Cyber X-files - Powered by Discuz! Board

標題: [建議]愛情高手, 我, 你, 他都可以做到, 信不信隨你! [打印本頁]

作者: 唐山大兄 時間: 2006-4-7 04:42 AM 標題: [建議]愛情高手, 我, 你, 他都可以做到, 信不信隨你!

談戀愛係難事嗎?照道理,我唔覺喎
按照理論來分析, 每人一日花一小時做一樣事情, 一個月後就己經有好大變化,
以鋼琴為例,一個咩都唔識既人, 如果佢想彈好一首曲, 只要佢每一日花一小時的時間, 一個月就能彈得好這首曲, 係咪好神奇呢?
擁有愛情既第一句話係咩? 無錯, 就係"我愛你"
如果你對心儀的人講我愛你, 而佢又拒絕左你, oh,咁即係話.........
只要你每一日對佢講一句我愛你, 一個月之後你們之間就已經有好大變化, 再來就.....哈哈...
積少可以成多, 聚沙可以成塔, 萬丈高樓從地起, 想成為愛情高手, 係咪話都無咁易呢?

作者: 嘩鬼叫ut 時間: 2006-4-7 04:16 PM 標題: [建議]愛情高手, 我, 你, 他都可以做到, 信不信隨你!

咁即係如果我老母囉囉唆唆,我每一日對佢講一句唔好煩我愛你,
跟住佢就唔煩我架啦??

作者: 唐山大兄 時間: 2006-4-7 05:58 PM 標題: [建議]愛情高手, 我, 你, 他都可以做到, 信不信隨你!

呢個當然係冇問題啦
不過如果你真係愛你老母, 你就唔會覺得佢煩啦,
如果俾人覺得你唔係真心, 係人都唔會接受啦.........係咪先?

作者: TinaWater 時間: 2006-4-7 05:59 PM 標題: [建議]愛情高手, 我, 你, 他都可以做到, 信不信隨你!

愛情呢樣野, 冇得勉強, 如果我唔鍾意一個人, 佢日日同我講 "我愛你", 我開頭反應會係俾佢嚇親, 冇耐會覺得佢煩, 最後會避佢, 到我避佢佢仲黎煩我, 我就會鬧佢!
呢d係咪樓主所講既 "積少成多既變化"????

作者: 唐山大兄 時間: 2006-4-7 06:24 PM 標題: [建議]愛情高手, 我, 你, 他都可以做到, 信不信隨你!

下面引用由TinaWater在 2006/04/07 05:59pm 發表的內容：
愛情呢樣野, 冇得勉強, 如果我唔鍾意一個人, 佢日日同我講 "我愛你", 我開頭反應會係俾佢嚇親, 冇耐會覺得佢煩, 最後會避佢, 到我避佢佢仲黎煩我, 我就會鬧佢!
呢d係咪樓主所講既 "積少成多既變...

淨係講我愛你, 唔代表佢要侵略你, 而且一日只講得一句, 點會煩呢?
況且如果你唔鐘意佢, 你可以唔理佢啫....
作為你既追求者, 明之你冇可能,
但佢都冇死心, 如果唔用我愛你來表逹, 佢由點可以讓你明白到, 佢一生中曾經愛過你這個人.........

作者: TinaWater 時間: 2006-4-7 06:54 PM 標題: [建議]愛情高手, 我, 你, 他都可以做到, 信不信隨你!

下面引用由唐山大兄在 2006/04/07 06:24pm 發表的內容：
淨係講我愛你, 唔代表佢要侵略你, 而且一日只講得一句, 點會煩呢?
況且如果你唔鐘意佢, 你可以唔理佢啫....
作為你既追求者, 明之你冇可能,
但佢都冇死心, 如果唔用我愛你來表逹, 佢由點可以讓你�...

但咁做唔代表改變到d咩...
如果我唔鍾意佢, 佢仲每日同我講句咁肉麻既說話, 唔好話煩, 我連佢把聲都唔想聽, 一諗起佢把聲就想嘔, 見到佢來電顯示會即刻掉開個電話!!!!
冇錯我可以唔鍾意佢, 但唔可以阻止佢鍾意我, 但我有權保障自己日常生活不受滋擾, 而佢咁樣做已經做成滋擾, 我可以向法庭申請禁制令.

