dustywind

其實樓主，你講o既呢D情況，請問邊個國家冇啊？
中國都o吾係學校少，係人太多啦。呢D都係毛澤東o既問題，當初北大校長馬寅初早早建議計劃生育，毛一票否佐，搞到今日中國o甘多人（尤其係農民），你話有乜辦法？農民又窮，國家冇可能拿o甘多錢出來供幾億農民讀書，只得讓他們無文化。
不過話翻轉頭，中國o既落後係由滿清時代開始o既，要怪只怪得當時朝廷無能。其時戰亂連連，外族入侵，搞到大陸民不聊生。共和國成立以後，又係抗美援朝、又係十年文革，共產黨早先犯好多“左”o既錯誤。一直到78年先改變。依家大陸全力搞緊經濟建設，我覺得已經行緊正確o既發展道路，冇乜可以批評o既（當然，民主自由呢方面就真係o吾夠）。如果話中國落後，我認爲三方面原因都有：先係滿清政府o既腐敗；然後係近代連連o既外族入侵同戰亂；最後係共產黨早期過於激進。
至於你批評共產黨高官o既話，我認爲已經o吾適用了。早幾年講可能都幾o岩，依家就o吾合事實。89年以後共產黨都有聽入D學生o既話，免佐好多冇文化o既“工農兵槍桿子”高官，現在任用D人個個都接受過良好教育嘎。好似胡錦濤，溫家寶呢D人都係名牌大學畢業嘎。
但係有一點我要贊同，我覺得政府高官都卑理工科出身o既人擔任冇乜好處；雖然搞緊科技、經濟，都冇必要搞到政府一D文化底蘊都冇。政府各部門（外交、教育部例外）好少有文科出身o既人，尤其係冇讀法律o既，所以搞到好多地方以權代法，冇法律意識。其二，政府内都有好多讀過書又冇乜能力o既高官，譬如外長李肇星（超廢！）。總之，我覺得呢幾年最出色o既就係朱鎔基總理，係大陸聲望都極好。