karinakelly

個故仔幾好睇丫...好睇在於條女有幾抵死.
一句講哂, 個男仔唔肯為你放棄新歡, 愛你極有限,
佢想你留低就梗係會tum你, tum 完, 見你落搭, 咪又係唔理你!
白痴的愛情故事....

碧根鮑華

繼續.....
比我知道左Billy係一個chatroom度識左果個阿微....
聽講阿微個樣好靚..好似歐陽妙芝......
好奇心當時想知個情敵咩樣啦.
我就上左果個chatroom...我知道佢會用咩名上...
於是就同果個女仔傾計啦...
到而家...我都好後悔咁做..
(skip左一d無聊話題啦...)
我 : 你.....bf係咪叫Billy?
微 : 係呀... 你點知既...?你又識佢架..?
我 : 其實...我係佢女朋友....不過岩岩散左......
微 : 下... ?點解既...?
聽到呢一句...我覺得好奇怪.....點解佢好似完全唔知情咁..
我 : 不如我打比你傾...你介唔介意..?
微 : 好丫.
我 : 你同佢見過未架..?
微 : 見過 ....
我 : 你地一齊左好耐呀 .?
微 : 唔係呀...幾日咋嘛.....你地幾時散架..?
我 : 4月18 ....
微 : 下........邊個話散架 ..?
我 : 我....
微 : 我聽過你同佢d野...你好似好鍾意佢..仲一齊左幾耐...點解講散..?
我 : 因為佢問我如果佢有第2個會點..?佢有無同你提過佢有女朋友 ..?
微 : 貓仔介紹我識佢既..我無問過佢有無女朋友呀..不過貓仔同我講佢無女朋友囉..
我 : ........ (怒不可言)....下.................你同貓仔好freind架..?
微 : 都唔係呀..幾啦...都係上網識咋嘛...
於是我就將我同Billy既所有野都講哂比阿微聽....
唔知點解我同阿微反而做左好朋友..
佢覺得我太愛佢...愛得太盲目...好多野根本就唔值得..
愛到失去左自己.....
某程度上...我應該憎佢..
但係我一d咁既感覺都無..因為我覺得佢係一個好乖既女仔.
佢根本就唔知情......我同佢約左出黎見..
佢話陪我散下心...
但係我話想見下Billy.....我知道佢落noon d.
於是我又落左去1015......阿微陪埋我..佢仲叫埋佢個ex出黎..
因為佢個ex話唔放心佢....
我見到佢第一眼...我認輸...輸得心服口服..
佢真係一個好靚...又白...又高....仲好乖乖女..
而佢竟然會陪我落d.......
真係如我所願....見到.....
但係佢見到我隔離仲有阿微既出現.....仲有一個男仔同阿微一齊..
佢真係好嬲...嬲到拉住我...好大力...
我唔知講咩好.
Billy : 點解你會識佢..?
我 : 識到咪識到囉...佢而家同係好朋友添..
Billy : 想點姐你..?好反感囉你做埋d咁既野..
我 : 你無野怕咩比人講....
Billy : 你咪講囉.....
我 : 講左啦.
呢個時候...
阿微見到Billy拉住我...就走埋去.
微 : 你仲乜打佢呀..?
Billy : 我幾時有打佢呀..?佢又同你講d乜呀..?
微 : 唔係佢同我講...係我見到 !!
Billy : 我同佢既野你理黎仲乜..?
微 : 咁好啦..無野啦..
Billy既眼神..佢話左比我知...佢好憎我..
我個心好痛....明明根本我就係想激佢..點解..?
點解到我做到...但係我反而一d都唔開心.
果日...我high到好大...佢望都無望過一眼...
maybe我同佢...連朋友都做唔成..
都係我一手做成....都係我任性.
玩完之後...阿微就有ex睇住...
我地一齊去左mk食野.
叫左d野食..我一d都食唔落..
仲喊左出黎.....
睇見阿微個ex對佢咁細心.
我真係好羨慕..
微 : 唔好諗佢啦...佢根本唔值得你咁樣...
我而家睇清楚佢啦.....你都應該睇清楚佢點對你啦..
如果佢真係愛你..點會咁..?
阿微仲係我日記...寫左d野比我..
" 識左你兩日都唔夠,但係我知我地可以做到好好好好朋友,
總之發生咩事都好,你至小仲有我,
你信我啦,Billy民個人,我對佢已經無話可說,
,我一早已經對佢無哂feel,你可以放心,
至於你等唔等佢,有你既自,
我知咁虺感情係好難放得低,
但係我希望你真係要諗清楚Billy到底值唔值得你去等佢,
我相信時間可以沖涼一切,
我會係你身邊支持你架,我地永遠都係好姊妹,
以後開開心心,
等我醒你一句啦,以後要帶眼識人啦..知無..?
Lastly,唔好再為佢喊啦..ok..?
freindship forever!
P.s 我覺得你都幾好人,好啦....寫住咁多先啦.."

