- UID
- 52207
- 帖子
- 925
- 精華
- 0
- 積分
- 11858
- 代幣
- 10933 元
- 評級
- 0 分
- 閱讀權限
- 1
- 來自
- 廣州西關鬼屋
- 在線時間
- 0 小時
- 註冊時間
- 2004-9-23
- 最後登錄
- 2007-12-14
|
12#
發表於 2005-2-26 01:48 AM
| 只看該作者
[請求協助]請教學日文的方法
Dear Hollyren,
我覺得學語言用咩嘢方法都係一樣, 最重要嘅係你學嘢嘅心態. 我細細個開始因屋企嘅關係所以住過好多國家, 每個國家都住咗幾年, 我而家暫時可以講7種語言(我都講得唔錯架!). 我而家因為搬咗嚟比利時所以焗住要學法文. 人哋點講, 都係適合佢哋嘅方; 對佢哋可能掂但係你未必適合. 或者我可以提供我學外言嘅方法, 呢種方法對我係真有效嘅, 我記得我細個學日文嘅時候係為咗興趣, 唔係因為要去住; 因為嗰陣仲喺香港, 所以接觸日本人嘅機會幾乎係零. 所以最後我用咗以下種方法, 你可以試吓如果唔啱你嘅話你可以試吓其他嘅方法.
我學嘅時候成日都將自己嘅心態(變)成一個日本人. 嗰陣我每日一起身落床就將自己一當成一個日本人, 起身第一件事就即刻開碟機開日本片, 套片係我最仲意褢面嘅內容基本上我唔識日文我都可以講得出入面嘅內容, 咁唔睇畫係為咗加強聽力. 總之唔開畫面只係聽開大聽啲仲好, 因為可以聽清楚啲每個字嘅發音. 當你咁做嘅時候你會發現, 呢套你已熟能詳嘅片集, 你喺唔知佢做僅乜架! 久而久之你會識咗某幾集嘅日文(唔係內容), 就算RANDOM咁開一段聽咗一陣之後, 你都可以講得出段片做到邊. 聽熟哂一隻碟就換第二隻如此類推; 喺嘅時候可以跟住劇中人講台詞, 呢個行為係為咗練發音, 咁當你知道佢講咩嘢嘅時候, 你就可以開始同劇中人玩對答, 呢個行為係為咗練回答反應. 到一段時間之後你仲可以加埋感情嚟回答添, 呢個行為好可以知道你有無演戲天分(我之後仲做埋舞台劇, 仲攞過獎添!). 當你咁做就等於一起身就已經活喺一個日文嘅環境中(呢個行為對我真係有好大幫助!)
到出咗街一見到日文字就即刻好似見到 HIGH LIGHT 字咁, 試吓讀有時可能喺條街度自己自語, 最僅要唔好怕比人笑, 因為佢哋笑你, 佢哋唔識日本. 反而你唔理佢哋你就可能識多一個日本字. 當喺條街度見到日本人就即刻行近啲佢哋, 試吓適應吓適應實際講嘢嘅音韻. 如果知道佢哋唔識路咁你嘅機會就到喇, 走想前試吓用日文幫吓佢哋, 唔洗怕講錯; 你見到外國人講錯中文你都唔笑佢喇係咪?
**日文嘅音韻係一樣好僅要嘅嘢, 對發音有非常大嘅功效!**
返到學校將寫比自己睇嘅嘢例如: 筆記, 每日嘅SCHEDULE等等... 都用日本寫, 如果唔覺意寫咗喺啲要交嘅APER度嘅話,
咁當MISS問到點解, 你咪照直講比佢知囉!(我當時仲比佢表揚添架!)
喺日常生活度盡量將自己投入日本人嘅生活方式 (佢哋嘅生活方式同文化可以喺網上搵到). 我知道自己唔係日本人但係扮哂日本人又用日本人嘅語氣同另一個香港人講嘢係好討厭, 就好似見到一個土生土長嘅香港人扮哂講唔正中文仲要用啲勁重嘅香港口音嘅英文同你講嘢咁(我以前見過真係唔少呢啲咁嘅人)... 但係你只要選擇適合咁做嘅場合就無問題喇, 如果你要有FRIEND又係學僅日文嘅, 你可預先同你哋講話喺見面嘅時候盡量用日本人嘅態度講嘢...
我覺得當一個對某種嘢有瘋狂嘅態度嘅時候, 咁佢就會自自然然去搵機會接近呢樣嘢. 我當時有個FRIEND去咗日本讀日文我無去, 我只係搵啲什嘜學校度讀咗個初班, 但係一年後佢帶個日本朋友返嚟香港, 當我同佢個日本FRIEND講嘢之後佢個日本FRIEND同我講, 話我啲日文比我個FRIEND好好多, 仲有日本人口音添, 當時我個FRIEND當堂仲黑哂面呀...
你可以試吓呢個方法, 由搵一套有你仲意嘅日本明星嘅片集開始. 希望呢個方法可以幫到你喇!
預祝你早日可以讀, 寫, 講到全無香港口音嘅流利日本; 如果你未有男朋友嘅話, 咁加祝你可以識到個勁靚仔又對你一心一意嘅日本BOY FRIEND喇!
-----------------------------------------------------------------------------------------------------
以上內容是一位好少上E-hell的大帥哥以前留給我的經驗,首先很感激這位會員對小弟我的關心和愛護先!!現在特意刊登出來,希望這些意見對和我一樣學習日文的朋友有一定的啟發性作用(好野梗是羅來大家分享架啦!)!!!!還有就是大家給點意見認為此法如何?我覺得都應該有效的,但是我地學校是按照課本(很難的!)學的,平時我也只是聽日本歌,和動畫片而已~>M<||||||
現在開學一星期了我,兩周後要補考日文,補考不及格就要交錢重修啊!現在真是生死存亡的關鍵時刻啊!點算啊! |
|