作者: 唐山大兄 時間: 2006-4-7 07:34 PM 標題: [建議]愛情高手, 我, 你, 他都可以做到, 信不信隨你!

下面引用由TinaWater在 2006/04/07 06:54pm 發表的內容：
但咁做唔代表改變到d咩...
如果我唔鍾意佢, 佢仲每日同我講句咁肉麻既說話, 唔好話煩, 我連佢把聲都唔想聽, 一諗起佢把聲就想嘔, 見到佢來電顯示會即刻掉開個電話!!!!
冇錯我可以唔鍾意佢, 但唔可以阻止佢鍾意?..

點解淨係諗住自己點樣受到麻煩, 而唔諗下對方的真誠, 所受既挫折係幾咁大
講我愛你唔一定要用口去表逹, 寫出來也可以
唔通你睇到佢send既短訊都會作嘔嗎? 如果係的話, 哈哈...證明你已經在意佢.....
憎佢?只係你暫時未能接受到事實既轉變

作者: TinaWater 時間: 2006-4-8 01:48 PM 標題: [建議]愛情高手, 我, 你, 他都可以做到, 信不信隨你!

下面引用由唐山大兄在 2006/04/07 07:34pm 發表的內容：
點解淨係諗住自己點樣受到麻煩, 而唔諗下對方的真誠, 所受既挫折係幾咁大
講我愛你唔一定要用口去表逹, 寫出來也可以
唔通你睇到佢send既短訊都會作嘔嗎? 如果係的話, 哈哈...證明你已經在意佢.....
憎佢...

如果係因為體諒佢所受既痛苦而接受佢, 呢d叫 "同情佢", 叫 "可憐佢", 唔代表我會鍾意佢, 基礎打得唔好既愛情唔會有結果, 一齊只會浪費時間, 咁樣做根本冇意思.
我從來冇講過會 "憎佢", 亦都唔係我未接受唔到事實既轉變, 而係佢未接受到 "我唔會鍾意佢" 呢個事實.
最後, 唔係我想 "在意佢", 而係當佢想盡辦法硬要將一d訊息話俾我知, 我係被逼接收佢既訊息, 正常既反應當然就係 "覺得自己正在被滋擾", 唔多唔少都會有d嬲;
除非佢係一個被虐狂, 或者心理唔平衡, 鍾意以 "被人嬲" 甚至 "俾人鬧" 既方式黎 "在意佢", 咁我就冇野好講~

作者: 唐山大兄 時間: 2006-4-8 07:09 PM 標題: [建議]愛情高手, 我, 你, 他都可以做到, 信不信隨你!

下面引用由TinaWater在 2006/04/08 01:48pm 發表的內容：
如果係因為體諒佢所受既痛苦而接受佢, 呢d叫 "同情佢", 叫 "可憐佢", 唔代表我會鍾意佢, 基礎打得唔好既愛情唔會有結果, 一齊只會浪費時間, 咁樣做根本冇意思.
我從來冇講過會 "憎佢&...

你要明白唔係人人都會好似你咁做, 因為你可能未懂得體諒別人感受
換一個角度, 如果你好鐘意一個人, 而對方好似你咁去到想用法律去抵抗你, 你有咩感受?
要放棄嗎? 除非你唔係真心啦....
有相同性格的情侶, 往往都唔係最幸福既情侶
一對不同性格的情侶, 往往都係最恩愛的,
因為同性格既人係相處好, 同住難
不同性格既人才能夠發掘對方既優點, 體驗不同的事物, 感覺上也冇咁單調....

作者: TinaWater 時間: 2006-4-8 07:26 PM 標題: [建議]愛情高手, 我, 你, 他都可以做到, 信不信隨你!

下面引用由唐山大兄在 2006/04/08 07:09pm 發表的內容：
你要明白唔係人人都會好似你咁做, 因為你可能未懂得體諒別人感受
換一個角度, 如果你好鐘意一個人, 而對方好似你咁去到想用法律去抵抗你, 你有咩感受?
要放棄嗎? 除非你唔係真心啦....
有相同性格的情侶, 往往�...