睇完之後...我覺得自己好膚淺...
其實我唔識得去愛人...我愛佢...大慨都想我愛既人開心...
但係我相信搞到而家咁...大家都唔會好過...
點知我地又再鬥落去...
幾日之後...... 阿微同我講同返佢個ex一齊...
....我第一個反應係諗返起Billy......唔知佢點呢.
點知...呢個時候...佢就打黎啦..
我 : 喂........
Billy : 你係邊 ..?
我 : 街囉...仲咩..?
Billy : 如果會考同我...你會揀乜..?
我 : 咁緊係揀你啦..
Billy : 講係咁講姐...我夠識講啦....
我 : 下.........遲d你咪知囉..
真係好白痴.......我..........又自己送上門去搵佢...問佢發生咩事.
我 : 點呀...發生咩事...仲乜無啦啦咁問我..?
Billy : 我同條女散左.......佢話要會考.....
我 : ......... 下....... ( 其實我應該好開心先係...但係我見到佢個樣,好心痛 )
但係諗深d......咁我呢......?點解佢咁快可以抽離我地既感情..
為第2個女仔傷心.........?唉 ....
竟然唔忍心見到佢咁.......留係佢屋企陪佢....
果一晚..我地好似平時咁攬住訓......
但係感覺話比我知.....我地兩個既距離已經好遠......
明明佢已經係我面前........心隱隱作痛.......
第2日朝早...其實我要考試...考邊科我已經唔記得...
淨係記得...佢曾經叫醒過我...
Billy : 你唔係考試咩今朝..?
我 : 係呀...
Billy : 咁你仲唔起身 ...?
我 : 我話左你重要d架嘛....而家咪做比你睇囉..
Billy : 傻妹....*3* ......(諗返起真係好白痴.....就係為左你呢一句...
為左你一個擁抱..我放棄左自己既學業)
我起身我地好似平時一齊咁睇電視...一齊食野......
點知...一出街........佢即刻彈開....
我即時呆左.........姐係點......?
寂寞所以搵我......?
我 : 洗唔洗咁呀......?行到咁開...我個身生野咩.....?
Billy : 唔係呀....
我 : 咁我地而家係咩關係 ...?
Billy : 朋友囉....我地分左手架啦嘛.......你講既...
............唉........我錯了.....
錯得很.......竟然以為佢會好似我咁會留戀...
原本變左就係變左.....
之後.........

快ｄ　ｐｏｓｔ埋啦∼∼
好想睇好想睇∼
講真．．個女仔真係幾蠢下．．．
但係．．．當一個人面對最愛既人果陣，都會變成咁，
旁人就會覺得佢白痴．．．
但係呢種感覺係要試過先知係有幾痛．．．．．．

