一個由日本製造的洋娃娃已經推出左幾十年,洋娃娃個名叫莉莉.
呢個公仔剛推出時,玩具商為宣傳而設立了電話錄音播放服務.只要打去娃娃錄音的電話號碼
就可以聽到洋娃娃莉莉的說話,內容大概係咁:喂喂,你好嗎?我是莉莉,多謝你打電話俾我,我們
做個好朋友洋娃娃當然唔識講野,電話錄音自然由配音員錄的.
據說當年有個女孩的父母有要事外出,剩下佢自己一個係家,到左傍晚時份,天色漸暗,雙親都未
返,女孩開左電視,見到洋娃娃莉莉的廣告,勾起左佢的好奇心.
佢諗左一陣,女孩決定打電話去聽莉莉的[聲音]
電話通左~錄音帶就開始拍播放.「喂喂,你好嗎?我係莉莉,多謝你打電話俾我,我們做個好朋友
吧.」個女仔聽完就收左線,覺得好得意,過左20分鐘左右, 佢又打去俾「莉莉」,電話錄音播放.
「喂喂,你好嗎?我係莉莉,多謝你打電話俾我呀,我快要出門口了,拜拜」個女仔發現個錄音唔
同左,就惹起佢既興趣.
過左20分鐘,她試下再打電話去聽聽「莉莉」所講既內容.「喂喂,你好嗎?我係莉莉,多謝你打
電話俾我,我依家正在途中,你等我吧.」女仔仍未覺得有咩問題,只係覺得好好玩,過左一陣,佢
又打電話俾「莉莉」.
「喂喂,你好嗎?我係莉莉,多謝你打電話俾我,我已來到你家的門口了」.............
女仔大吃一驚,嚇到即刻收線,再唔敢打俾「莉莉」
但係,屋企既電話突然響起,個女仔嚇到成個人跳起,但都諗,可能係佢父母做完野返黎,所以就
打電話俾佢.個女仔拎起電話筒,原以為係佢媽媽,但傳來的是「莉莉」的聲音.
「喂喂,你好嗎?我係莉莉.多謝你打電話俾我呀,我已經係你後面了」
個女仔聽完,當場嚇暈左......
據說女仔的父母返家時,發覺自己個女暈左係地下,都嚇左一跳
無幾耐個女仔就醒返,話俾佢父母聽關於莉莉的事,佢父母自然唔信啦,但小女孩堅持話佢所講
的事係真.
從此呢個傳說就在日本廣泛流傳了~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
我睇完後，覺得好心寒，唔該，仲要邊睇邊諗０個情景，唔驚就假，
比著係我丫，，唔只暈呀，嚇死都有份，，
不過，，我又諗，唔知係唔係D配音員玩佢呢?!
|
發表於 2005-6-23 04:38 PM
| 