我諗連你自己都搞錯左, 而家唔係講緊 "性格合不合適", 而係如果對方唔鍾意你, 你點勉強人都冇用, 要兩個人相處得好當然好易, 只要 "互相包容, 互相體諒, 少發脾氣, 多多溝通";
但要對一個人有 "愛" 既感覺, 唔係咁隨便可以有;
既然唔愛對方, 同佢一齊係對佢唔公平, 因為我唔愛佢, 當然就冇可能付出 "愛"~
而且, 每個人都希望尋覓到一個自己所愛, 唔係人地愛你就要同人一齊, 唔係因為寂寞而搵拍拖對象, 唔係因為想拍拖而拍拖~
而當我三番四次俾左 "我唔會鍾意你" 呢個訊息佢, 佢仍然死纏難打, 我唔 "so" 佢, 佢就黎我屋企搵我既時候, 我已經開始擔心自身安危, 唔報警, 唔通出去打佢呀??

你要明白唔係人人都會好似你咁做, 因為你可能未懂得體諒別人感受

但佢咁做有冇理過我感受??? 唔係人人都會好似你咁做!!
愛一個人唔代表要擁有佢;
愛一個人係只要對方過得開心幸福, 自己都會開心;
愛一個人, 只要係適當時候關心佢, 唔係不停去煩佢.
於唐山大兄角度睇, 咩叫做 "真心"? 願聞其詳...

作者: Dragon 時間: 2006-4-8 07:31 PM 標題: [建議]愛情高手, 我, 你, 他都可以做到, 信不信隨你!

如果有個人每天跟我說我愛妳，我想我會煩到不想理他吧。

作者: 唐山大兄 時間: 2006-4-8 08:55 PM 標題: [建議]愛情高手, 我, 你, 他都可以做到, 信不信隨你!

表達我愛你並不是煩住你, 冇話一定要要求得到你, 只是"表達"
唔通你有朋友同你示愛過, 你就唔同佢做朋友
唔通我向我的偶像講我愛你, 佢就唔同我簽名, 然後叫守衛捉我出去打十八大板?
唔通我愛上一個明星, 明知冇可能同佢一齊, 而我就要放棄表達我愛你的權利嗎?
表達我愛你唔可以關心你嗎?
就當我係那位追求者, 我知道你對我無興趣, 但我都唔會放棄
點解?難道我唔知道講我愛你會煩到你嗎?見到你唔開心, 我又會開心嗎?唔好傻啦.....
我會用朋友既角度去關心你, 或者寫封信同你分擔喜與愁, 再向封信附上(一個愛你的人)上....這也是表逹我愛你方法
一個大明星常常收到很多關心佢既信, 他們全都是很喜歡佢的, 但係大明星沒有因為佢地既關心而感到煩厭.
TinaWater雖然你發貼數比人多, 但應該未至於超越大明星的程度吧?
回過我貼的應該都唔會是吧

作者: TinaWater 時間: 2006-4-8 11:52 PM 標題: [建議]愛情高手, 我, 你, 他都可以做到, 信不信隨你!

下面引用由唐山大兄在 2006/04/08 08:55pm 發表的內容：
表達我愛你並不是煩住你, 冇話一定要要求得到你, 只是"表達"
唔通你有朋友同你示愛過, 你就唔同佢做朋友
唔通我向我的偶像講我愛你, 佢就唔同我簽名, 然後叫守衛捉我出去打十八大板?
唔通我愛上一個�...

哈哈!  難道你係果d好想同明星偶像拍拖既係追星一族?  用 "對明星偶像既愛" 黎比喻 "男女之間既愛", 已經係一個錯既比喻, 我唔同你係呢點上周旋, 更加同 "發帖有幾多" 拉唔上d咩關係~
而對方要表達 "我愛你", 我唔係聾, 唔係接收能力有問題, 更加唔係理解能力有問題;
講一次, 我拒絕, 可能佢以為我扮矜持;
講兩次, 我拒絕, 可能佢以為我仲考慮中;
講三次, 我拒絕, 可能佢以為我想考驗佢;
講四次, 我拒絕, 咁都夠清楚喇卦??  再唔清楚, 就係佢係聾, 或者接收能力有問題, 或者理解能力有問題!
凡事適可而止......既然我已經覺得佢滋擾緊我, 就更加對佢既 "關心" 抗拒, 以免令佢有錯覺 "仲有機會"~
但如果對方退一步, 以 "用朋友既角度去關心你, 或者寫封信同你分擔喜與愁, 再向封信附上(一個愛你的人)上", 咁樣會好好多, 起碼唔會俾人感到壓力, 感覺舒服好多...
總之點都好, 愛一個人冇錯, 但如果發現只係自己一廂情願, 就真係唔好唔好唔好每日都將 "我愛你" 呢三個字夾硬講/send俾對方喇!  咁只會弄巧反拙~

作者: 唐山大兄 時間: 2006-4-9 12:15 AM 標題: [建議]愛情高手, 我, 你, 他都可以做到, 信不信隨你!