靈亞

哈哈~幸好我不是這樣的女孩,一向對愛情不執著, 要是故事裡的女孩是我,一早就不再與這個男孩扯上關係了。 還是...我未遇到真正愛的人?愛情一向都是無得解。 呀~~~我也不知道呀! 快點post啦~等這麼久很痛苦>_

yandyna

快DD  POst埋佢|a...好期待ㄚ...
個女仔好傻又好痴情....*
如果我係bOy一定要佢,,∩＿∩∼

朱古力mousse

快ｄ　ｐｏｓｔ　埋佢ｌａ∼∼好好睇呀
搞錯呀∼！到左咁既地步都仲中個頭埋去∼唔係呀∼

碧根鮑華

繼續POST落去！
各位留意啦！  ……
續……

之後.......
我開始放縱自己，每晚浦，每晚迷，每晚喊，
已經唔知自己係度做緊乜，搞成咁又為左d乜，
我愛佢，什至愛到無左自己，
我每晚都係佢身邊迷，好多時佢見到我咁，
都會坐係我身邊睇住我，
係可憐我又好，擔心我又好，
點都好，起碼佢係我身邊果一刻，
身邊唔會有其他女仔，
我貪心得企圖每一晚都用呢個方法留住佢，
我開始癲左咁，就算再無錢，
寧願賣哂我身上值錢既野都去浦，
只係想見多佢一面得一面，
想知佢有無同第２個女仔一齊，
既然我得唔到，我都唔想比人得到，
係，我認我自私，我識佢身邊ｄ朋友，
都係想知佢到底個心仲有無我既存在，
果排我識左一個女仔，叫細欣，
佢係一個好靚好得人鍾意既女仔，
我同佢開始愈黎愈好朋友，
佢話會幫我同ｂｉｌｌｙ，直至我話放棄，
有一晚我迷左，見到ｂｉｌｌｙ迎面行過，
之後，有條好高既女撲埋佢度，攬住佢，
當時，我就企左係佢隔離，我呆左，
我見到ｂｉｌｌｙ好唔願意咁，但係佢無攬住果個女仔，
聽到個女仔同佢講”我真係好鍾意你架”
我衝左入廁所攬住細欣喊，
喊到癲左咁，我無勇氣知ｂｉｌｌｙ會點答佢，
結果，果晚我大都暈低左，
暈左之後，我諗返起好多野，（之前打小左）
我諗返起有次我阿媽想打我，
ｂｉｌｌｙ即刻撲埋黎攬住我，
同我阿媽講：係我唔岩，係我唔著，係我縱壞佢，
乜都係我唔好，你要打就打我啦，
我痛點都好過佢痛，我阿媽真係打左落去，
不過打左幾下，就停左手ｌｕ，
之後我就醒左啦，見到細欣係度喊，
細欣：夠啦！你可唔可以唔好再係咁，
我見到你成日都係咁，我好心痛，
佢愛你就唔會咁啦，你醒下啦！好無呀．．？
我見到佢既眼淚，好感動，原來無左佢，我仲有人關心我，
我答左佢一句：你ｄ時間我，一次丫，我問多佢一次，
只要佢答一ｄ都唔鍾意我，我就會死心．．．
其實我當然知道個結果係咩，但係我唔親耳聽到．．
我點會死心，
之後細欣就走去問佢啦
細欣：我可唔可以問你一個問題，不過你要好認真咁答我
ｂｉｌｌｙ：問啦
細欣：你仲有無ｄｄ鍾意佢？
ｂｉｌｌｙ：無！一ｄ都無啦！係佢自己話分手，咁咪算囉
細欣：唔係悔氣說話？
ｂｉｌｌｙ：你話係咪係囉，係話唔係咪唔係囉，都無關係架啦！
細欣：你聽到啦？咁可以死心未？
我：ｏｋ啦，死囉，死哂！
果晚我就同左一個係ｃｈａｔｒｏｏｍ識既男仔一齊，
佢叫阿ｍｏ（我傷害得佢好深既人）
之後．．．．．．．．．．．．．．．．．
之後．．．．
我果晚乜都唔諗，只係全心全意，
想自己真心咁笑，開心一晚，
我就開始我既新生活，
果晚阿ｍｏ不停咁ｓｅｎｄ　ｓｍｓ比我

