我同個朋友鬧左交… 音樂

聖靈∼霜〞

今日放學我同個朋友鬧左交…
今日放學，我同我４個朋友去音樂室練歌，規定每一個人都要單獨唱一次。
佢（以下簡稱ｗ）同埋另外一個ｆｄ唱先，我都好留心聽，
但當到我唱果陣，佢地係到傾計、玩、拎部手機出黎自拍…當時我覺得冇乜野啦
不過問題就係係呢到發生…
之後有一個同我好熟既離校生今日返左黎探我地，咁我地咪坐係到細細聲傾計、問下近況囉∼
當時有人係出面獨唱緊，不過唔係ｗ∼
點知ｗ竟然走過黎鬧我，仲要好理直氣壯咁講：你知唔知咁樣好搔擾人唱歌架？！
我當時係勁有衝動想講一句：你自己都係咁啦！有咩資格話人？
不過我未講果陣，另外一個女仔已經早我一步講左，原來佢都係唱歌果陣俾ｗ咁對待過！
之後ｗ仲要勁串咀咁講：好！咁我而家呢一刻收ｘ！你地講野啦！
我真係好頂唔順ｗ呢種態度，忍唔住串左佢一句：唔係要你收Ｘ，要你收聲者∼
離校生見形勢唔對路，即刻拉我入廁所∼
到我返到音樂室門口，已經見到ｗ摭住塊面喊緊，隔離兩個安慰緊ｗ既同學睥住我…
我知我有錯，但係佢都係犯緊同一個錯誤，而且佢都唔知自己錯，有資格教訓人咩？
見到佢喊果陣，我有ｄ唔開心，因為我冇諗過佢會喊，都冇諗過會搞成咁，而且始終都係ｆｄ…
但係要我道歉先，我又唔做唔到，我唔想搞到好似真係我錯哂咁∼
究竟我點做先好呢？幫下忙丫＞＿＜

kaki20

我最憎呢d人,如果係我 我寧願唔要呢d咁既人做我朋友

jackyyip

我覺得你宜家應該俾d時間大家冷靜下…等大家諗清諗楚究竟係邊個錯
不過最緊要係你覺得自己岩就得架?

Butn

唔...........咁就要睇你願唔願意放下無聊o既尊嚴,
同佢講聲"唔好意思"(唔係講sorry喎~~~如果你覺得自己無錯的話),
講番之前自己燥左dd之類..........
盡量避談邊個o岩邊個唔o岩
大家後生仔女, 好易話為的吧 ^_^
如果你覺得你同佢可以繼續做朋友,
就要主動一點啦

HimCheng

二口六面講清楚~但要表明唔係想嘈交~而係比佢知道大家都有犯同樣問題~
並唔代表佢喊就係你錯~
係朋友就唔會因為咁小既事而翻臉呢~
祝你倆早日和好如初!

angefan

這就要看你覺得這個朋友比較重要，還是覺得被認為做得對比較重要了！
個人意見，雖然你的態度不好，但是也算是有理由的，她只是承受了自己「理直氣壯」地指責別人每個人都會犯的錯的後果，如果你不這樣回應她，受傷的就是妳，而且她會不會繼續以這種態度去面對任何事情呢？
當然，如果懂得成熟的處理，更理想的做法還是當時能接受她的意見，事後再心平氣和地跟她講出你的感受，這樣就能免了無謂的衝突。

FANNYckw

講真，我都有試過呢d情況。
個心真係好唔開心。當時係考試演講o既。
份講稿我寫得好有心機，但有好多人都係到傾緊計，都唔理我。
o個一刻，真係好傷人。
不過w鬧你，佢係o岩。你鬧w，你都冇錯。
你o地都仲係同學，呢d o野好快會唔記得。
因為人就係咁，一火摭眼就咩都講得出o黎。
如果係我，我就會當冇事發生過咁，anyway好似平時咁。

christhk

引用聖經一句說話:人總是看見別人眼中有刺, 而看不見自己眼中有樑木.
這句說話道盡人性心理, 人往往都會將對方的錯處擴大, 而很自然的把自己的縮小, 那個w就是這樣, 可能你自己也是這樣啊... 所以, 在一件事情上, 要追究那人錯多些, 那人錯少些, 是一個永遠說不清的論題...
我想現在你要考慮的, 不是誰錯誰對, 而是w值不值得你再和她做朋友, 你想繼續和她做朋友, 就說聲對不起 (這三個字很強), 如果你覺得不值得, 就算吧, 也無謂為此事繼續煩惱, 因為一個你認為不值得和她做朋友的人, 根本也不值得你再去想她的事情..

聖靈∼霜〞

的確，我都係有唔岩既…我既語氣太重∼
聽完你地既意見之後，我諗我應該知點做…
多謝哂你地丫∼！

334556

放心, 公道自在人心。
你即使不說話, 也會有人知道責任屬誰。
如非, 那人的思想真是毫無成熟之言!
但是, 要考慮的一件事, 就是當你受到外來衝擊時, [[[必定]]要先壓著自己的情緒, 最好沉下來, 聽聽她的廢話, 當她發洩過後, 就不會再說了~ 那你就可以不出一言地戰勝她~
即使你非常憎恨w(包括其他可能的人), 也一定要口不對心地向她說話, 即是空口說白話~
因為畢竟你們還有合作機會, 這樣忍一忍, 日後好相見呢!
還有的是, 你絕不可在別人說憎恨她, 因為對方極有可能會倒戈相向, 屆時你就糟糕了...
你盡自己的所能去忍受她, 待他日你成功後, 即能反其於實力, 使其知難而退了~