追星族?
看來城市人看什麼都變得複習了!
喜愛城郷地方既我就覺得每個人心目中都有一個最欣賞既人,
不是見到靚明星就說我愛你.........
我只覺得一廂情願係一種單純的愛, 愛係冇分對或錯的

作者: TinaWater 時間: 2006-4-9 12:59 AM 標題: [建議]愛情高手, 我, 你, 他都可以做到, 信不信隨你!

下面引用由唐山大兄在 2006/04/09 00:15am 發表的內容：
追星族?
看來城市人看什麼都變得複習了!
喜愛城郷地方既我就覺得每個人心目中都有一個最欣賞既人,
不是見到靚明星就說我愛你............

愛一個人當然冇錯啦, 只係有d人會用錯方式黎表達 "愛", 最後搞到大家不歡而散...

作者: gacktau 時間: 2006-4-9 01:28 AM 標題: [建議]愛情高手, 我, 你, 他都可以做到, 信不信隨你!

看了這樣久,可以說樓主是過放單純吧,
到麼你有無拍過拖?
還是一直的失敗者?
對於你的言論,同思維,
只可以說樓主一點也不成熟。
【成熟的男性才是女生喜歡的王度】
要知道,你天天上京見皇帝,說
【我想做官】,我諗你死那天都未做到。
要知道現實還現實,現在你所說的只是小朋友才會這樣說啦,
幻想同現實不能混為一談。
【只覺得一廂情願係一種單純的愛, 愛係冇分對或錯的】
無錯,這句說話算是你所說這麼多句之中最正常。
不過,日日對不個唔喜歡你的人說【我愛你】,
不如找別個好過,浪費自已時間之餘,
只會浪費你父母對你養育之恩。

作者: 唐山大兄 時間: 2006-4-9 02:59 AM 標題: [建議]愛情高手, 我, 你, 他都可以做到, 信不信隨你!

下面引用由gacktau在 2006/04/09 01:28am 發表的內容：
看了這樣久,可以說樓主是過放單純吧,
到麼你有無拍過拖?
還是一直的失敗者?
對於你的言論,同思維,
...

淨係話我想做官梗係唔得啦，　如果一個人想做官，佢一定知道有咩方法可以做到官．
好似我之前提到咁，每日讀點書，一個月就會讀左好多書　
我誠認我係有點喜歡單純
但係唔代表我係傻
向皇上面前直接講梗係唔得啦，　自古以來有邊個忠臣會直誎皇上，　梗係用其他方法去表逹啦，　正如講我愛你既方法一樣，　梗係向唔阻到人而又表逹到你既愛意既方法下進行啦！
浪費時間？
愛情可以用時間去衡量嗎？
一生人如果能搵到你既真愛，　我覺得死而無憾．．．．．．．．．

作者: 戒靈 時間: 2006-4-9 08:04 PM 標題: [建議]愛情高手, 我, 你, 他都可以做到, 信不信隨你!

下面引用由唐山大兄在 2006/04/09 02:59am 發表的內容：
淨係話我想做官梗係唔得啦，　如果一個人想做官，佢一定知道有咩方法可以做到官．
好似我之前提到咁，每日讀點書，一個月就會讀左好多書　
我誠認我係有點喜歡單純
但係唔代表我係傻
...

若果你用盡一生也得不到對方的愛又是否值得？？

作者: 戒靈 時間: 2006-4-9 08:35 PM 標題: [建議]愛情高手, 我, 你, 他都可以做到, 信不信隨你!

下面引用由唐山大兄在 2006/04/07 04:42am 發表的內容：
談戀愛係難事嗎?照道理,我唔覺喎
按照理論來分析, 每人一日花一小時做一樣事情, 一個月後就己經有好大變化,
以鋼琴為例,一個咩都唔識既人, 如果佢想彈好一首曲, 只要佢每一日花一小時的時間, 一個月就能彈得好...