ｍｏ：你自己小心ｄ啦，唔好ｔａｋｅ咁多野，
唔好ｈｉｇｈ大，你玩完打比我啦，
我等你電話啦
我：得啦，我唔知玩到幾點架，你要返工，
早ｄ訓啦，唔好等我啦
ｍｏ：唔好啦，你打比我會放心ｄ，幾點都無所謂啦
其實佢對我好，我點會唔知丫，
不過我個心唔係佢度咋嘛，
點知我果晚就大到唔見左部電話，
我係咁喊，心諗，死啦，
比屋企人知道，我又唔見電話，（已經成日大到跌電話，唔知跌左幾多部）
實殺左我都似．．．－��－”
細欣佢係咁幫我問人借電話比我，
係絕望既時間，我打左比ｂｉｌｌｙ，
其實都係想佢講一句，唔好唔開心啦，
我：嗚嗚．．．我．．．我．．我．．
ｂｉｌｌｙ：又我乜鬼野你．．．你喊到咁我點聽你講乜呀．．？
我：我．．唔見左部電話呀．．．嗚嗚
ｂｉｌｌｙ：叫左你好好多次唔好ｈｉｇｈ咁大架啦，
又唔聽人講，抵死啦，唔見電話啦
我：咁我都唔想架嘛，唉，唔敢返屋企，實比人打啦
ｂｉｌｌｙ：咁點呀．．我都幫你唔到架．．．
我：我黎你度訓得唔得？
ｂｉｌｌｙ：唔得ｗｏｒ！有人上左黎
我：．．．．．哦．．．咁無野啦．．

我：ｍｏｍｏ，我唔見左電話，嗚嗚．．
ｍｏ：點解會咁架，咁大頭蝦架你，叫左你小心ｄ架啦．．
我：死啦，唔知點算，唉．．實比阿媽打死我啦
ｍｏ：唔好咁啦，我幫你諗方法啦，我實企係你果邊，放心啦
我：我唔敢返屋企．．．
ｍｏ：不如你黎我度訓啦
我：下．．．我唔想！！！！你知我唔會架啦！
ｍｏ：－���－”我唔會搞你架ｗｏｒ．．
我：不如我黎搵你食完早餐算啦．．
我同細欣就過左去搵佢啦，
果時佢話借佢自己部電話比我，
同佢傾左好耐計，
佢話唔介意我同ｂｉｌｌｙ既過去，
我以為我會有新開始，
太天真，我真係可以話死心就死心咩？
我一路ｋｅｅｐ住去浦，為咩？唔重要啦，
開心咪得囉，一晚又好，一陣又好，
避得幾耐就幾耐，總之唔好比自己有時間停低諗野就得啦．．
有一晚我出去之前玩ｃｈａｔｒｏｏｍ，
同一個女仔傾左好耐，
佢同我講，我放棄左就呢一世一定會後悔，
講左比佢聽，我去浦都係想見佢，
之後收到ｍｏ既ｓｍｓ
原來．．．．．．．．．．．．．．．．．．．．．．

碧根鮑華

下面引用由yandyna在 2004/12/28 09:23pm 發表的內容：
快DD  POst埋佢|a...好期待ㄚ...
個女仔好傻又好痴情....*
如果我係bOy一定要佢,,∩＿∩∼

我都係咁話...呢d女仔好難搵嫁喇...(我覺得)
如果有一個女仔對我咁,我短幾多年命都冇所謂....
post左咁耐,睇見你地既回覆都係覺得佢蠢,咁甘心係人玩....
連學業都唔要.....從而睇出個男仔幾咁重要...
凡事兩睇既,旁人眼中佢抵死,自己?黎賤,白痴.....
但係佢幾愛個男仔我地又點知丫....
可能我地其中一人遇到呢d愛情,可能比佢仲做得轟烈...
但係佢甘心係佢玩,甘心受傷,都係出於佢對個男仔既愛....
不過呢個故事話俾我地聽最緊要愛o岩人...
最尾既兩幕會係聽日post埋出黎,追開既會員記住黎睇埋喇....
多謝多謝!!!

