Cyber X-files - Powered by Discuz! Board

標題: (親身驚歷) 英國撞鬼記- 我與男友的寶麗萊合照 [打印本頁]

作者: sorcererhk 時間: 2011-1-24 12:44 AM 標題: (親身驚歷) 英國撞鬼記- 我與男友的寶麗萊合照

件事發生響大概2009年,LONDON, 9月既時侯, 我同男朋友響暑假時放左D野響朋友屋企,我朋友未番英國, 佢比左條KEY我去佢屋企拎野先, 間屋當時係冇人..

咁我地有好多野, 要CALL的士先搬到, 咁我地就響SOFA度等架的士過黎啦, 果日咁岩係我同男友既唔知幾多個月紀念, 佢突然響我其中一袋紅白藍膠袋搵左部POLAROID出黎, 話不如影張相..

咁我話, 好, 對住我地有塊一塊連身鏡, 我地坐左響SOFA上, 望住塊鏡, 先後影塊鏡囉

咁等左一陣, 張相得啦, 但係反光, 一條白線遮住左我地個樣+身, 完全睇唔到, 我同我男友話, 哇, 張相反哂光...當時我覺得好似好得人驚, 我話不如掉左佢, 佢就話, 番到屋企先啦, 咁我就放左入袋...

番到去屋企, 果晚我都唔記得左張相仲響袋度, 第二朝起身, 成日都有一隻幾大既飛餓痴住左我露台既WINDOW上面..

大概夜晚11點幾, 我突然醒起張相仲響袋入面, 我就拎番佢出黎睇啦, 點知發現左反光條線上面有一個人頭, 係一個光頭既黑鬼, 仲要係笑到好似小醜咁, 個口笑到好大..

我即刻好驚, 比我男友睇, 我唔敢望啦, 之後我指住果個位, 我話你見唔見到有D野, 佢話見到好似有個人頭響度笑, 當時我地對望, 我真係成世人都未試過咁驚, 手都震埋, 我地最後決定落留下燒左佢, 我醒起十字路口好似唔可以燒呢D野, 如果唔係好邪...行左好奈, 最後先搵到條後巷燒左佢...

歡迎光臨 Cyber X-files (http://cyberxfiles.com/cyberx/)