Cyber X-files - Powered by Discuz! Board

標題: 宿營『驚』歷 [打印本頁]

作者: fatman 時間: 2006-9-28 04:23 PM 標題: 宿營『驚』歷

我份工成日要帶人入camp搞活動．．．去過咁多個地方係烏溪沙撞過．．．仲2次tim．．．
　　第１次係帶d小六學生畢業營，果度ｄ營房每座有３層，我記得果陣住Ｂ座２樓，夜晚1:00左右我同ｄ小朋友聽到樓上有人不停推桌椅既聲（聽得出正正係上面果間），本來我地諗住上去睇下（順便鬧下３樓ｄ小朋友叫佢地唔好嘈）點知我地一企起身，ｄ聲就冇左；過左１５分鐘又有聲，但同樣一企起身ｄ聲就唔見晒；到第三次有聲既時候，我嬲嬲地一個人衝左上３樓諗住鬧人。
　　一上到去３樓，見到ｄ燈全部熄晒，我再係門口『莊』下入面ｄ人有冇訓（去過烏溪沙既人都知房門口旁邊有塊玻璃），點知原來入面一個人都冇．．．而我就驚到跑返自己房，而果晚仲不停聽到樓上有聲．．．．
　　到第２日我問返營地職員，原來尋晚Ｂ座３樓根本冇人訓．．．
　　第２次就係Ｅ座，今次係我２個女同事見到
　　當晚因為唔夠房訓，所以我２個女同事連同５位小朋友一齊訓６人房，１０點左右所有活動完結晒，佢地就返房沖涼，當然係讓比小朋友沖先啦。
　　第一個沖完出黎，個樣怪怪咁，其他人問佢咩事，佢話聽到有個女仔係浴室喊，所有人當時都覺得佢聽錯，冇理到佢；到第２個沖完出黎，都話聽到有人喊直到第４個沖完，大家都係聽到有個女仔喊，於是我２個同事就邐會唔會係有人係門口扮喊玩佢地（浴室另一面係走廊），佢地就係第５個女仔沖涼時企出門口睇住，期間一個人都冇經過，到第５個女仔出黎，佢都話聽到有聲。
　　當時我２個女同事都覺得佢地係度亂講，但到佢２個沖涼果陣都聽到．．．於是就叫埋其他同事過黎，其他同事見佢地咁驚，就叫佢地過埋第２間女仔房訓．．．（１３個人訓一間６人房．．．）
　　第２日問返個女同事尋晚既事，原來佢仲見到喊果個女仔．．．一個全身綠光既女仔企係浴室入面係咁喊．．．．

歡迎光臨 Cyber X-files (http://cyberxfiles.com/cyberx/)