分享飛過屋頂嘅螢光物體嘅經歷 香港, 地球, UFO, 龍, 女朋友, 西貢

kazama

我住比利時, 呢度夜晚睇星可以睇得好清楚(至少比香港嘅西貢清楚好多).
之前有一晚, 就喺我啱啱搬到嚟呢間新屋嘅第二個禮拜, 當我望出窗口睇星星嘅時候, 突然見到有一棧緑色燈由我前方向我屋頂嘅方向快速咁畫過天空, 因我個窗嘅SIZE有限, 所以睇到嘅時間唔耐. 當我打開窗望出去嘅時候棧燈已經唔見咗, 嗰棧燈嘅高度唔係好高, 就好似以前喺九龍城見啲飛機起落咁, 嗰陣啲飛機嘅高度又唔係好高. 而我見到嗰棧緑燈嘅高度有啲似以前喺九龍城啲飛機嘅高度.
之後唸噃起, 當我見到嗰棧燈嘅時候, 嗰棧燈嘅光度係唔會覺得刺眼嘅, 就好似喺DISCO嗰啲螢光燈咁, 總之就覺得唔係由光管或者燈膽所發出嘅. 最奇嘅就係我見到嗰棧燈嘅時候係聽唔到有任何聲音, 連我女朋友都聽唔到.  因為如果係飛機至少都會有引擎聲, 但係今次就無......
事後我打過去呢度嘅天文台問, 佢哋話無收到有任何UFO嘅佈告或電話...
另外有一次大約喺十幾年前嘅一個夜晚大約７點幾到, 我同屋企人去泰國玩, 我望上天見到天上面有一粒同星星差唔多大嘅白色物體喺天上面以直線飛行, 而佢嘅速度係比佢下面飛過嘅一部飛機要快好多； 以我所知一般呢講位於比較高嘅飛機睇起上嚟會比較低嘅飛機飛得慢; 但係嗰粒白色物體飛得比飛機仲要快好.  本來我以為係人造衛星, 但係後來唸清楚, 人造衛星唔係應該以地球嘅軌道同速度運行嘅咩? 而人造衛星點解會飛得咁快嘅呢？　
呢件事令我覺得好奇怪有好多問題, 我試過同好多人討論呢個問題, 但係此終都無人答到我.  如果有人知道點解嘅話, 希望可以解答我多年嘅疑問.  Thanks a lot!
如果你都親眼見過不明飛行物體嘅話, 不妨同一齊分享吓吖?

mawunlam

我覺得你見到嗰粒白色嘅係流星囉=.=
白色飛得好快吖ma∼我都見過一粒灰灰地色既流星啦~
好出奇咩@@?

kazama

我都有考慮過係流星, 但係(以我所知流星)之所以比我哋嘅肉眼睇到, 係因為外太空有物體以高速經過我哋嘅大氣層而產生磨擦繼而發光, 咁我哋就會見到所謂嘅流星.
但係我喺呢度所見到嘅飛行物體嘅高度大約只有以前九龍城嘅飛機上落嘅高度; 點解我會知呢個飛行物體係喺大氣層以下嘅呢? 因為我見到唔只有光環, 我仲見到發光原體嘅原體; 就好似一個喺大霧嘅時候楂車嘅人見到對頭車嘅車燈一樣, 佢會見到發光體嘅原體(光管)同埋比霧分散咗嘅光即係散光. 我睇到野當晚係無雲仲好清楚見到月光添, 所以我至會有疑問.  
而之前我係泰國見到嘢嗰晚都係一樣, 雖然見唔到月光但係好清楚見到好多星星, 嗰粒白色嘅飛行物體雖然比佢下面嘅飛機飛得快, 但係就冇好似流星飛得咁快; 嗰粒嘢嘅出現時間有至少成分鐘咁耐, 最後因為佢嘅體積同天上面嘅星星嘅體積差唔, 而我見到佢嗰陣因為有太多星喺個天度嘅關係, 最後因為唔留心就唔見咗粒嘢喇. 呢個問題真係纏繞咗我好多年, 但係咁耐都唔人答到我.
如果大家都見過有啲"嘢"喺天上面飛嘅話, 不妨一齊喺呢度傾吓吖?