natalya

求學是求分數的
求學不是求分數，哪是求什麼呢？
知識~~~
有什麼可以證明你有知識呢？
分數...................
事實就是如此殘酷
學生在學校，
好則求學
壞則求偶
香港的教育制度是求分數
當分數不存在，
香港教育制度一定會崩潰

kkkso04010

下面引用由sarah199028在 2004/11/09 01:02pm 發表的內容：
我阿爸成日都話:求學唔求分數,禁讀咩ar
搞到我都幾無奈下ga
不過諗深一層,分數只係證明你ge所學

你講得?
香港地就係咁現實
你試下無好成績睇下你入唔入到U啦
唔通高考無好分數
我走去同大學校長講
我「求學不是求分數」
你比我入U讀啦
有無可能？

無忌公子

我投左香港、美國同"是"。
香港既教育制度真係垃圾！
=從科目講起=
首先講中文。中文讀課本有咩用？美其名係學習分析文章，從中學到一D野，我呸！結果呢？考試咪人人都背囉！例如會考，你問10個人中文讀本點溫？有9.9個都會話背精讀、死記D Answer，而實際上考讀本既方法就係背哂D文章既意義，再用自己既文字（或者死記出黎既句子）黎答。咁有咩用呢？？？
作文題目亦太過局限於社會及時事，令有天份及才華既學生不能盡展所長。
英文......係香港式既教育模式底下，能夠真正完全學會英文呢項國際語言既又有幾人？語言，係要從生活中透過交談黎加深對呢項語言既認識及運用既技巧，唔係叫D學生驚驚青青咁練下Oral、係課堂上面播下錄音帶練Listening，呢D只係香港式既教育！俗D講就係死板！
教學，教既人同學既人兩方面都有責任，但係要負上最大責任既我會話係香港既教育制度！
數學方面我就無乜挑剔，教師質素會直接影響到學生學得到幾多。
至於宗教，我強烈建議香港既中學（小學唔好！！）應該加設"宗教"呢一科！唔應該再分咩基督教學校、佛教學校咁，只會令學生有種先入為主既想法。
宗教係一個好敏感既話題，我認為宗教呢一科應該教既係令學生認識現代有邊D宗教，將宗教既理念清晰地講比學生知，絕對唔應該偏向於某個宗教或過份宣揚某個宗教！信仰係應該由學生自己去決定，老師應該做既係將真相教導比學生！
美術同音樂方面，香港既學校應該更重視呢兩門藝術性既科目！而且我認為應該加多一門攝影科。香港商業最大，連鎖反應係間接令到學校既藝術性科目既重要性下降，你問學生美術同音樂重要嗎？10個有8個會答"閒科黎既，Pass咪得囉！"，呢個答案充份地顯示出香港教育制度既失敗！閒科？學習 係應該 分為 主科 及 閒科 ？？？？？變質啦...整個"教育"都變質啦...
只有少數對美術及音樂有強烈興趣既學生先能夠係呢方面發展，學校第一樣要做既係培養學生對各方面既興趣，唔應該完全由學生去自行發掘對邊方面有興趣。
至於科學，係做實驗方面，香港學校太過著重"安全"！我意思唔係話唔應該著重安全，而係應該著重透過各種實驗向學生解釋科學，亦要顧及安全性。
呢度我可能講得模糊左少少，無辦法，我已經三年無讀過有關科學既野。記得既野都已經唔多。
體育，學校好應該更重視體育呢科！體育唔單止係教學生認識各項運動，而且係會直接影響到學生既健康狀況！由於香港既學校番學時間很長既關係，學生運動既時間就會減少，大部份學生（尤其係女仔）放學後直到夜晚，都唔會去做運動。去做運動既多數都係鐘意踢波、打籃球既男仔，學校仲要話"放學之後唔好係街度流連，著校服唔應該打波"可怒也！是何許道理？難道整齊、顧全學校聲譽及面子比學生鍛鍊身體及健康更為重要？此舉無疑扼殺許多好學生運動既機會，尤其女仔就更少運動。
既然學校做到如斯田地，就要從體育科方面開始改革！首先我強烈認為學校應取消著校服呢個無理、無謂、無用既制度，然後每間學校，學生都應該有自己既儲物櫃（儲物櫃唔應該太細！！）。體育科既堂數、時間應該增加！！體育課後要到更衣室換衫呢個要求一定要有，所以更衣室好應該有沖涼既設施！每個學生做完運動一定要沖涼！此乃基本既衛生知識。

=香港教育制度=
教育改革緩慢而不切實際，由母語教學開始，第一、二年既學生完全係白老鼠 - 英文成績下跌係好明顯既實證（而且香港教英文既方式根本唔能夠好好學識英文！）！
而家搞左個通識教育，呢種教學既模式就似番D樣，但係討論既話題大多膚淺而無用，無辦法將學生導向正軌，仍然只係香港式既教育。
教育模式絕對有必要改變，學生不應大部份時間坐於課程內，對身心發展係會有負面影響！
另外，由小學起學生都不應再穿校服！我認為校服絕對係無必要存在！學生好應該由小學階段起開始學習著衫既品味，唔應該日日著住件制服（校服）去番學！但仍然看緊學生既儀容，不可染髮、除耳朵外其他地方不能穿洞等。
返學時間同食早餐、午餐既時候亦需要調整！！我認為應提早返學時間至7點，但課堂時間唔應該排得太密！體育課後應有20-25分鐘休息，應加設早餐時段，大約30分鐘。午餐時間應有1小時30分鐘。每兩節課之間應有15分鐘休息。放學時間唔應該超過3點半。
教師質素有必要全面檢討，包括每位老師既教學模式（此項絕對要檢討）、教學既能力（我見過唔少老師其實並無足夠能力去教學）、對待學生既態度等。

以上皆為在下肺腑之言，純粹不能忍受香港教育制度如斯不堪、不願香港教育逐漸腐敗。以上意見皆經過在下深思熟慮，絕非一時之意。還請各位多多指教。

雲公子

我住台灣

求學是不是求分數    這我是不知道啦
但是我知道就是在台灣   分數高也並不一定就會受到老師喜愛
但基本上我就是那個成績好但不受到喜愛的那個...
我不知道這是為什麼   為什麼這個社會是那麼的勢力眼
但是有錢人家的孩子就一定會受到疼愛....