玩.
所以係依個x’mas 同new year 裡面我只係出過3次街. 大部份時間都係自己係屋企, online, 或者去打波, 不過係依個假期我成日係球場… 我都識左唔少 ‘波友’ . 都係一個唔錯既收穫起碼我可以搵日打波. 我都會用多一點既時間去認識多一點新朋友. 其實我覺得個班所謂既 ‘朋友’ 佢地都係一個小圈子, 我希望可以識多一d人.

作者: JammyLee 時間: 2005-1-4 06:21 PM 標題: [閒話一則]明天有結果了.

下面引用由porkchophell在 2005/01/04 04:30pm 發表的內容：
咁多位, 多謝你地既關心.
其實我自己都一早有決定, 就係結果係好定錯我都會努力.
今日佢叫我應承佢3件事.
1.由聽日開始我要當佢係一個普通朋友.
...

好呀
還有朋友做即是還有機
即使不是有機
最少她並不討厭你。
和那班“朋友”沒怎樣來往了嗎?
well﹐像華盛頓所說﹕'tis better to be alone than be in a bad company.
有些波友也好呀﹐最少打波不怕沒伴
加油吧老兄。

作者: porkchophell 時間: 2005-1-4 10:45 PM 標題: [閒話一則]明天有結果了.

真係多謝大家既關心.
可能都係一件好事吧...起碼大家可以由朋友開始.
佢都講過係隨緣...
不過努力可能有機會唔努力既話一d機會都無.
我想其實佢都愛我吧...只係大家唔夠了解所以佢覺得好累.
因為佢講過如果佢唔肯定既野佢係唔會同一個人一起.
之不過希望係依一段時間裡面無人會玩野吧.
真的很開心係e-hell有咁多人關心我.
實在太感動了當我知道任何結果時我會通知大家.
希望你地可以祝福我啦.

作者: 野蠻女 時間: 2005-1-5 03:22 AM 標題: [閒話一則]明天有結果了.

知道了問題出處在那？那你就要努力一點了．
如果你女朋友真的想你在這一段時間來了解對方．
這個辦法能讓你知道一些原來你重沒有知道過的事情．
好好利用這段時間吧．．．等你的好消息．

作者: benchan 時間: 2005-1-5 09:59 PM 標題: [閒話一則]明天有結果了.

你咁堅強~~冇事就好喇~~﹗
做朋友都好過冇啦~~﹗仲代表有機會~~﹗
有咩進一步既發展~~記得話俾我地知呀~~﹗
我地等待你既好消息~~﹗

作者: kristylao 時間: 2005-1-5 11:35 PM 標題: [閒話一則]明天有結果了.

有得做朋友算系好好呀，系分開的時間，我覺得你應該繼續
以真誠的心去關心巨，愛護巨。但切記不可以還當自已系巨男
朋友甘去對待巨，否則你就會不自覺甘過火了，巨有可能會嫌
你煩，那你機會就小了。但如果你努力過，結果都不如所願的話，
那你就要放手了，要走的就讓巨走吧。喊完又是一個晴天。
最後我想問你宜家幾歲了？

作者: porkchophell 時間: 2005-1-6 12:33 AM 標題: [閒話一則]明天有結果了.

我0岩0岩20. 暫時大家既關係都幾好.
作為一個朋友大家都可以無避忌咁傾計都算係一個好開始吧.
其實我都唔知呀,我係用朋友既方式同佢傾計囉.
不過由個日開始我都仲未見過佢.
所以唔知見到佢既時侯會唔會有所不同吧.
我都唔知啦,可能佢第一次拍拖所以想太多吧.
我係會關心佢.但係我想問點先算過火呢?
我會努力啦~真係好感動有咁多人關心我.
真係希望係現實世界可以同你地做朋友呢...

歡迎光臨 Cyber X-files (http://cyberxfiles.com/cyberx/)