Cyber X-files - Powered by Discuz! Board

標題: 我應該點做? [打印本頁]

作者: porkchophell 時間: 2005-1-17 02:33 PM 標題: 我應該點做?

大家都應該知道我跟我的女朋友散了.
已經一個幾星期了.
我仲係毫無起色. 我仲係每一日都係屋企諗住佢.
我個腦海入面不停地有我同佢一起既回憶.
我想佢既心已經完全死了.
佢唔再聽我電話,覆我sms, 把我放去invincible list.
點解女仔可以咁冷血呢?
因為我成日諗起佢.我已經失眠了一個星期.
我既朋友叫我唔好搵佢.等待一段時間先好再搵佢.
睇下佢仲會唔會聽電話.
但係點解連朋友都做唔到呢?
我真係好辛苦, 我好想搵佢打電話俾佢.
但係我迫自己唔好咁做.
我都知道佢會唔聽我電話但係我真係忍唔到手.
佢要避開我.
我已經每晚飲酒,因為只有飲酒我先可以比較容易入睡.
我仲應唔應該搵佢?
定係等自己辛苦一段日子呢?
但係我真係快受不了....

作者: emilycly 時間: 2005-1-17 02:50 PM 標題: 我應該點做?

時間將會沖淡一切....
過去的便讓它過去...
人是要向前看= ="

作者: 卡塔娜 時間: 2005-1-17 03:29 PM 標題: 我應該點做?

既然她也不愛你了.
你也無謂再去苦苦糾纏了吧.
我也有失去最愛的經驗.記得還是接近聖誕的時候.
那個時期就最痛苦.因為我知道他正在跟他的新女友在一起.
但是我的心情很快就平伏了.
我知道如何把傷心收起.懂得和朋友一起分享.
發現了.傷心的感覺就一刻消逝.即使在平靜的時候也有想.
可是卻沒那麼痛苦.
放下的確很難.可是你也沒機會再提起這愛情.
倒不把它去吧^^

作者: 鬼畜潮?吹★ 時間: 2005-1-17 03:35 PM 標題: 我應該點做?

porkchophell是一個痴心漢子,
既然她都不領情,還做到這麼絕情,
你都放開點吧,不要因為一顆樹,放棄一個森林,
她不懂欣賞你,是她的損失,相信還是有人會懂得欣賞呢~
人生有些愛情只是鏡花水月,緣來緣去~
朋友不如重新振作起來寄望一段有結果的感情啊....

作者: 紫千雪 時間: 2005-1-17 03:43 PM 標題: 我應該點做?

　喝酒 , 不能忘記。醉醒醉醉醒 ...... 醉了又醒 , 加上醉後的痛 , 只會更痛。「與其因昨夜失落 , 何不為明晨高歌 ? 」嘗試不去理 , 不去想 ...... 盡管自欺一段日子 , 告訴自己 , 是自己不再喜歡她 ...... 或許 , 就會不再因此而痛 ......
　當一個人可以從兩人緊扼著的手中抽去自己的手 , 這個人 , 已不再有心於此。多求 , 又可以如何 ? 怪她狠 ? 怨己癡 ? 都不是 ...... 誰也沒錯 ! 只是 , 在這個世間 , 變是惟一不變的真理。
　鏡花水月 , 沒有真亦無假。時移世易 , 轉變 , 是必然的 ......
　在談情說愛以外 , 還有很多事可以令自己快樂。再嘗試一些會讓自己開懷的事 , 不要死守在「分離之後」。痛 , 原來都可以有期限 ......

作者: benchan 時間: 2005-1-17 04:17 PM 標題: 我應該點做?

痴心是沒用的﹗她都已經不喜歡你了﹗
你還想她來~幹嘛呢?她都不領你情﹗
你一天忘不了她~~就等一個月~~一年~~十年來忘記她~~﹗
過這麼久時間~我就不信你忘不了她~~﹗
你也不要喝酒了~~酒喝了太多會傷身又傷心﹗
這樣你又何必呢?
不如再找一個比她更好多女人呢?世界上這麼多女人~~我就不信你找不到一個更好的﹗
給點信心吧﹗你是能望記她的~~﹗不﹐是一定能忘記她的﹗等你的好消息﹗千萬別讓我們失望~~我們支持你﹗加油﹗努力﹗

作者: percy621 時間: 2005-1-17 04:40 PM 標題: 我應該點做?

我想知道你o地做咩分開呀???其實你可以叫你d朋友打比佢嫁...
仲有如果你真係咁愛佢的話你可以係佢home留下等佢or直接上佢home搵佢呀.....你有冇做到呀....如果咁佢都唔見你....我可以同你講你可以死心啦....
女仔係一種好難去知道佢諗咩嫁.....
最後.....你也不要喝酒了~~酒喝了太多會傷身又傷心﹗
這樣你又何必呢?
不如再找一個比她更好多女人呢?世界上這麼多女人~~我就不信你找不到一個更好的﹗
給點信心吧﹗你是能望記她的~~﹗不﹐是一定能忘記她的﹗等你的好消息﹗千萬別讓我們失望~~我們支持你﹗加油﹗努力﹗

作者: porkchophell 時間: 2005-1-17 04:58 PM 標題: 我應該點做?

下面引用由percy621在 2005/01/17 04:40pm 發表的內容：
我想知道你o地做咩分開呀???其實你可以叫你d朋友打比佢嫁...
仲有如果你真係咁愛佢的話你可以係佢home留下等佢or直接上佢home搵佢呀.....你有冇做到呀....如果咁佢都唔見你....我可以同你講你可以死心啦....
女...

