[閒話一則]忍無可忍啦~ 忍耐力

FaNnYcKw

我覺得自己的忍耐力都算是高的。但我今日回到公司，我簡直完全崩潰。
因為我見到我身後裝了一個web cam。
是我本人發現老闆買了一個web cam及發現裝於我身後的架，說真，大家可能說買了一個web cam，不用說得那麼嚴重。
但，會員們，你可以話我疑心大。但大家繼續看下去便知道。
我於此公司做了差不多三年。我是於公司環境最差那個時間入職。
因為是第一份工。有很多時，都是抱著”冇咩所謂”的心態於此公司工作下去。
人工低，不打緊。因為家人不是等我”開飯”。
地方遠，但總算有車直接去到。
遲出糧，算，因為公司真的是沒有錢。(最遲兩個月沒有出，老闆連一句都沒有說過，我們就只好默默的等他出糧)
不供強積金。(我其他同事是有供的，但只不過是供了數個月便沒有供。老闆還對a同事說，等我走了才幫他們供回)
打卡。說真，並不是一個問題。但有時他真的很過份，因為我們吃飯時間都是要打卡的。有些人都會說，”唔係嘛，lunch都要打卡，唔洗咁呀”。算，無問題，我會去打。但有時忘了打卡，但老闆知你兩點便開工，忘了打卡，他會罵你。原因是為什麼不打卡。
第二，有一次放工，我忘了打卡，我走回打卡鐘。那麼同事好心便幫我打卡，老闆見到便說，”你唔好同佢打呀”。但那時已經過了6點放工時間。(無奈@_@)
有時我明白，老闆你有你的原則。但完全沒有理會過員工的感受。
當我發覺買了一個web cam，我立即同同事說。
我的同事都已經知道是什麼事，當然，我都知道是什麼事，只不過，希望不是真的。
但大概過了一個月的今日，他已經裝了我身後的架。
員工為你做什麼事，你不會發覺。但每當員工做錯事，你就常常”番舊帳”。
現今連少少的信任都沒有。我覺得好傷心。
員工同老闆經歷那麼多事，但只不過換來不信任，猜疑。
所以我下定決心走，因為老闆這樣做，一而再，再而三地傷害他的員工。
我覺得，我再為這間公司賣力，都是白做。
我明白，就算你有一百件好事，如果有一件壞事。你那件壞事都會蓋過你那一百件好事。
但心灰意冷，覺得再做下去，只會愈來愈不開心。
p.s.我真係好想打佢一獲。
     晏d post張web cam位置圖畀會員們睇，個web cam好近我。><
     同埋我走o左之後，我一定會告佢。(如果佢賠少錢畀我)

s9901237

打佢又唔駛，打d咁既食人唔吐血既無良資本家，唔值得既∼∼
不過點解你又唔問下個老細係咪發左達既∼點解無錢供強積金，有錢裝web cam既∼∼
你老細會唔會睇中左你呀∼∼哈哈∼講笑講笑
之但係，一個小小既web cam都唔代表到d咩既∼總之一切以平常心去面對就最好架啦∼∼

MOLLYCHOI

佢唔同你供強積金, 同埋遲過 7 日出糧, 你已經可以告佢啦.....
唔好走住....整鋪杰既佢歎下先走都未遲丫...

nataliefu

如果做得不開心就不要再做下去啦
我覺得一個如此可惡的老闆．不值得你去幫他做事
他不信任你．你再做下去也沒有什麼意思
而且．看完你寫的事後
我覺得你的老闆對你有偏見．或許是我敏感了吧！

tonyboyhk

你老板已經犯勞工法，
不供強積金及遲出糧，可以去勞工署告他，
但犯不著打人，難道你想你的下任僱主查到你有打人的案底嗎?

邪炎

呢d咁衰的老闆係樓主先可以忍到佢架咋!
如果比著我~我一定會同佢嘈哦!
因為佢已經侵犯左我的私隱~
而且佢做左咁多touch勞工法例的事~
假若你小弟的話一定唔做而且仲會舉報佢        im哦= =|||
呢d人真不值得寬恕呀!

334556

侵犯私隱呢!
員工們成來抗議也好!
頂多把他的惡行公諸於世

porkchophell

其實我覺得你沒必要去打他的.
從法律去追回你應得的東西.
我想這是最有效的.
不用不開心呀, 因為我覺得這種工作真的不好做.
同事與老闆是應該互相相任才會有成果.

siupigleung

現今個個都是無良的老板, 我司的無良老板咁無良,黑人曾(我覺得當你有利用價值的時間, 老板遷就你,沒有利用價值就用千方百計令員工自動辭職就不需賠償)
FaNnYcKw 不要生氣, 不要為一個衰人而影響自己的心情及情緒...
現在最重要是拿多點證據, 所謂'證據'是指公司對員工的苛刻, 如遲出糧的証明,不供強積金證明(不過我不明白為何不供強積金,沒有被揭發嗎?!報稅的時候要註明!!), 最重要把自己打咭記錄copy留底.如果公司真的賠少錢畀你, 那用這些證據到勞工處告佢..
為何我會咁激動!! 因為我司的處境跟你差不多(不過準糧及有供強積金), 有個無良女經理, 用的手段比你老板高十賠, 我司所有同事是聯合一致,但不會影響日常工作(因為各同事會自律),最近公司要轉營, 降低成本,女經理要求會員自動辭職並給予合理賠償,她當我們'豬頭", 如寫辭職信, 在法律上公司一毛錢都不賠...
又突然立例如遲到就發警告信,收三封可走得,不需賠償...
各員工的電腦沒有私隱, 可在老板的電腦上顯示出來, 而E-MAIL 亦被儲存...
有時女經理生氣就講"粗口"罵人, 我們亦以"粗口"回應
現在本司的同事亦不理會女經理....等炒!!!  如果賠不足就告佢.... (不過我們亦帶著開心的心情上班)

vling2884

唉,邊到真係有老闆會體?伙記??冇?,始終又係計得清清楚楚,呃人?!忠告你一句:就算係公司幾多年,對同事培養幾多感情都好,速速撤退罷!無為後悔太遲~
p.s.若果呢間公司成日遲出糧,你要小心D,過年後呢段時間好多公司都會bye-bye~~