[分享]一個故事 香港, 男朋友, 同屋

Chieri

有一個女仔對佢o既男朋友死心塌地、無微不至，從來都無諗過離開佢o既男朋友或者去識第二個男仔。呢個女仔每日放學都會去搵佢o既男朋友，然後就會車呢個男仔出街，到夜晚o個陣 ...... 就會送佢返屋企，然後就自己返屋企。但當個男仔有工返o個陣，就要每日都車佢返工同接佢放工，而個男仔放工o既時間係夜晚o既 11、12 點左右。每日如是 ...... 就連禮拜六、日都係咁。如果o個個女仔遲到o既話，佢個男朋友就會發晒脾氣咁鬧佢，而最後就要女方道歉。

由於因為個男仔唔返學、無工返 / 成日唔返工，所以呢個女仔每日就死慳死抵、就算口渴都唔買o野飲、肚餓都唔買o野食 ...... 為o既就係要留返o的零用錢俾個男仔用，而個女仔每日o既零用錢就只有 10 蚊加幣 ( 大約有50 - 60蚊港幣 )。每逢夜晚o個餐飯 ( 亦都係每日唯一o既一餐 )，呢個女仔就會食屋企人食淨o既飯菜 ...... 因為佢所有錢都已經俾晒個男仔「吃喝玩樂」。至於呢種生活 ...... 個女仔一過就過o左 3年。有時因為個男仔「大洗」...... 而令呢個女仔o係無晒方法之下，就偷偷地咁偷屋企錢。亦都係因為個男仔，而令到個女仔同屋企人o既關係開始惡劣。

大約o係頭o個半年至一年都好地地，不過耐o左就 ...... 漸漸地呢個男仔就成日發脾氣，而個女方就盡量忍、盡量遷就。就算個男仔亦曾經因為自己訓過攏，俾人炒o左魷魚而「賴」個女仔都好喇 ...... 個女仔最終都係默默承受。甚之乎，當呢個女仔知道佢o既男朋友有第二個o既時候，佢都係選擇默默咁承受。有一次佢終於都忍唔住去問，不過換o黎o既結果 ...... 就係俾個男仔o係地下度拎住隻腳由走廊拖到出門口。但係個女仔仍然一路求個男仔原諒佢，仲應承個男仔當無事發生過。

無論身邊o既朋友點樣勸都好，個女仔始終都無放棄個男仔。直至有一日，個男仔因為要做o野o既關係而要返香港半年，開頭呢個女仔好唔捨得，因為佢覺得佢係唔可以無o左呢個男仔。起初個女仔一諗起個男仔就會喊、一睇到個男仔寫o既信又會喊。但係大約過o左一個月度，呢個女仔突然間 ...... 發覺原來佢係可以無o左呢個男仔，發覺佢原來o既生活並唔係自己o既生活，發覺佢已經無o左自我、無o左原本o既笑容。佢亦都發覺佢鍾意依家自由自在、簡簡單單、原本應該屬於自己o既生活，就連佢身邊o既朋友都話佢開心過以前。最後個女仔就決定離開個男仔，而選擇過依家開心o既生活。

而呢個女仔 ----- 就係我 ~~~

���������������
我之所以打呢故事出o黎，係因為我希望所有o既女仔知道，無論你點樣想盡辦法令個男朋友開心都好啦，始終最緊要o既都係自己o既感受。因為呢段過去令我明白到，一個人係唔可以無自我、無笑容、無自己o既生活。

[SHADOW=255,blue,1]願共勉之 ~~~[/SHADOW]

dante

這種男孩根本就不可愛上,你現在咪幾好,不過你唔可以一次就話曬所有男孩,唔個個男孩都是這樣子!所以要小心看人啊!

OMFG

咁你唔會覺..為左佢付出左咁多..而家就分手..唔會好可惜嗎?...仲有...個位男仔要你車...佢連自己搭車都唔識?__?

EaSKa

下面引用由OMFG在 2004/05/30 09:12am 發表的內容：
咁你唔會覺..為左佢付出左咁多..而家就分手..唔會好可惜嗎?...仲有...個位男仔要你車...佢連自己搭車都唔識?__?

我覺得如果個男仔咁樣對自己, 咁就根本唔需要可惜....
自己付出左o既野, 已經收唔返...
倒不如當呢個經歷係磨鍊.......
日後小心d揀人仲好!!!
下次唔好再為左呢d男仔而付出咁多...
因為佢地係狼心當狗肺嫁!!!!!!
佢地當初唔惜得珍惜, 就係佢地損失.......
當然唔係全部男仔都係咁衰啦!!!!!!

fannyckw

有時付出o既~唔一定要收返同等o既回報~最緊要o既係~自己覺得付出o既o野~
係唔係值得~就算最後個結局係d都好~問心無愧~無後悔就得囉~
因為我覺得~當你做o左一件事~係令你自己後悔o既~我真係寧願你自己唔去做囉~
不過睇完你篇o野之後~我覺得你識諗係好~唔好o下o下都顧人o地感受先~
而唔去理自己想唔想~o下o下咁就人~真係好辛苦~

唔係人

愛一個人愛到冇晒自我
我諗都唔係好事
就算你自己唔覺得辛苦
佢咁對你
都一定唔係愛你
真心愛一個人
更加唔可以俾佢太依賴你

JB

四年前...我都好似你一樣...對住男朋友必定係...個幾句...<係...係...係...>,<唔緊要啦>,<我真係唔介意喎>...等等 直到佢有唔止第一次既第三者...出現...我先醒覺囉~~ 第一次既出現...心情...好驚...好冇助...唔知道應該點做先o岩... 第二次既出現...心情好返d...有左第一次...知道應該點做... 第三次既出現...心情...乜又係咁呀...今次...我係估...唔知又邊個咁好彩...中獎 而今次亦都係我同佢既最後一次... <一個人係唔可以無自我、無笑容、無自己o既生活。>講得好好...好應同

西施

[這個貼子最後由西施在 2004/06/01 05:26pm 第 1 次編輯]

你的經歷雖然過程痛心、苦澀，
但經歷的結果都已表示你，重建了屬於你自己的人生◎＾＾
生命就好像一幅大puzzle，一件件的事件就好像一塊塊的puzzle，
有時左看右看都沒有意義，左拼右拼都好像不合適，
但到生命完結，整幅puzzle砌起來，
方發現每一個方塊原來都有它的位置，都有它的意義◎
創傷、苦難，都是人生嚴肅的課題，
正視創傷，才能重建人生，獲得深刻的智慧◎
戀愛和失戀經驗是人建立自己愛情觀、人生觀的重要里程，
失戀的經驗雖然普遍，卻不普通，
若每個人都能夠正視戀愛和失總經過，
社會便多了一些健康成熟的個體，
才有機會建立多一些健康快樂的家庭，
美好的家庭生活，都是源自鞏固健康的個人和愛情關係◎
分手的經驗，讓人能更成熟對待往後的戀情，
學會面對不同類型的人時，清楚自己是怎樣；
而在可能的情況下，掌握自己的情感，做自己的主人◎

seast79

sorry if you guys don't mind i want to type english coz i don't know how to type chinese
sorry again
i got my wife (is real one) and i got one best friend, one day my best friend told me he like my wife i knew my friend almost 8 years at that time he told me that what can i do. i didn't hit him
i don't know what can i do at that time and also i didn't mad mad on my X wife anyway they togetter but i really buy the member say one thing 分手的經驗，讓人能更成熟對待往後的戀情，
學會面對不同類型的人時，清楚自己是怎樣；
而在可能的情況下，掌握自己的情感，做自己的主人 i hope you guys have the happy life