假設你的論點是正確,那麼如果你每天被人拒絕一次,在"積少可以成多, 聚沙可以成塔, 萬丈高樓從地起"的情況下,是否又代表了你一定會放棄呢??你這種自傷矛盾的建議真的可成為"愛情高手"嗎???

作者: 唐山大兄 時間: 2006-4-10 12:04 AM 標題: [建議]愛情高手, 我, 你, 他都可以做到, 信不信隨你!

下面引用由戒靈在 2006/04/09 08:35pm 發表的內容：
假設你的論點是正確,那麼如果你每天被人拒絕一次,在"積少可以成多, 聚沙可以成塔, 萬丈高樓從地起"的情況下,是否又代表了你一定會放棄呢??你這種自傷矛盾的建議真的可成為"愛情高手"嗎???

值唔值當然就係睇你愛唔愛佢啦, 你覺得唔值得既時候就已經代表左你愛佢既程度.
有些人可以愛人一生一世, 有些人可以愛到半途而癈,
"愛你一生一世"你可能成日都聽到, 但你又見到有幾多人可以真係做到?
少人做唔代表做唔到, 正如我所講既理論一樣, 唔係冇可能做到, 只係你冇心要去做到....
愛情唔係要用計算機去計佢值多少, 真愛係無價的
遇到挫折就放棄, 咁點算係高手呢?

作者: gacktau 時間: 2006-4-10 12:38 AM 標題: [建議]愛情高手, 我, 你, 他都可以做到, 信不信隨你!

下面引用由唐山大兄在 2006/04/07 07:34pm 發表的內容：
點解淨係諗住自己點樣受到麻煩, 而唔諗下對方的真誠, 所受既挫折係幾咁大
講我愛你唔一定要用口去表逹, 寫出來也可以
唔通你睇到佢send既短訊都會作嘔嗎? 如果係的話, 哈哈...證明你已經在意佢.....
憎佢...

正如唐兄所說,點解淨係諗住自己點樣不斷表達【愛】給對方知道,
而唔諗下對方的感受, 所受既煩惱係幾咁大?
你越是講多便錯多,實在自相矛盾。
看你牛皮燈籠,的確難以而語。
這樣叫作自私,而不是真愛。
【愛】不能盡掛在口邊,
真正【愛】一個人,只要對方快樂,
不用日日說一次愛,不用擁有,不用成情人。
也是真正【愛】的意義。
看來你對愛情的了解程度有待開發。
文章表達的【愛】沒有錯,
錯的只是樓主的表達方法實在錯誤百出。

作者: TinaWater 時間: 2006-4-10 02:19 AM 標題: [建議]愛情高手, 我, 你, 他都可以做到, 信不信隨你!

淨係想問你一句: 如果對方真係兜口兜面同你講 "你唔好再煩我, 以後都唔好再搵我, 唔係我會向法庭申請禁制令!"
咁你會點?

作者: 雷．仲恩 時間: 2006-4-10 04:29 AM 標題: [建議]愛情高手, 我, 你, 他都可以做到, 信不信隨你!

樓主請清醒一點。愛情並不如你所說，閣下看電影太多了。合則來，不合則去。愛情並無高手。只有經驗。但是若像樓主閣下一般行事，那就只有低手可言。

作者: 唐山大兄 時間: 2006-4-10 03:34 PM 標題: [建議]愛情高手, 我, 你, 他都可以做到, 信不信隨你!

下面引用由gacktau在 2006/04/10 00:38am 發表的內容：
正如唐兄所說,點解淨係諗住自己點樣不斷表達【愛】給對方知道,
而唔諗下對方的感受, 所受既煩惱係幾咁大?
你越是講多便錯多,實在自相矛盾。
看你牛皮燈籠,的確難以而語。
...

請唔好淨係看頭尾貼, 向中間的時侯, 我己經解釋過, 如果我係追求者, 我會向唔煩到佢既情況下, 表逹我愛你..........關心佢等等......(睇返之前的就明白)
{真正【愛】一個人,只要對方快樂,不用日日說一次愛 ,不用擁有,不用成情人。 }
我好認同你呢句既講法, 基本上你呢句同我想表逹既意思差不多, 但差別就在於紅色呢句.
你既係無說愛=不表逹
我既係有說愛=表逹
不表逹同表逹之間既差別就係=積極同唔積極
但我個人比較喜歡積極

作者: 唐山大兄 時間: 2006-4-10 04:06 PM 標題: [建議]愛情高手, 我, 你, 他都可以做到, 信不信隨你!

