joe198663

下面引用由porkchophell在 2006/05/24 05:19pm 發表的內容：
不過我對那個所謂男主角上電台又是一個看法.
因為傳媒總是會拿著別人私穩的弱點來做一個故事出來.
雖然我沒有收聽那個節目, 但是從這裡就覺得.
香港人最喜歡揭人的事作娛樂. 就是因為多人知, 人人都想知的心態.
...

porkchophell, 謝謝你的回覆啊~! ^_^
你說的也有道理, 相信並不是每一個港人都是抱著那種心態去看待事情。
怕事怕麻煩亦是常見的心態, 而作為一個乘客, 除非對自身構成影響,
否則別人的事還是不理為妙, 要是我也一樣會這樣想。

就此我想說一些題外話,
香港傳謀常以揭發別人私隱作新聞報導已是鐵一般的事實,
近年來的新聞頭條都會報導一些與事主私隱相關的內容,
更有事主被傳謀以文字炮轟至體無完膚, 多麼可怕的傳謀暴力!
每天打開報紙, 就會發覺有部份新聞有偏離事實的情況,
例如加入作者主觀的評論, 以及一些與新聞關係不大的小報導。
為的是什麼? 就是滿足讀者的"八掛"心態, 刺激其購買慾, 以達最終目的- 增加銷量。
為了銷量, 香港新聞已偏離原有意義, 亦可以說, 客觀的新聞報導則是買少見少。
更可悲的是, 喜歡看這類型報的人就是愈來愈多。

MH

下面引用由joe198663在 2006/05/24 03:00am 發表的內容：
porkchophell, 謝謝你的分享啊~!
這麼hit 的話題我當然要來參與啦~! ^_^
不知不覺間, "巴士阿叔"這話題已經hit 爆, 這幾天我和同事都有提及這件事...
皆因那事主上了新城娛樂台的"光明頂"?..

抱歉,有些資料要糾正的
男事主上的不是「光明頂」,而是「香港幾咁好　為人民服務 」,兩者都是商台節目,並非新城娛樂台
光明頂當天(23日)主題是巴士阿叔,但男事主不是上了這節目
此為為人民服務當天男事主的說話內容:
http://youtube.com/watch?v=0E4j3UQdnnU&feature=Views&page=2&t=t&f=b
聽完後只覺得他在死雞撐飯蓋,25歲人說話都不清不楚,正如光明頂3位講者話齋,事主的辭令極為貧乏,毫無招駕之力,完全唔識表達自己,仲話自己係sales添.............
另外以下是據稱巴士上目擊人士的所見情況:
"巴士阿叔事件" 前文後理, 真相大踢爆！

其實當時巴士上的人話多唔多話少亦唔少, 有唔少人知件事, 本人都係其中一個.
如果唔係近來搞到咁大, 呢類事情都真係睇完就算. (久唔久街上都會見人嗌交.)
剛好又聽到四眼仔打去電台段聲帶, 忍唔住嗌朋友幫我send個e-mail放上網.
本人冇辦法證實身份, 信不信由你, 反正網上段片都唔知乜人放上去架啦. 唔信的話唔
睇下面段文冇損失的.
複雜情節唔識講, 亦好老實, 記唔清十足十每句對白係乜, 只係想講返少少前文後理.
本人坐佢地後幾排, 搭車時個四眼仔同個阿叔都有講電話. 個阿叔係大聲, 但未至於全
車人都不滿. 有搭公共交通都知啦, 阿叔阿婆講電話一向都大聲, 唔係咩特別事, 個阿
叔講電話時亦只係同朋友吹水, 應該冇爆粗, 至少唔係鬧電話另一方. (講電話內容真
係唔記得哪, 真係作故事咩.....)
個四眼仔又講緊電話, 可能個阿叔坐正佢前面, 所以嘈到佢聽唔到另一面講乜, 於是口
擘擘係咁串咀, 但又唔係直接同個阿叔講. 係咁諳諳噚噚串前面個阿叔 (大約係: 前面
條友咁嘈架, 咁冇品呀, 咩人來架, 不知所謂........etc.)
個阿叔都擰轉頭啤左佢一眼. (好似係....望到佢郁一郁啦.)
之後個後生仔講唔落去, 收線, 拍個阿叔, 阿叔唔理佢. 條友再拍多拍.
阿叔轉身好燥咁問佢咩事. 條四眼仔唔出聲. (有冇啤佢或"藐"佢本人角度睇唔到.)
咁個阿叔匆忙收線. (好似係話:唔同你講住哪....etc.)
跟住就起身鬧.
之後的事就係網上片段.
嘈完之後阿叔講左兩三個電話, 個四眼仔反為冇講電話, 過左一陣我都落車了.
信唔信都好, 本人冇任何得益, 但稍為諗下, 如果話個阿叔真係突然起身, 真係冇先兆
下彈起身, 拍片條友會唔會開得切電話呀??! 拍一拍即刻彈起身的話, 任何人都開唔切
電話個拍片功能啦.
希望有其他乘客出來補充. 就會知得更清楚件事.
冇話誰對誰錯. 阿叔爆粗係衰格呢點冇乜好拗. 但亦唔係個四眼仔單方面講得咁簡單.