其實係之前個幾篇post有提及過點解分手!
我無搵到朋友去打電話俾佢.
我覺得既然佢已經做到咁, 如果我仲叫我既朋友打電話俾佢.
只會令到佢覺得我更加煩! 因為佢已經唔聽我電話或者係任何事佢都唔理!
我所有朋友都叫我唔好理佢.
因為佢地話我如果仲搵佢只係俾多一個藉口佢來鬧我!
同埋我再咁做只會令人地覺得我好cheap!
雖然佢地講就容易但係做就好難.
我自己都唔知點解我係房度一閉上眼睛就只有同佢既回憶~
我飲酒係因為我失眠同埋令到個人好燥!
係依幾日我已經燥到流鼻血.
但係我諗唔到其他方法去令自己入睡!
我知道飲酒好傷身仲要係自己飲悶酒.
不過我諗唔到方法.
我係好愛佢但係我都唔明點解女仔可以做到咁絕.
分手都係佢提出的....

作者: PPSS123 時間: 2005-1-17 05:37 PM 標題: 我應該點做?

雖然我唔係好知成個故事既來龍去脈.....
但係聽你咁講....個女仔都對你做到咁絕....
我勸你都係唔好再搵佢啦....
因為你搵佢....只會被佢覺得你好煩....
佢愈覺得煩....就愈會憎你呢個人....
你又何必令到你自己係佢心目中變成一個黑人憎既人呢???
其實個女仔做到咁絕都係想自己內心好過D者....
分手係佢提出既...唔多唔少...佢內心更會有D內疚.....
佢依家基本上都唔知點面對你...
佢知道你對佢仲未放得底....
所以如果佢依家仲同你聯絡既話.....
只會令你忘記唔到佢.....
時間真係會沖淡一切....
以前我都唔相信架...
不過經歷過分手之後....
先知道時間真係可以沖淡一切
所以你都係唔好再諗咁多....
唔好探聽佢既消息....
一切順其自然....
可能過左一排....個女仔會搵返你.....
問你依家過得好唔好呢....
到時或者係你已經對個女仔無哂感覺.....

作者: 334556 時間: 2005-1-17 07:15 PM 標題: 我應該點做?

我諗, 我都算係同你同病相憐掛...
我都就快步入你o個個階段啦...一樣朝思暮想,一樣日日諗住佢,一樣想打比佢但係唔夠膽,一樣失眠...
仲有一樣你無ge就係...佢日日同d男ge玩得好開心...我呢??我連望都唔敢...又點會睇到佢有望定無望我丫...唉...
而家只可以話比你知...女人心,海底針...一反就反到你死...愛你o個陣就當你係寶,當你追佢o個陣,佢就突然慢慢對你冷淡...之後...就...你應該知道係點ga啦...
唉...朋友...我都無法解決你心中e痛苦...咁...只好一齊痛吧...

作者: 小強 時間: 2005-1-17 07:37 PM 標題: 我應該點做?

無話女仔...即使係男仔...
任何人想分手都可以做到好絕!
做到咁絕就證明佢有決心好想分手...
我諗.......你想同佢做返朋友又好...搵機會復合又好...
都係過一排先啦...再搵佢,都係俾人覺得煩...
佢都唔理你...搞咁多野...都係哂氣...
我覺得你而家需要既唔係酒喎...
係時間...信我啦...時間係可以治療傷痛...

作者: cayenne 時間: 2005-1-17 08:44 PM 標題: 我應該點做?

ya...等時間沖淡一切吧...
男人要拿得起放得下...
只是拿得快...放得慢而已...比自己多 d 時間啦...
還有一句...不要以為"自殘"會得到女方的同情或者可憐...
就好像買醉...只會令對方更討厭...更加想遠離你...

作者: siupigleung 時間: 2005-1-17 11:07 PM 標題: 我應該點做?

世上尚有你那麼痴心的人!! 算了, 不要執著吧!! 擺明女友是找藉口飛你!!
醒醒吧!! 夢已發完了!!! 又一條好漢..不要為一顆樹,而放棄一個森林....
如果前女友知道你每晚'買醉', 她一定不會為你傷心, 而是覺得你白痴,傻仔...
(其實女仔最怕男友痴身,痴纏)

作者: porkchophell 時間: 2005-1-17 11:49 PM 標題: 我應該點做?

其實我都唔算係買醉!
只係想令到自己鬆弛少少.
因為自己太多憂慮.
我每次飲酒都唔係為醉係想可以訓得好d
唔使一閉上眼睛就回憶我地以前發生既事.

作者: van8282 時間: 2005-1-18 04:19 AM 標題: 我應該點做?

人生在世,唔係只有愛情,
有好多有意義既事等住你做架,
呢個唔珍惜你,遲d仲會有下位,
何必苦苦去等一個唔愛自己既人呢?!
你自己都唔愛惜自己,
你點樣叫人去珍惜你?!
你係咁煩人,人地仲討厭你喇,
有時d野,要過去總會過去~
心情唔好,就找多d事做,
人一忙就冇咁多時間去諗野,
自己要肯氣d~
一覺自己慘,就諗吓世界上好多人更慘過你,
多d幫助下人~
我唔識去討好人,我係咁直,見諒!

歡迎光臨 Cyber X-files (http://cyberxfiles.com/cyberx/)