下面引用由TinaWater在 2006/04/10 02:19am 發表的內容：
淨係想問你一句: 如果對方真係兜口兜面同你講 "你唔好再煩我, 以後都唔好再搵我, 唔係我會向法庭申請禁制令!"
咁你會點?

你問我會點?
當然我係唔會俾呢d情況發生啦! 因為我會係唔煩到佢既情況下關心佢.....
不過, 如果你想問好似呢d咁挑戰性既問題, 我都會俾d意見你既......
答: 我會檢討一下自己先, 問下自己點解當初會煩到人, 係咪應該要改善一下自己表逹愛意既方法, 想通後, 再坦白咁同佢講" 我知道我係好愛你, 之前比左好多麻煩你係我唔啱, 但我而家應承你我以後都唔會再煩你, 我淨係想用一個朋友既身份去關心你, 去表逹我對你既愛, 請你原諒我吧!

作者: JammyLee 時間: 2006-4-10 04:35 PM 標題: [建議]愛情高手, 我, 你, 他都可以做到, 信不信隨你!

下面引用由唐山大兄在 2006/04/07 04:42am 發表的內容：
談戀愛係難事嗎?照道理,我唔覺喎
按照理論來分析, 每人一日花一小時做一樣事情, 一個月後就己經有好大變化,
以鋼琴為例,一個咩都唔識既人, 如果佢想彈好一首曲, 只要佢每一日花一小時的時間, 一個月就能彈得好...

全錯。閣下所題出的方法絕不可行。
這是非常簡單的經濟學問題﹐Diminishing marginal return (遞減定律)。
人家聽到你說第一句 ”我愛你“﹐效果可能還可以 (給它一個數字﹐就當是10吧)
但隨著這句話越說越多﹐得到的效果就會越來越少。8... 6... 4﹐效果越來越低。
接著是0 (無效果)。再繼續下去是-2... -4... 等等的反效果。
而說這”我愛你“的人﹐人家對他的看法便... 哈... 哈哈。Consumer surplus (消費者盈餘) 離變成負數不遠矣。
閣下的”方法“﹐在某些程況可能有效﹐但總括來說是站不著腳的。

作者: TinaWater 時間: 2006-4-10 05:24 PM 標題: [建議]愛情高手, 我, 你, 他都可以做到, 信不信隨你!

下面引用由唐山大兄在 2006/04/10 04:06pm 發表的內容：
你問我會點?
當然我係唔會俾呢d情況發生啦! 因為我會係唔煩到佢既情況下關心佢...

首先, 一開始導致呢個情況發生既係你自己:

下面引用由唐山大兄在 2006/04/07 04:42am 發表的內容：
...擁有愛情既第一句話係咩? 無錯, 就係"我愛你"
如果你對心儀的人講我愛你, 而佢又拒絕左你, oh,咁即係話.........
只要你每一日對佢講一句我愛你, 一個月之後你們之間就已經有好大變化, 再來就.....哈哈...
積少可以成多, 聚沙可以成塔, 萬丈高樓從地起, 想成為愛情高手, 係咪話都無咁易呢?

一開始, 你只係話 "同對方每日講「我愛你」", 一句 "我愛你" 並唔係關心人既說話, 而且, 唔通你每日向對方講 "我愛你" 之前, 都問下對方 "阻唔阻你呀?"
example 1
　嘟嘟...嘟嘟...  (A打緊電話俾B)
　B:  喂?
　A:  係我呀~
　B:  哦...點呀?
　A:  阻唔阻你呀?
　B:  唔......我同屋企人食緊飯喎, 好緊要架?
　A:  係呀, 好緊要架!
　B:  好大件事架?
　A:  係呀, 好大件事架!
　B:  咁咩事呀?
　A:  我愛你!
　B:  *$&%*#*&$^@#%^*.......
example 2
　嘟嘟...嘟嘟...  (次日A又打俾B)
　B:  喂?
　A:  又係我呀~
　B:  又點呀?
　A:  阻唔阻你呀?
　B:  我開緊OT呀, 你夜d先打俾我再講啦~
　A:  OK咁好丫, 我夜D再打俾你啦!
　(夜晚...)  嘟嘟...嘟嘟...  (A再打俾B)
　A:  喂?  我睇緊戲, 你夜D再打俾我啦!
　.............(CUT左線)
　(晚上11:55PM)  嘟嘟...嘟嘟...  (A又打俾B)
　B:  喂...
　A:  我呀, 你有時間未呀?
　B:  我訓左覺喇...
　A:  唔好意思呀...不過有件事我一定要同你講左先架!
　B:  我聽日打俾你啦...
　A:  唔得, 就黎過12點, 我一定要今日講架!
　B:  ......咩事呀?
　A:  我愛你!
　B:  *#&$^#*&$^#&......
然後你轉軚, 由只係 "每日講一句「我愛你」" 演變為 "以關心對方的方式來表達愛"...

