|
 
- UID
- 14939
- 帖子
- 207
- 精華
- 0
- 積分
- 10414
- 代幣
- 10207 元
- 評級
- 0 分
- 閱讀權限
- 50
- 來自
- Zzz
- 在線時間
- 0 小時
- 註冊時間
- 2004-11-4
- 最後登錄
- 2008-1-23
|
1#
發表於 2007-12-20 12:27 PM
| 只看該作者
不知不覺打左勁多字...希望有心人可以睇哂= = 謝..
我同我男朋友一起大約一年7個月左右~
由剛一起到現在 每晚都一起睡的
我地通常用佢個電話做鬧鐘的~所以鐘聲係電話鈴聲
之前都係邊個聽到先就邊個關鬧鐘
但最近2個月~佢總係搶住黎關 就算我隻手以經拿到個電話了~他都會立即彈起身搶過黎關,感覺就好似怕不是鬧鐘而是有電話打黎~而打黎既人係佢唔想比我知既咁..但我都重同自己講,可能係佢怕我知道某人打黎會生氣,所以先咁既反應掛(我會咁唸係有前因的)
＊前因：早2個月前 有個女仔去佢間酒吧做拳手~跟住日日打電話黎比佢叫佢起身(個女仔唔知我睡在他旁邊的~唔知我知),~放假又打黎找他聊天,後來我跟我男朋友講我唔中意~他跟個女仔講過後就無再4點半打來了~但原來只係改左時間=.= 每日6點幾打去找他聊天.
我問我男朋友認識個女仔1個多月以黎~他有無停過唔打比他,他說一日... 我覺得是太誇張吧! 所以我講到明唔中意個女仔,之後有日放假, 個女仔又打黎 聊完後~我就裝作不知 問他是誰~他跟我說是另一個同事! 我很生氣 他就說是因為知道我不喜歡那個女仔 怕我知道生氣 所以騙我 ＊
我想~我氣都係氣果個女仔~如果你騙我 我氣的就是你 你寧願我氣你,都不想我氣她?
幾日前,他電話壞左~以前如果冇電~他都會立即飛線來我這
但今次沒,電話壞的第一天 我問他點解冇飛~他說忘了,
如果真係忘了飛~試問為何會記得聽留言?(佢重識借我電話換卡聽留言)
以前他聽留言~坐在旁邊開喇叭一起聽都得,但呢次他把電話聲整細
到了第2日 他都冇飛,
我問 :是否連飛線過黎都唔敢~係未驚某人打黎時會去左我度?
他話唔係~
果晚返到屋企~我問他聽左留言未~佢話未~ 重話借我電話黎聽~
我話：唔借,等等唔小心聽到你d留言就唔好啦!
點知佢只 喔 左一句~(默認?)
結果我連續2日躲出廳喊 覺得好不開心
其實我地一直都唔夾 或者因為他比我小1年吧 當初一起~都唔係因為我中意佢 係佢借醉行兇.....我自己本身係比較保守的人.
我覺得果次係我第一次 ~所以我要跟住他了
一直以黎我都很努力投入 他是好人,但可能因自小咩都係家人為他唸,所以比較唔識自己唸野..但我本身家庭有問題~所以一直都係自顧,所以我們本身性格,思想都有很大出入~但他確實也很努力地對我好 ~但他做的都是一些很表面的,根本唔係我想要的..
就算有唔開心 都同自己講：慢慢黎..總有日他會了解我..現在不合~比有d人開始時好開心 但最後個男仔背後又有第2個好.. 因為我信他不會騙我~一定唔會對不住我!
這是我堅持的理由
但到左今次 我感覺好似連呢個理由都冇埋,覺得呢斷感情以經沒希望的感覺..
我本來想幫他唸個藉口給我自己~去讓我不要不開心,
但我唸左2日 我根本唸唔到..反而只係左唸右唸 ..
我希望對呢個人堅持~係因為我還是希望一生一個呢個理由~絕對大於我中唔中意佢呢個問題..
不過其實我覺得~呢個理由只適合在童話吧..我係未應該現實一點?
因為除左呢樣..我真係找唔到半個理由去繼續了...我唸我就算再點中意..都好難去同一個會騙我既人過世....與其等他將來有一日會離開我,我是否應該決絕d先同他分手??
重有另一個小問題..大家覺得..他有可能是沒騙我嗎?= =?..或者..我有可能是想錯嗎?..
|
|