巴士乘客上
成件事發展至今已經變成鬧劇,其實件事好普通,不過因為發生在香港這八卦之地,剛巧近期又沒有熱門話題,所以這事一來到便成了近日熱門話題吧

凱提風

下面引用由chung1219在 2006/05/25 02:24am 發表的內容：
我諗有咩罪名可以告大叔呢 ?
出口『傷人』都算『傷人』罪個? !

香港法例第245章，『公安條例』17B，『公眾地方擾亂秩序行為』第2項說明︰
任何人在公眾地方作出喧嘩、擾亂秩序行為；使用恐嚇性、辱罵或侮辱性的言詞；派發或展示任何載有此等言詞的文稿，意圖激使他人破壞社會安寧，或其上述行為相當可能會導致社會安寧破壞，即屬犯罪，一經定罪，最高罰款$5000及監禁12個月。
以上所述條例即『行為不檢』。
不過要是我遇上這情況的話，先報警再說，然後慢慢玩。

靈異simon

請大家聽我講講
呢見事純屬鬧劇
並非甚麼正邪大戰
首先,騷擾人一定係唔arm
無論係咪係巴士
無論有無講粗口
但係香港係一個大城市
正如呀伯講人人都有壓力
大成市裡面大家經常都會做到D野騷擾大家
爭執係日日發生緊
如果你自命正義,你幫得邊個
我舉個例:康文署取締公園唱歌既長者(有居民投訴),你係傍外人,你覺得係邊個理虧,邊個有理?
大城市既市民有磨擦係平常事
沒有邊個正義不正義
車上面無人出聲唔代表其他人冷漠
有人覺得可以容忍呀伯係好正常
呀伯鬧人,係佢同個sales既私人恩怨
佢係巴士上面鬧人係就係犯左行為不儉
但係佢無打人,只係鬧人
同埋係兩人之間既事
如果係我
我會有自己處理方法
每人都會有

但係條on 9 sales係電台言論真係語無論次
聽到都想打
當自己係英雄
呢D人先係我地香港最多,又最可悲既事
強出頭,多事,但係又怕事,跌落地拿返咋沙,馬後炮
事情至此呀伯arm唔arm以經唔重要
重要係我地唔應該理人地咁多野
一人讓一步,城市先會進步
表面上個sales係樹"申張正義"
其後佢係電台上既言論顯得佢其實係不智
而且係果D欺善怕惡既人
係電台大氣電波就講到自既好有智彗
我覺得呀伯仲醒囉,無出手打佢
係我打左佢好耐

凱提風

剛剛聽完那段訪問，基本上我只覺得受訪者很好笑而已。
巴士上的鬧劇，我只覺他比那位巴士判官愚蠢。
聽訪問期間，更覺其『吹水唔抹水』之功力可見一班。
當然，主持人的隱諷亦很有趣，帶出受訪者言語間表現出愚蠢的地方。
不過，『閱人無數』這句話出自受訪者口中卻令我覺得最好笑。
就好像一個人在看過數十張仟元大鈔後跟人說『我看過很多錢』一樣。
與其說『閱人無數』，倒不如說『閱人未深』更貼切。

MH

連影果位都上埋去電台:
http://www.fotop.net/panorama/bm/bus_cam_man
仲爭最後一個當時人,睇黎果位阿叔真係要出黎講下?
咁成件事先算圓滿
另一個REMAKE  ENDING:
http://www.youtube.com/watch?v=qAFz4NcQZ6U
真係好多人得閒得滯,不錯都幾有創意

C朗拿度

給阿義叔(四眼後生仔心聲)
http://www.youtube.com/watch?v=GzbdsdLEEb0
巴士無間道卡拉ok
http://www.youtube.com/watch?v=5 ... B%E9%98%BF%E5%8F%94
D人都幾有創意....

百葉窗

o個兩條友唔死都冇用.
難為了車上的乘客,話佢又唔係,唔話佢又唔係.
事後個四眼仔竟然仲上電台,佢還沒有從段片中察覺自己的戇x.

我諗拍下佢地既醜行比大眾笑下已經係最好既解決方法. (巴士啊叔:未解決!).

AlienVirgin

真係好無聊....
睇完之後覺得個阿叔精神有d問題....
呢後巴士阿叔既事....
而家連外國The New York Time 都有報導.......@@"
http://www.nytimes.com/aponline/arts/AP-Viral-Video-Grumpy-Passenger.html?_r=4&oref=login&oref=slogin&oref=slogin&oref=slogin