在2004年3月20日星期六晚上6時左右,
在旺角通菜街,124A,A1地下藝美寵物店~老闆黃日明~這間黑店的圖片和地圖同埋係周刊的報導)買了一隻八哥犬,約兩個半月大.當我在店內第一眼看到這隻八哥犬時,真係好合眼緣,個SALES就走過黎同我講,話隻狗好得意架,又話佢身體好健康,,眼仔又亮晶晶,舌頭又紅,而且仲有針咭證明佢已經打過針架啦,你可以放心買.她還教我點樣養狗,話要比佢飲水喉水,唔可以飲熟水,因為佢係飲開水喉水,如果唔係佢會唔習慣架,而且每星期可以幫佢洗澡一次.由於今次係我第一次買狗,幾經辛苦才勸服爸爸媽媽肯比我養,而且個SALES所講狗的特徵同我在綱上睇到的都係差唔多.最後我用左$1680買左佢啦,仲用左$720買埋其他用品.不過張單據上就寫明24小時後就唔關佢地事,可惜當時我太過開心啦,所以根本就冇考慮過這些問題,因為佢地打得開門做生意,我就覺得佢地係會有保證,不過點都想唔到佢地原來係一間黑店.
第一日番到屋企,我立刻從代 裡放佢出來玩,佢係地上不停地用鼻子聞地方,樣子真係好可愛呀,令我全家都 為他留下了一個深克的印象,而且我的爸爸媽媽還因為幫牠改名而吵了架,最後我地就將佢叫做LUBY啦.
第二日啦,LUBY仲係好活潑,在我放在地 上的枕頭上不停地打滾,仲好好胃口,而且常常發牙癢,咬我的手指,還很喜歡爬上SOFA上,但佢太細粒啦,根本都爬唔到上來.
第三天了,LUBY都冇咩十分特別唔正常,只不過 係常在籠子裡睡覺,但到了晚上10時左右,看見牠吐出了一些啡色的物體,當時我好驚,於是我就立刻上綱找獸醫診所的電話,但好可惜已經太夜了,冇醫生睇啦,全部都關上門了.
第四天了,LUBY的情況愈來愈差,不單只又呵又嘔,還在籠中不停地打冷震,而且已經唔肯食野啦.我連忙立刻帶LUBY去睇獸醫.診證後,醫生話佢染上病毒性腸炎,通常係動物傳動物,濳服期為7至10日,死亡率極高,當時我個心真係好痛,好灰.醫生仲同我地講,你地買左四日,應該係係寵物店染上的,而且24小時內係根本係睇唔到佢係有病架,如果要醫佢,就要留院醫,但都唔能夠保證可以醫好,也不排除期間死去.之後醫生仲問左我平時佢食D咩,講左之後,醫生就罵我,係唔可以用水喉水比佢飲架,因為香港D水係好唔清潔.最後我冇將LUBY留院,因為入院費實在太貴啦!要$2000按金,而且剛剛的診金已經用了$500,我根本就負擔唔起.
離開診所後,我走去同果間寵物店理論,但佢地D態度真係好差,仲有個大陸女人不停地用粗口罵我,話24小時過左唔關我地事,仲話醫生有時係唔可信,但測試結果已經出左,如圖可見兩點綠色就係.
之後仲話我地唔識養狗,唔比水佢飲,攪到佢脫水.其實唔識養狗係佢地自己,都話明係病毒性腸炎,病徵係呵同嘔,冇胃口,你話點會唔脫水呢?之後有個呀叔走過來同我講,佢自己幾日前買左兩隻芝娃娃,有一隻唔夠十日就死左啦,最後個SALES話我地都要負責任,要我地再比多$300換過隻八哥比我地,但我地當然唔肯啦!因為病毒性腸炎係動物傳動物架,我唔排除佢D狗全部都係有病.
我帶住傷心的心情番到屋企,眼白白睇住LUBY又呵又嘔,而且還帶有血絲,而自己又咩都幫唔到佢,真係好心痛,好似睇住佢係自己的懷抱裹等死,我好後悔我當晚冇比佢留醫.結果,果晚我陪LUBY到天光,其間每小時喂佢飲一次水,但根本就冇用,因為佢全部都嘔出來.
第五天的早上10點左右,我立刻帶佢去診所留醫,我在門外等左兩個幾鐘,個護士就同我講.機會好微,因為 LUBY已經嚴重脫水,根本連靜脈都已經找唔到,打唔到鹽水同擴生素,叫我有心理準備和番去等消息.晚上六時左右,我再去診所問情況,醫生仲話發現有狗瘟,濳服期更長達兩星期多,仲話可能過唔到今晚,最後LUBY就離開左我啦~~~~~~
第六天的早上9時左右,診所打電話來問我點樣處置LUBY的屍體,佢地話火化要$1400或幫我地棄置去堆田區就要幾百蚊,但我心諗,不如我自己幫牠埋葬仲好,都唔駛甘貴呀.當我拿回LUBY的屍體時,我的姐姐也不禁地哭左出黎,我諗大家想都未想過自己會拿住自己心愛的狗狗的屍體時的感覺是怎樣,但我可以話比大家知,這種感覺係好痛苦架~佢個身體雖然比一個很大的黑色膠代包實,但你仍然還會感覺到佢那冷冰冰的身軀,四枝動也不動,還可以感覺到牠那裡是頭,那裡是身軀,那裡是手腳,這種痛苦的感覺,唔係可以用文字就表達到比大家知~最後我地把牠埋左去自己屋企附近的山邊,臨走的時候,我最後可以做的,只是為luby留下一滴眼淚~
如果大家係有養狗的話,應該係會好明白我現在的心情,第一次養狗已經攪成甘,我已經再冇信心再去養狗,而且對狗還有些恐懼,因為我唔想有狗狗再次死去.雖然LUBY和我相處的時間唔係好長,但彼此間已聯繫了一份很深的感情,牠令我情緒低落,精神上同心靈上嚴重創傷,而且仲令我開始失眠,每當我正睡眠之際,我就會聽到LUBY的哀怨聲.
我希望大家唔好再去這間黑店,我唔想再有些愛狗人士再變成受害者,因為果間寵物店係不負責任,唔專業,忍暪狗有病的殺狗兇手.
如果大家睇左之後有咩野想同我講或者有相同的個案又是在藝美寵物店(黑店)發生,可e-mail比我,我會盡快幫你地刊登上綱,讓更加多人知道. |
發表於 2005-6-22 04:23 AM
| 
