雨夜屠夫林過雲詭異軼聞(實錄) 雨夜屠夫, 林過雲, 屍體

cherrybb

呢位冷血計程車司機,前後將四名女乘客接到僻靜o既地方,用哥羅方將佢地迷暈,先
姦後殺.而最殘忍o既地方,係佢事後將屍體進行精細解剖,將性器官做成標本,重拍低相
片做記念.不過天網灰灰,最後事情因為佢將菲林o羅去沖曬,而得以揭發.
林過雲入獄之後,一直都表現都好冷靜,好少出聲,而且對佢做o既事,從來無表示
過一點悔意.懲教處職員亦都好怕同佢接觸.除左怕佢身上果種戾氣之外,好多人都不約
而同感覺到,佢身邊有一陣好重o既陰氣,令人卻步.
有一次,懲教處人員帶佢去空地上放風,俾佢自由活動.由於佢屬於危險犯,所以成
個過程,都會被嚴密監視住.而一位懲教處主任,竟然透過閉路電視,見到有四個半透明狀
人影,一直係林過雲o既身邊飄來飄去,佢行到去邊,人影就跟住佢背後,一步都唔離開.而
最令人心寒o既,係呢四個身影,望清楚,都係支離破碎,手腳同身體好似隨時會分開,只係
好勉強咁湊合係番一齊有傳說話,四個被害o既冤魂,因為死不甘心,所以一直纏繞住佢,等候機
會報仇,但因為林過雲身上o既殺氣太大,所以冤魂無法子埋佢身,只可以係佢附近徘佪.
過左咁多年,雨夜屠夫身邊果四個冤魂,己經好少係監獄入面現身,有傳林過雲近
年行為,有向好o既轉變,佢係係真心悔改,定係另有所謀,就不得而知.

butn

***** 板主模式 ***** 該文章是管理員從幽靈鬼怪(香港地區)轉移過來的！

PANERAI

其實~林過雲~仲有無機會放返出黎呢？~佢個心諗咩只有佢自己最清楚~如果真係有機會放出黎~咁咪會有一定危險性......！！

闇空使者

這些事都是成日都有傳的了
不論件事是真是假
這些年來都夠牠受了

紫筠

其實有時一世無自由都幾慘架
佢已經為佢所做架事受緊懲罰
唔知佢有無可能出得返黎呢

fungchiyuen

都好似聽過有傳聞在監獄中林過雲係生人勿近，連一些黑幫大佬或大賊都驚左他，話佢邪氣好重。不過林過雲在獄中鑽研術數(佢被捕前都識測字之類)，仲好有心得。他幫寶馬山雙屍案兇手尹三龍算過可出獄，真的尹三龍好快就出監。林過雲好似【沉默的羔羊】中的食人博士(安東尼鶴健士飾)，既恐怖得來又給人深不可測的感覺。

taoming

據另一傳聞，懲教處人員在晚間巡房時皆不敢望向林過雲的獨立監房，原因有晚負責巡房的懲教處人員聽見從林過雲的監房中傳來女子的聲音，於是探頭往門口的小窗一看，發現有一類似女性靈體正與林過雲交談，嚇得該職員即時離開並通知上級，而從此以後每晚也無須再理會林過雲在監房內與別人交談。

morningcall

i heard above stories before.  they are so scarely, but i don't think 林過雲 would be free one day.  he is the nightmare of our lifttime

小旋風

如果真係有,甘林過雲見唔見到過四個靈體呢

moonsky

我多年前在圖書館找書時偶然在一本丟下來的書上見過林過雲的相，好像是他在一塊不知是破鏡定玻玻璃前影的相，雖然現在我已經唔記得他的樣子，但那些鏡/玻璃裂痕加上他那平靜而帶殺氣的感覺到現在還記得，當時看完之後我有d驚，立即將本書放回書架上
(我自問唔太識影相，我當時真係唔知佢當年自己點影和點解要影依張自拍相)