時間:2001年12月
地點:日本東京
那次同朋友去日本旅行,在東京某酒店,我朋友同佢女朋友一間房,而我自己就瞓一間單人房,咁我就如常般拿鎖匙入房啦, 一入到去, 好正常, 冇大問題, 果間房一入去側面就係洗手間的門, 再入小小就係張床, 我個朋友就係隔離間房當我入到間房最入, 眼尾見到有人從我後面入左洗手間, 仲關上了洗手間的門, 我當時真係只係眼尾見到, 咁好下意識地以為我個朋友跟左我入房看看我的房間, 以為佢女友用緊佢間房的洗手間, 就順便在我房的洗手間方便, 咁我唔理佢啦, 放低左自己的行李,坐在床上等朋友出黎, 因為我都想去洗手間, 但等左一會佢都唔出黎, 咁我就拍門說 "阿bill, 快D啦, 好急呀!" (我朋友叫阿bill), 但都係冇反應, 再等了大約十秒左右, 有人拍我的房門, 我起初以為係阿bill的女朋友過黎找他, 咁就去開門啦,點知一開門, 竟然係阿bill在拍門, 我即刻問 "你唔係入左黎我房的洗手間嗎?" 佢話佢冇入過我間房, 當時洗手間門還是關著的, 我明明記得我入房時洗手間門是開的, 係眼尾見到有人入去後關上的, 咁我立即開了洗手間的門, 真係冇人, 即刻成個人吊一吊, 之後就係個心寒一寒, 同我朋友講, 佢就話我眼花, 但係眼花點會係入房時洗手間門明明係開的, 但是之後是關上了呢?
我果晚在洗手間裡沖涼時好鬼驚, 但係個friend同個女朋友一齊, 又冇理由話同佢地一間房, 想過換房, 但係一來唔想講比佢女朋友知嚇親佢(如果話換房佢實知甚麼事), 二來唔想換左唔知去邊間房, 感覺上有D朋友在隔離房會安全D, 有事都可以大聲叫佢地, 所以都冇換房, 果晚唯有開住電視瞓, 我仲記得個晚係播 NBA, 好彩果時未有精子果套鬼片, 如果唔係電視都唔敢開...
好彩果晚都冇甚麼野發生, 而果間酒店只係住一晚, 算係好彩了 |