過多3個禮拜就係我一個朋友o既死忌 ....
三年o黎都從未忘記過 .... 甚之我o地相處時o既每一個片段同回憶都記得好清楚,
就連佢過身之前同我講o既說話都清楚記得。
每一年我都會諗返起一個夢, 一個佢報o既夢 ( 至少我覺得係 )
o係夢入面我o係搭緊飛機去地獄 .... 唔 .... 無錯, 係去地獄。
機倉入面四圍都係火, 之後我個朋友行過o黎,
點之..... 佢問我:「你近排點呀?」, 好奇怪地 .... 我竟然答佢:「幾好o丫!」
之後我就醒o左。
有時見到個鐘或者隻錶顯示個時間係 11:11, 我就會覺得係佢俾我o既 msg, 人o地話當你見到
個鐘或者隻錶顯示個時間o既數字係一樣o既話, 就係代表有人掛住你。
好巧合地, 佢過身當日 .... 我去出事現場拜祭佢, 點知我就見到 11:11。
可以o既話 ..... 我真係好想見多佢一次, 可惜 .... 自o個次之後就無o左夢見到佢
o係呢幾年o黎, 呢件事 + 我o既感覺一直都埋藏係我心入面, 從來都無同人講過 ....
我真係好想喊 .... 我好憎o個個"累"到我朋友過身o既人 ..... 有時我都覺得幾辛苦。
希望可以透過呢篇文章o黎舒緩o下。 |