下面引用由唐山大兄在 2006/04/08 08:55pm 發表的內容：
表達我愛你並不是煩住你, 冇話一定要要求得到你, 只是"表達"[/COLOR]
唔通你有朋友同你示愛過, 你就唔同佢做朋友...
...表達我愛你唔可以關心你嗎?
就當我係那位追求者, 我知道你對我無興趣, 但我都唔會放棄
點解?難道我唔知道講我愛你會煩到你嗎?見到你唔開心, 我又會開心嗎?唔好傻啦.....
我會用朋友既角度去關心你[/COLOR], 或者寫封信同你分擔喜與愁, 再向封信附上(一個愛你的人)上....這也是表逹我愛你方法...

樓主既轉軚, 已經同一開始既CONCEPT唔同左, 即係樓主已成功被我感化~
其實我同樓主討論左咁耐, 我都係想帶出一個訊息:
"愛" 唔係用口講, 係要實行出黎, 唔係用一世時間每日講 "我愛你" 對方就會被你感動到;
你愛佢, 但實則你 "識唔識" 點樣去愛佢?
呢一刻感動到對方同你一齊, 但後來發現你除左淨係識得每日講 "我愛你" 就乜都唔識做, 唔識點去愛佢得個講字, 到頭來, 你唔係愛佢呀, 係傷害佢呀!
所謂 "愛情高手", 唔係表面上愛人, 冇錯愛一個人係可以一生一世, 但要學識 "如何" 去愛一個人, 係要花一生時間去學, 冇人到死之前就可以畢業成為 "愛情高手"...
你呢D唔係叫 "愛情高手", 而係 "傷女王" 呀!!!!
最後, 你終於都肯 "檢討" 你 "表達愛" 既方法, 證明你都未算 "牛皮燈籠"...

下面引用由唐山大兄在 2006/04/10 04:06pm 發表的內容：
...答: 我會檢討一下自己先, 問下自己點解當初會煩到人, 係咪應該要改善一下自己表逹愛意既方法, 想通後, 再坦白咁同佢講" 我知道我係好愛你, 之前比左好多麻煩你係我唔啱, 但我而家應承你我以後都唔會再煩你, 我淨係想用一個朋友既身份去關心你, 去表逹我對你既愛, 請你原諒我吧!

但係好抱歉, 到呢個情況要發生時, 你所有 "檢討", "道歉", "求饒", "轉變" 都已經太遲, 因為對方已經對你反感喇! 慳番啖氣留番俾下一個對象啦 "愛情高手"!

作者: 唐山大兄 時間: 2006-4-10 06:53 PM 標題: [建議]愛情高手, 我, 你, 他都可以做到, 信不信隨你!

下面引用由雷．仲恩在 2006/04/10 04:29am 發表的內容：
樓主請清醒一點。愛情並不如你所說，閣下看電影太多了。合則來，不合則去。愛情並無高手。只有經驗。但是若像樓主閣下一般行事，那就只有低手可言。

我只不過係比較喜歡高尚的愛情, 係實在的, 並不是虛構的...
{合則來, 不合則去}感覺上像拍散拖
呢句話係經濟角度上我絶對認同, 但我比較喜歡人情味
等我再舉一例吧
讀書, 相信大部份人都讀過
但係點解有d 人可以攞到100分, 而你就攞到60幾分?
為什麼同一樣既書, 同一樣既內容, 人地可以考得比你高?
讀書少d耐性都唔得, 有時會覺得幾煩
但你有冇諗過人地俾你積極讀書? 而你就讀到一半, 或者你以為自己已經讀哂就放棄繼續讀!
對於過d 考高分既人, 我覺得佢地好積極, 我稱佢地為讀書高手
但係有些人總會唔認同佢地係高手, 認為佢地高分只係出貓, 好彩, 死讀書, 冇前途
如果係中學生更會話"讀書讀咁好有咩用, 攞到張中學畢業證咪得囉, 花咁多時間我不如去學其他野好過"
唔通你見到讀書好既人, 就話佢地冇咩用, 只係低手嗎?
這同我認為既愛情高手一樣
只要你對愛情係積極, 面對挫折不放棄, 我會稱佢地為愛情高手

