celiaw

咁啱睇到l哩個問題，明天又喺端午節，希望唔會嚇親大家啦！
我以前住白田邨，因屋企開地舖，所以認識很多街方同朋友。
在20年前，我有位女性朋友(住樓上)於端午節當日同其他人去游龍舟水，第2日，有街方話佢好似游水撞倒嘢，我不以為意。第3日下午約2-3點，佢(女性朋友)嚟我舖頭搵我哥哥(因為佢喜歡我哥哥)，我第一眼見佢同平時有D唔同，佢無着鞋，頭髮同個面都好多水滴緊，雙眼增大同好多紅根(我同佢面對面)，跟住佢問我：你啞哥喺唔喺度，我聽到係男人聲(好沉)，即時心一寒，但表現不驚，我回答：他不在，她便走了，但佢喺我舖頭後門攞咗我啞哥一件恤衫。其實我啞哥同其他朋友一齊避佢(驚佢見倒後會有咩嘢發生)。之後幾日都無見過佢，直至1星期後再見到佢同回復以前一樣。
原來佢游水撞倒個男水鬼，話要佢做老婆，後來佢屋企同隻男水鬼講價，男水鬼要求於舊曆5月15日前要燒衣紙及打齋比佢，先冇事。