wingwing514

以下一段對白有深刻感受:
『 我 : 我咁樣都係你一手做成
Billy : 無人迫你咁做架wor 』
男孩的說話雖然可能比較絕情
但他說的是 100% 正確 !
有會員也說過了
其實整個故事來來去去只有以下幾個橋段
不停的重覆又重覆...
1) 女孩愛男孩
2) 男孩玩弄女孩
3) 女孩氣憤痛苦流淚
4) 男孩利用下三流手段使女孩又心軟
再一起 --> 再分手 ---> 又一起 ---> 又分手 ...
一開始看的時候, 還會為那女的氣憤
但事先發展到此, 她之所以有這些遭遇
她自己要付的責任比那男孩更要多
是她一次再一次的把自己推回狼口中....
到了現在...只認為那兩個人真的非常合櫬
一個甘心被騙, 一個自以為情場浪子
算了...
只希望那女的下場別太悲慘就好
也希望她能在最後一刻清醒過來..

碧根鮑華

原來....
ｍｏ：頭先其實我一直都係ｃｈａｔｒｏｏｍ到，
我用左第2個名入去，
我聽到哂你講ｄ野，點解要咁對我？
你根本就無放棄過佢，係放唔低佢先岩，
咁我係咩？我只係你既水泡？
你有無諗過我感受，你鍾意做既野，
我有無阻止過你，
你要咩我都比你，
你一ｄ都唔欣賞我為你做既所有野！
佢鬧得無錯，係我做錯左，
我連錫都唔比佢錫，係因為佢一錫埋黎，
就會令我諗起ｂｉｌｌｙ，除左佢，我唔想比第２個人錫，
唔想比第２個人拖．．．
結果我同佢都係不歡而散啦．．．

後尾識左細欣既朋友，阿鳳，
一個係１０１５好出名既女仔，
佢係細欣個小學同學，
識落傾傾下先知，原來佢係ｂｉｌｌｙ而家個女朋友，
但係我已經唔想再知關於佢既所有野，
於是我就無再問．．．
有一晚，阿鳳拉我埋一邊同我講
鳳：其實你係咪仲好鍾意佢？
我：無，而家你係佢女朋友嘛，你又係我朋友，我點會
鳳：唉，我都唔明你兩個想點
我：有乜點，你同佢開心咪得囉，我見到佢開心，我就滿足架啦
鳳：唔好扮偉大啦，問心果句
我：係呀，真心架，唔信你ｗｅｔ我個心出黎睇下啦
鳳：琴晚ｂｉｌｌｙ訓果時攬住你個公仔，叫你個名
我：車．．．咪玩啦．．點會．．佢話過一ｄ都唔鍾意我架啦嘛
鳳：我又唔信啦，一齊左過點會話無就無，佢口硬姐，仔都係咁架啦！
我：是但啦，．．．（當然莫明興奮啦ＸＤＤ）
聽完呢ｄ我仲更加囉囉攣，但係我唔可以比自己差返隻腳落去，
我已經小左去玩，我要有新開始，要有新生活，
點知，ｂｉｌｌｙ個朋友，ｋａ　ｈｏ打黎
ｋａ　ｈｏ：頭先佢迷左，係咁叫你個名ｗｏｒ，佢勁大呀，你黎睇下佢啦
我：係咩，關我咩事ｗｏｒ，咪叫佢ｄ女囉，佢咁多女，洗乜我丫
ｋａ　ｈｏ：妖，我呃你仲咩？對我無咩影響，你信就信，唔信就算
我：都唔知係咪佢叫你咁同我講既姐．．
ｋａ　ｈｏ：咁無野啦．
但係．．．．我都係出左去搵佢．．
去到已經見到佢係度湯，幫佢掃左幾下背，佢發脾氣，
ｂｉｌｌｙ：走開啦，洗乜你理我姐！
我：屌，見你咁好心理下你姐，慳返，有人話聽到你叫我名，
我先出黎咋嘛．．．．
ｂｉｌｌｙ：邊個得閒叫你姐，我溝左條女同你個名一樣咋嘛．．
我：咁無野囉．．
我又攬住細欣喊．．．
我：放心啦，我喊完就無事，我蠢夠架啦！
細欣：你係先好講，我地兩姊妹黎架，你有咩一定要話我知
我：我會架啦！我真係無事！
呃到人呃唔到自己，我已經比佢控制左我，
我既開心唔開心全部都係因為佢，
但係我心甘情願．．．
之後１０１５臨摺之前，發生左件事，令到佢開始憎我，
果晚佢好似２４小時都迷緊咁，成日都面青青（雖然佢平時都好面青），
不過始終擔心佢晚晚咁會有事，
有一晚，佢媽咪打比我
ＢＩＬＬＹ媽：我係ＢＩＬＬＹ媽咪呀．．
我：係，ＡＵＮＴＩＥ點呀．．？
ＢＩＬＬＹ媽：你知唔知佢去左邊？佢好多晚無返屋企啦，我又搵佢唔到，
我又唔舒服，心口拿住痛．．．
我：我諗我知佢去左邊既，我幫你搵佢啦，不過未必搵到，
你有無事呀．．？不如我陪你去左Ｅ院先啦
ＢＩＬＬＹ媽：我無乜事，睇下Ｅ生，抖下就得，你幫我搵下佢啦
我：哦．．．好啦，你休息下啦，有咩我再打比你啦．．．