作者: gacktau 時間: 2006-4-10 09:02 PM 標題: [建議]愛情高手, 我, 你, 他都可以做到, 信不信隨你!

下面引用由唐山大兄在 2006/04/10 00:04am 發表的內容：
值唔值當然就係睇你愛唔愛佢啦, 你覺得唔值得既時候就已經代表左你愛佢既程度.
有些人可以愛人一生一世, 有些人可以愛到半途而癈,
"愛你一生一世"你可能成日都聽到, 但你又見到有幾多人可以真係做到...

我的天呀.....看到這裡,從你言談之中又看多了很多呢~!!
的確是進步了,不是單一論點支持論證。
看來樓主是個好戰份子呢~!!對論壇來說的確是好事~!!
不過嘛,很多問題,顯然樓主是刻意混混避過呢~!!
要注意樓主現在所說的論點以經同當初的言論非常不同,
是為離題。
而回覆者們一直也是以單一論點,回應樓主的單一論點。
樓主不可以這樣嘛~!!
注意【愛你一生一世"你可能成日都聽到, 但你又見到有幾多人可以真係做到...】
我可以說,不是愛情高手才會懂做這項。
只要有感情的人都可做到。
要知道愛一生一世,是愛過方知情義重,
【愛】是放在心中的,【愛】真實點說是感覺。
要知道【愛】過,不管是否長久或分散,
感覺還是會長存,那不是一生一世嗎?
是樓主個人觀點而已啦,
那是說樓主正是【愛情高手】吧,
我們說的都是錯?
還是愛情白痴?
請指教?
其實論證不說先,
反而想先問樓主問題少許。
第一樓主現在是實行這種愛的方式嗎?
第二樓主一直只愛一個人嗎(由出生至現在)
第三樓主拍拖多次|?
第四樓主可以巨體點說明何謂【愛】嗎?
第五樓主認為【愛】有那些原料?
第六樓主認為一段感情,至長是多久?

作者: 雷．仲恩 時間: 2006-4-10 10:44 PM 標題: [建議]愛情高手, 我, 你, 他都可以做到, 信不信隨你!

下面引用由唐山大兄在 2006/04/10 06:53pm 發表的內容：
我只不過係比較喜歡高尚的愛情, 係實在的, 並不是虛構的...
{合則來, 不合則去}感覺上像拍散拖
呢句話係經濟角度上我絶對認同, 但我比較喜歡人情味
等我再舉一例吧
...

閣下跟宗教區的馬丁先生也一樣厲害。
oh my god 閣下比我還厲害呢。誰人在未談過戀愛，或甚麼經驗也沒有的時候也想過崇高？一生一世？
合則來不合則去的效果看用在甚麼人身上。有些人表現出來是好來好去，分了手後還可以做朋友。有些人則是死纏爛打後反目成仇連朋友也不能做。
其實多說也無用。你去實際地交個女朋友，你就知道我們在說甚麼的了。

作者: doraemon215 時間: 2006-4-11 01:35 AM 標題: [建議]愛情高手, 我, 你, 他都可以做到, 信不信隨你!

actions speak louder than words.
if i don't like that guy but he keeps telling me that he loves me, i would think that is very annoying.  therefore, i truly agree with what TinaWater said in this debate.
other people's opinions are very true and i do see the negative sides that 唐山大兄 has.
my suggestion: go out there and experience what a real relationship is like.  you don't need to say "i love you" to the person that you love everyday.  the feeling of love comes from the heart.  that's what i meant by actions speak louder than words.
so sorry that i'm typing english because i don't like how to type chinese.  i moved to america since i was a little kid.  however, i know how to read chinese though.. hahaha.

歡迎光臨 Cyber X-files (http://cyberxfiles.com/cyberx/)