近日相信大家都聽到唔少有關2005年嘅預言. 係真係假今年一日未完一日都唔知會唔會發生. 有好多個預言家都預言過今年會有好多事會發生, 雖然有好多唔同嘅講法, 但係主要都係針對唔好嗰方面嘅. 我喺呢邊亦都聽到唔少呢啲負面嘅消息.
以下文章只係本人嘅睇法, 如有任何得罪請大家多多包涵.
我曾經聽過有人話: 己然都將會發生咯, 咁咪唯有默默接受咯!
我自己係絕對唔讚成默默接受嘅.
天氣已經開始"反常咗"一段時間, 相信大家都應該知道架喇.
我覺得係地球之所以中毒, 都係我哋一手一腳做成嘅,
己然係咁, 咁我哋係咪應該有責任去攪返好佢呢?
雖然話唔可以完全令地球回復到中毒前嘅狀態,
但係至少喺地球自爆之前我哋可以減低天災發生嘅次數.
天災死人... 呢啲只係大自然向人類收嘅帳.
我哋浪費咗咁多有限嘅資源, 咁付出返少少係唔係好正常呢?
世界係無免費午餐架嗎?
何況我哋食咗咁多, 唔將啲骨好好攪掂仲要吐返喺地球身上?
如果要默默接受嘅話, 咁同打完人一身之後,
企喺度等對方嘅人打返你有咩嘢分別呢?
如果真係咁做就只會做成惡性循環...
己然今日有咁多人預言咗咁多咁負面嘅嘢,
咁我哋只係向悲覲嘅方向唸都係於事無補架.
我相信念力同意志力係可以改變好多事.
唔好以為睇HUNTER X HUNTER至有(念)吖!
我認識一啲人, 佢哋本身都係練(念)嘅,
而佢哋亦曾經有好多成功嘅例子.
我自己亦試過用念嚟改變一啲未發生帶有(負能量)嘅事,
雖然係唔容易做到, 但係到最後亦都比我成功咗.
我認為只要我哋將念力用喺(正)方面嘅話,
我相信有好多(負面)嘅事都可以改變得到嘅!
雖然話人類嘅力量未必一定可以勝天,
但係我相信如果人類肯同心合力去做一啲嘢嘅話,
人類嘅力量絕對唔係螳臂擋車架!
就以大家向南亞地區酬款嘅行為為例,
咁短時間就已經籌到咁多錢, 你估真係搵幾個富豪捐錢就夠咩?
我唔知大家信唔信, 但係己然都已經有咁多人都預言咗咁多(負面)嘅事,
咁大家不妨試吓用自己嘅念力去將呢啲(負能量)變返(正)吖?
我哋而家唔係上僅數學堂, 唔係負+負就得到嗰種正架.
如果大家一齊(負)嘅話咁當地球嘅人類完全玩完之後,
要再等下一輪嘅單細胞生物進化至(有機會)有人類嘅出現!
咁要再等多幾多年至等到呢? 就算好彩進化到有人類,
到時地球仲有幾多年就會自爆呢?
咁到時人類嘅文明又可唔可以阻止得到人類再次嘅滅亡呢?
我唸你都唔想咁樣推落去掛?
如果你怕單憑你一個人嘅能量唔夠嘅話, 咁咪搵多幾個人一齊做囉!
我呢邊已經有人做僅呢啲動作,
據我所知呢類動作已經開始咗, 仲超過10年嘅歷史添.
而世界各地已經有人開始咗做呢啲動作嚟增強地球嘅(正能量).
你信唔信一個人可以抬起幾百萬人吖?
咁你話單憑一少撮人類嘅能量可唔可以將地球嘅磁場改變呢?
無錯發生咗嘅事我哋係無辦法可以改變,
但係未發生嘅事係可以由我哋嚟控制架.
醫生一日未停手, 病人都仲有生存嘅希望!
大家... 肯唔肯做哋地球嘅醫生呢?
Once upon a time, 曾經有人話1999年7月就係世界未日...
咁請問而家係邊年邊日呢?......... |
發表於 2005-1-10 05:53 PM
| 
