其實小弟一直有一個想法想同各方高人討論一下,
關於外星人於地球上嘅活動(先假設確實有外星人存在先),小弟有一個假設:
UFO的出現, 外星人研究(綁架)人類, 麥田圈以及其他好多嘅傳聞,可否理解為等如人類以佢地嘅科技去研究其他地球上嘅生物一樣呢？
就好似人研究蜜蜂咁,有幾個昆蟲學家睇住一個養蜂巢,其中一個人喺蜂巢度用手指沾左Ｄ蜂蜜係手指度,然後拎Ｄ蜂蜜去做化驗。另外一個人用手或夾夾一隻蜜蜂,望兩嘢再做個記号再放返巢度，然後開始記碌呢隻蜜蜂嘅活動。第三個人專研究蜂巢嘅,佢係個蜂巢嘅幾個位置又做左個幾個記号。第四個人係研究及拍低兩種蜜蜂嘅戰爭情況。
講到呢度，假設小弟係其中一隻蜜蜂,我會唔會知到”竟然”除左同類之外,仲有人類對我地做緊研究!!我會唔會知到點解個我個蜂巢多左幾個記号(麥田圈)? 我會唔會知到我Ｄ同類點解無喇喇失踪左幾小時(相對人類壽命幾分撞),返左黎個身多左Ｄ顏色(傳聞好多被外星人綁架人氏,事後證實體內有植入物)？我會唔會知到點解個天有異像?仲見到好大個物體略過我個糧倉喎！(嗰條友用手指沾左Ｄ蜂蜜)？我諗我未必知囉。
就算身為一隻蜜嘅我發現異像,我都無法解釋得到係咩事。咁我好驚啦,嗰Ｄ異像異物會唔會入侵我個蜂巢架(外星人入侵地球)？會唔會蜂巢末日架…..
其實有好多野可能好簡簞,但人類就偏偏諗到頭都大埋。又其實外星人可能已經嘗試緊同人類溝通，但未揾到溝通方法。但人類就諗到外星人神通廣大神神秘秘。唔知大家又有乜睇發呢？
小弟仲有一個外星人入侵與否嘅想法,遲Ｄ有機會再同各位討論啦…
|
發表於 2005-6-10 05:32 PM
| 
