未來人

依吾之見，卑弊可指言行不一、笑裡藏刀、不擇手段、偷偷摸摸、橫行霸道等。
認同jammy所言，內政外交屬不同範疇，絕無可比性，宜分開論說。
以當今之世而言，
外交風格最卑弊要數美國，
蓋其自命世界霸主、強迫各國屈從、擾亂各國政局、破壞國際協調、動輒興兵侵略、派兵強駐各國、屢擺偽善面孔也。
內政呢，朝鮮可算卑弊之極，
因它堅持共產極權、大搞政治迫害、盤剝民脂民膏、任由饑荒蔓延、禁止對外交往、製造個人崇拜、肆意擴充軍備。
大膽的說，我覺得日本政府並不大家所說的這麼卑弊。
撇開內政不說，外交上，以色列歷任政府、伊拉克薩達姆政權、前蘇聯和俄羅斯聯邦都不見得比日本更合於道德。
順帶一提，卑弊不同於野蠻，若論後者，吾認為赤柬波爾布特政權、印尼蘇哈托政權及烏干達阿敏政權堪稱一絕，三者均為以赤裸裸地殺人虐人破壞搶掠斂財為己任，連假面具、遮羞布都不要。

檸檬柚子

下面引用由gou在 2005/09/04 11:44am 發表的內容：
本人覺得北韓最差！佢個政府都冇為自己國家人民諗過... 一班食古不化o既uncles...
其他國家差極都係想自己好，正常!!!

唔好咁肯定...
南韓也未見得好好
之前我聽過一篇報導
內容係話 南北韓分界線上..
南韓的一名士兵只是掉了帽子..
北韓士兵為該名南韓士兵檢回
南韓士兵只是說了一聲唔該
被間碟定傳媒影到
公開了出來
北韓沒有懲罰該國士兵
南韓則把掉帽的士兵判監20
所以唔係話南韓就一定好過北韓
南韓仲有好多黑暗既一面

未來人

日本政府(二戰後)有多卑弊？
不承認歷史嗎？至少肯多次道歉和曲線賠償，至少承認南京大屠殺有發生過(爭議在遇害人數，根本上否認此事的只是少數右翼分子)，至少容許人民上網翻查二戰史實http://www11.ocn.ne.jp/~nbbk/143/nankinlink.html，至少沒有迫害村山富市和海南友子等「日本良心」。相比之下，土耳其政府屠殺了一百五十萬亞美尼亞人(幾乎所有成年男性)和許多庫爾德人(現在還繼續受害)，依然當若無其事，拒絕道歉之餘，反指對方誣陷，甚至還禁止社會公開討論，違者以「侮辱土耳其國格」的罪名判處徒刑。誰比誰更卑弊？
侵佔別國領土嗎？也不過是釣魚島和獨島。以色列一度侵佔比本國大數倍的領土，聯合國譴責了三十年也充耳不聞；前蘇聯迫中國承認偌大的外蒙古獨立，吃掉日本的北方四島(報應)，滲透東歐各國，又吞併阿富汗，俄羅斯聯邦承繼其衣缽，永久拒絕歸還中國北方百餘萬平方公里的固有領土；越南你也走不了，有侵佔柬埔寨、老撾和南沙群島的劣跡；美國不用說也知道。誰比誰更卑弊？
挾洋自重嗎？東亞國家中不乏向美國霸權低頭哈腰者，豈獨日本如此？韓國、菲律賓、印尼甚至同為華人社會的台灣和新加坡也加入圍堵中國大陸的行列，其中印尼還在美國中情局的支持下大肆屠殺華僑。誰比誰更卑弊？
民間拍AV又干日本政府甚麼事？阿富汗政府和哥倫比亞政府公然賣毒品賺外匯，這才叫卑弊！
不要因為日本政府多次傷害中國人民的感情而把日本看成邪惡的代名詞。你最憎恨的不一定就是最卑弊的。

chan1

你說哪個方面最卑劣
有不說哪個年代
外交:美國,日本,他們果d行為係人都知道
內政:中國,台灣,美國,滿口掛民主,正義
實際上是利用民主和正義,實行一些行為
軍事:北韓不理會其他國家,造武器
伊拉克 恐怖主義不斷展開,不理會人民感受

未來人

下面引用由chan1在 2006/07/07 01:26pm 發表的內容：
你說哪個方面最卑劣
有不說哪個年代
外交:美國,日本,他們果d行為係人都知道
內政:中國,台灣,美國,滿口掛民主,正義
...

美國卑弊，近乎全球公認。
但你話日本同樣卑弊、D衰野係人都知就不敢苟同。
全球似乎只有中韓兩國先至有反日浪潮，
唔少國家(包括所謂兄弟民族又有權獨立既蒙古)都對日本有唔錯既印象，
再者日本政府係好多方面都冇嗰D霸權國家或者獨裁國家咁不擇手段，
佢有做既某D衰野，其他國家恐怕猶有過之，
就住歷史問題全面否定日本政府並唔公允，
唔好只著眼於過去，
而中國既觀點亦唔代表世界既主流睇法，
唔好太自我中心。
噢，數漏左無賴帝國──英國，
名副其實唯恐天下不亂，做美國走狗不在話下，
中東問題、非洲戰亂、印巴對立，乃至香港衰退，
好大程度上由英國佬一手搞成，
仲未計蘇伊士運河危機、福克蘭戰爭同中英談判既帳。
日本？濕濕碎啦！
數黎數去咪得歷史問題同邊界糾紛！

000999000

日本同埋美國,,,,
佢地兩個國家做埋d野不嬲都唔見得光

klt12345675

如果你話美國系地球的警察，你該去看看八國聯軍侵華曆史
你話日本政府封鎖同更改消息比中國高級很多很多是說日本政府風格最卑弊

小明

美國佬最乞人憎.自命世界警察.而家佢搞到一身蟻 .問佢死未?自大狂...!

未來人

回樓上兩位︰
1. 政府做野好多時都唔見得光，何需特別針對日本，緬甸連遷都咁大件事都唔公開，北韓連天氣資料都列為國家機密，我哋既偉大祖國亦處處禁忌，上網搜尋六四事件會自動斷線，邊個更唔見得光？
2. 用八國聯軍之役為例佐證美國卑鄙相當乏力，第一，出兵既有八國，唔鬧下意大利、奧地利卑鄙？第二，領導聯軍既係德國，統帥叫瓦德西，德皇威廉二世又揚言要狠狠地教訓中國人，事件中最扮大阿哥既仲唔係德國？第三，出兵最多既係日本同俄國，美國只係SMALL POTATO而已；第四，當時軍紀最差、野心最大既係俄國；第五，美國係唯一一個肯退還庚子賠款俾中國既侵略國。
3. 日本政府唔係封鎖資訊，只係隱瞞同歪曲事實(當然亦有賴軍方同民間既配合)。有日本網站探究二戰史實，亦有日本網民到美國雅虎討論二戰問題，唔通咁都算封鎖？最惡既反而係動輒喊打喊殺既民間右翼分子，如日本皇民黨之類。
我唔係為駁而駁，只係覺得你哋有咗預設立場，加上未了解清楚事實，立論或論證唔夠穩當。

coolants

有人類就有野心，權力越大野心越大，唔理邊個國家都一樣！
受害嘅永遠之有平民！