之後打左比我Ｄ朋友，知佢落左１０１５，一路搭車，
一路諗點叫佢返屋企，佢都唔會聽我講野架啦，唉，
諗諗下，還掂佢都咁迷，一野捉佢上的士，最多搭的士返去啦，
一去門口，見到Ｋａ　ｈｏ，
咪叫佢叫ｂｉｌｌｙ出黎，話我有好緊要野同佢講，
之後ｋａ　ｈｏ就叫左佢出黎啦，
我就話：你媽咪搵你，你返屋企睇下佢啦
ｂｉｌｌｙ：屌，又係你，你知唔知你好煩呀．．？
我：你迷夠未呀．．？晚晚都係咁，你知唔知人地擔心你架？
唔理得咁多啦．．．
我正諗住拉佢上的士既時候．．．ｋａ　ｈｏ拉住我
ｋａ　ｈｏ：你想捉佢去邊．．？
我：返佢屋企囉，佢阿媽好擔心佢．．．
ｋａ　ｈｏ：佢想去佢實自己跟你返去架，佢都唔肯，你迫佢都無用架ｗｏｒ
我：你自己玩就好啦，我都係想佢好姐，唔通咁都有錯呀．．？
ｋａ　ｈｏ：唔係話你錯，係佢唔想嘛
我：佢大到咁，根本都唔知自己做緊乜．．．
ｋａ　ｈｏ：你平時咪又係咁．
我：．．．．．．．．（係．．．其實我無資格話佢）總之我而家要帶佢返屋企．．
ｋａ　ｈｏ：我係佢ｄ兄弟我實幫佢．．
ｂｉｌｌｙ：走啦你，”煩思”，咪係度扮偉大扮可憐啦，
（呢一句，係心碎，竟然幫我改個咁既名，唔知點形容．．．）
成日周圍同人講我地ｄ野，你咁講都係想人同情你咋嘛，
你知唔知我好憎你呀，同完貓仔，又同阿微，之後又阿鳳，
又專登去識佢地，想點姐你！！！
ｋａ　ｈｏ：我知你對佢好好，但係有ｄ野無得勉強，
佢做咩都唔到你管架啦，你唔好煩啦，煩思．．．
我：我無專登去識阿鳳架ｗｏｒ，佢係細欣ｄ同學
ｂｉｌｌｙ：你話係咪係囉，你咪識包佢囉，有本事識哂我身邊ｄ人丫，笨！
果晚．．．我拉左我契妹維維出黎陪我，
成晚我都係跟住你ｂｉｌｌｙ身邊，係想知佢會去邊，
搵機會叫佢返屋企，點知玩到散場，
佢去左食野，打機，都係唔返屋企，陪佢一齊既，
有佢ｄ兄弟，其實果時真係好擔心佢，
知佢跟人，好驚佢比人打，
之後貓仔打比我，佢出埋黎搵我，
我打左比ｂｉｌｌｙ媽咪....
待續.....
最後一幕會係今晚post出,各位留意喇!!!
不如你地又講下睇到而家既感覺係點丫,又估下結局係點丫...
多謝!!