- UID
- 97899
- 帖子
- 2
- 精華
- 0
- 積分
- 10003
- 代幣
- 10001 元
- 評級
- 0 分
- 閱讀權限
- 50
- 在線時間
- 0 小時
- 註冊時間
- 2006-12-14
- 最後登錄
- 2006-12-20
|
1#
發表於 2006-12-14 02:49 AM
| 只看該作者
2004年我買著自己樓{是新樓},裝修到一半的時候唔知點解幾日都聯系唔到個設計師,後來有日設計工司打電話來話幫我設計個個設計師無端端在家煤氣中毒死著,甘無計啦。唯有換設計師啦。後來裝修好著入去住。點知的更奇怪的事就來啦。首先系的彈珠聲依然有。仲恐怖著。個的聲仲可以次次唔同方位甘來。可以由餐廳度一直彈彈下甘彈到我睡房。又可以由廁所開始彈彈下彈到我睡房,反正我個時人系間屋的邊個位個的聲就會彈到個個位停(就是我頭頂},有時仲有半夜推台呀,移動家私的聲,{系天花板傳來的},也試過的燈會自己息著,但檢查個燈的開關是開著的,後來重開個燈就無事,開得著的。最恐怖就系的房門會自己打開,開始時我以爲是自己唔記得關門者,但是後來有次我是客廳度講緊電話,系我後面的主人房的門是“啪”一聲後就系我面前開著,當時嚇到我不得了,但是我份人天生比其他女仔大膽,而且我心谂我又無害過人地,有咩好怕呢!後來我實在不勝其煩,就鬧粗口,好怪的就是我一鬧粗口個的聲就會停,過著幾個月後,“它”又玩其它也就系試過幾次風扇會自己開著{有次仲是我一個大肚的朋友是我度住,他訓訓下覺時走出來問我做咩入來幫她開著風扇,凍到她啦。},同埋電視机自己开。後來有一次我先生放假,睡到中午時出客廳,剛出客廳要行去走廊去WC時,走廊的牆上一列4幅的大落地鏡竟然系最近我先生行近個幅突然成幅爆列著,當我聽我先生形容當時的情形就是好像有一個人由鏡內要衝出來{因我先生講是鏡爛個一下他好象見到幅鏡是中心位好象大肚婆甘是先漲起中間的}後來我就聯想到我的小狗狗幾乎晚晚都會是陽台好像發現的咩甘好突然甘衝入走廊對住個4幅落地鏡鬧吠,就好像發現有的咩甘,但狗狗一衝入來對住塊鏡吠幾下的時候就會好像裏面有什麽東西要打我只狗狗甘,狗狗會向後一縮,好驚甘,跟住夾住條尾走番出露台,!呢個時候我就驚啦,因爲發生著甘多也你唔向個方面{屋企有唔幹淨的也}聯想都唔得啦!!{其實我同我先生都是無神論者}。
甘我就去找著個法師,他叫我先要拆著屋企的鏡先。話屋企系最唔應該裝鏡,你地仲裝甘大幅{我地的鏡是長4.5米高1.5米}。同埋又幫我地擺著個局。甘我就以爲無事啦,點知,就系拆好鏡同擺好局個日的傍晚,我媽咪同我爹地是度睇電視,點知的彈珠聲又系甘由廚房天花板度一直彈彈下甘彈到我媽咪坐的地方的天花板頂,我媽咪就知咩事,我媽咪當時好生氣甘對住個天花講“你唔好在搞啦,有咩需要大可同我地講,你甘搞落去咩意思呀!小心我找人收著你”講完的聲就停著,後來8點幾的時個我媽咪因太累就睡覺了{因爲的法事是我媽咪幫我搞的,我個日返工唔得閑},點知我媽咪是半夢半醒間感覺有也要上他身,因爲我媽咪開著冷氣睡緊,個時個感覺就是好像有一團火系他的背後面慢慢逼近,{因我媽咪有陰陽眼,但是有時睇到有時睇唔到個只,睇唔到時會感覺到,同埋他試過鬼上身,所以知咩事},甘我媽咪就立刻轉身{我媽咪當時系側身睡緊個種,後來就立刻打平身}我媽話甘個只也就上唔到他身。後來我媽咪就立刻打給我,講番的也我知。甘我就知個局無用,但無計,唔通層樓唔住咩。,爲有再睇下有的咩事發生再算啦!
點知過著幾個月。當我媽咪再來我屋企探我時,因太夜就系我度睡,點知他睡到第2日朝頭早8點幾起身去WC的時候。突然一行出房門只耳仔耳鳴得好厲害,當時他打著個突,心谂唔系要見到個的也呀嘛{因我媽咪要見到個的也時他是會先出現耳鳴的}後來他都是唔理如常去WC,她以爲是路過的者。點知去完WC出來就系餐廳度給他見到有個白色但是人形的靈體坐著系餐椅,背住我媽咪,仲是無頭的,但後來我媽咪話覺得是個女性。反正我媽咪一見到後個只也就唔見著啦!我媽咪唔敢講我知,心谂“好,你給我見到,甘我就住多幾日睇你玩咩”因我媽咪的谂法是人怕鬼3分,鬼怕人7分,同埋她都想通過她來睇下個只也是想點,有咩要求,系唔系就系“它”搞緊我地,後來反而我媽咪住著幾日後都無事發生,{但是系我媽咪在我屋企住個幾晚試過3晚個的也無端端開過我媽咪的門外},後來就我媽就返去啦。後來一個月後我媽咪又來我度,來幫我地拜拜神,{但系我屋企是無裝任何神像的,我媽咪是想來燒的也給個的也,希望“它地”唔好再搞我地},點知系傍晚時,他幫我地倒垃圾回來時,一開大門入番屋他見到一團無我媽咪甘高的白色煙霧阻是他前面,但好快散著,他當時心裏有數,無出聲,點知系個零鍾後我媽咪突然病起來,仲是占寒占冷個種,我話同她去睇醫生,她話唔使,要走,我話你唔舒服就系度睡一晚啦,我媽咪都唔肯。後來幾日後。。。。就是2個月前,我媽咪約我出去,同我講,個間屋唔可以住啦,同埋講著話見到個只也的情況我知,我媽咪話“個的也系你間屋度系甘搞搞震,都算啦,當時以爲“它地”貪玩者。但是個次塊鏡就系我老公面前爆列爛著,差的傷到他,仲有個頭擺完個局者唔夠幾個鍾者個的也又來搞搞震啦,擺明系度示威同埋講你知你個局無用是廢的者,點知依家仲現哂樣甘給我見埋,應該已經好惡加啦。你地再住落去怕有事會出”甘話...........
現在我地兩個已經准備要搬走,但系,我地真是好唔甘心,點解我地會甘黑仔,請師傅都搞唔掂,所以我抱住一線希望,系呢度請教大家,希望各位高人指點下,幫幫我~~~~~~~幫幫我!!!THANKS |
|