如果另一半飲醉... 男朋友

porkchophell

當你同你另一半同你飲酒傾計.
而你另一半既酒量唔好飲醉既時候.
佢開始係度喊同發哂癲!
而係依個時間,佢喊既時候佢係當左你係佢以前既男朋友或者鍾意既人.
佢不停咁攬住你叫第二個人既名字.
你地會點做? 會安慰佢嗎?
當佢醒左既時候佢唔記得哂發生個咩野事.
你地會同佢講番嗎?
你會質問佢嗎?
以上事情發生係過我身上.
而我第二日係同佢講番佢做個既事.
但係我無鬧佢.
如果係你你會點做?

下面引用由porkchophell在 2005/01/20 10:38pm 發表的內容：
而係依個時間,佢喊既時候佢係當左你係佢以前既男朋友或者鍾意既人.

我想問"另一半"即係指現任女友啦...
而文中所指"或者鍾意既人"係未指現任女友除了你"同一時間鍾意的另一個人"?
一話"以前鍾意的一個人"?

chloechloe

我會第二日問返佢
要佢坦白
不過一個人醉左果陣d潛意識會顯露晒出黎
如果佢又喊又當左你係佢以前既男朋友或者鍾意既人
仲攬住你叫第二個人既名........
相信佢真係有d嘢架喇

porkchophell

我所指鍾意既人係係同你一起之前既事.
唔係同一個時間,係以前既野突然之間飲醉後表露哂出來.
另一半係現任女友...你會點做呢?
對唔住,我中文太差所以令到你理解唔到....

明白了porkchophell ,如果係我.....
那一刻真係仲好鍾意佢的話,我都唔會鬧佢,
我仲會更想保護佢,唔想佢亂諗,等佢清楚誰才是她值得去愛...
因為佢一日未結婚都有權選擇,雖然自己心裡可能會有條"刺"
但愛情總有一方付出會比較多一點,呢個case佢只係醉了亂諗,
未有過火行動,(好似見以前男友or鍾意既人),始終佢仲起自己身邊...
第二日我都會問返佢,睇下佢有什麼反應....才下定論~
這樣做都係想留住自己鍾意既人...
但我想知第二日當你問返佢,佢有咩反應?

porkchophell

我第二日問番佢既時候.
佢係完全唔記得哂佢飲醉酒之後發生左既事.
之後我係同佢講返所發生既事.
佢既反應好大同佢話內疚.
佢話佢自己完全唔知道佢仲會對佢以前鍾意既人咁大反應!

像chloechloe所說""相信佢真係有d嘢架喇""
正所謂酒醉,亦有三分醒...但不能說借醉就可以亂來...
我亦見過朋友酒後吐真言...所以在這事件確係有點不尋常~
倘若當佢清醒時,深表內疚之意,即表示這一刻佢還"在乎"我,
我姑且會原諒佢,並會多加觀察佢既一舉一動...
但自己心中呢條"剌",不知要幾耐才完全能康復好了....

紫千雪

　醉醉醒醒 , 誰能分真假 ?
　即使 , 錯認又如何 ? 喜歡一個 , 就需要包容 , 也需要放愛自由。她 / 他心裡 , 最重要的人未必是自己 , 但無妨的 ...... 只要自己喜歡她 / 他就足夠。
　或許未必人人認同鄙人的說法 , 但是 , 只要自己不欺心就好了。

闇空使者

愛一個人最重要是現在o即
你都識講佢不是清醒的了
試問世間誰人是沒有過去的?

siupigleung

其實飲醉酒之後發生什麼事當時人真的唔記得...(故意除外)
我想個女仔是好鍾愛以前的男友, 亦很想念他!!!......
[疑問]點解你每次識的女友都好像不專一對你o既!! (講笑)