首次接觸靈體~~~~九龍公園.... 龍, 靈體, 九龍公園, 九龍

雪子

當時大約夜晚9-10點左右........我同個朋友係一個大草地旁邊既椅度傾計.......係個草地後面係
一座建築物......不過我唔記得係博物館定咩黎.......總之我既位置係近海防道果邊既........
果個圓形大草地有矮叢圍邊.......大約3尺高左右......D矮叢外圍有條小路.....類似步行徑咁.......
而我地就係坐係條小路比人休息既椅度......傾左一陣......我就見到一個男人唔知係幾時"mou"
左係我地前面既矮叢度......佢拎住兩塊類似BBQ size既鐵絲網......一塊新一塊舊......我直覺
佢係度換鐵絲網.......咁就不經意咁同個朋友講左句"個男人係度換鐵絲網~~".......之後我就繼
續講其他野.......點知我朋友問返我咩男人.....換咩網???......我再望返去矮叢就唔見左個男人..
我當時仲未意識到咩事........仲咬定個男人係換鐵絲網同形容佢既樣貌......佢著住粗橫間條
T-Shirt.......戴住頂Cap帽......面好圓既.....我朋友再問我邊度有鐵絲網換???.......我先睇清楚果度
根本就冇鐵絲網圍邊.........再諗清楚......如果真係有個人"mou"係度.....當佢企起身走果時冇可
能睇唔到..........之後我地就即刻走人......唔敢再坐係度喇~

sze393

你朋友係即時問你咩男人嗎....??
可能佢真係走咗...
但你冇留意呢....!!

ppymlo

我以前識得個女仔，佢係有陰陽眼。
佢有次同我講，有次佢同成班表姐弟一齊去九龍公園玩，
當佢一去到九龍公園一陣，已經睇到好多靈體。
佢當時怕嚇親的表姐弟，唔敢出聲，
最後佢地玩完返屋企，佢先敢同佢老豆講返。
所以我都信九龍公園好猛。(因為果女仔曾經是我的女朋友。)

ppymlo

再補充的野先。
果女仔平時都會見到的靈體，
但佢話未試過一次見到咁多靈體同時出現，
所以佢都好驚。

雪子

下面引用由sze393在 2005/04/24 02:41am 發表的內容：
你朋友係即時問你咩男人嗎....??
可能佢真係走咗...
但你冇留意呢....!!

係呀........我同佢講完話有個男人係度..........再講第句野果陣我朋友就問我喇....
即係我朋友都有搵過.....但見唔到先會問我.....如果真係有人企起身走......冇理由會睇唔到.....

雪子

下面引用由ppymlo在 2005/04/24 09:15am 發表的內容：
再補充的野先。
果女仔平時都會見到的靈體，
但佢話未試過一次見到咁多靈體同時出現，
所以佢都好驚。

咁你知唔知佢平時見到既靈體係點樣架??.....可唔可以分享下呀??.....

tingting05

香港好似好公園都會傳鬼故既..........不過佢地都冇搞過我地呀~有時嚇下我地者

ppymlo

下面引用由雪子在 2005/04/24 03:50pm 發表的內容：
咁你知唔知佢平時見到既靈體係點樣架??.....可唔可以分享下呀??.....

個女仔好少同我講關於靈體的野，
因為佢話怕嚇親我地。
果次佢同我講關於九龍公園，
都係因為我提意去九龍公園拍拖，佢先講出o黎。
果次佢有形容九龍公園果的靈體，
佢話果的靈體有的無左頭、有的成面都係血，
大人細路仔都有。
佢都只係果次先有同我講關於靈體的野，
之後一直到分手都唔肯再講。