[閒話一則]大家認為殘酷一叮點呀？ 人人, 真心

s9901237

我身在外國，無咩機會可以睇呀∼不過我就覺得好似幾抄上年暑假903既K謹40，不過李克勤同梁榮忠就好似好鍾意串人黎引觀眾笑，我見到幾多人係度拋個身出黎表演，真係佩服佢地既勇氣（真既）唔似D歌手比話我都做唔到（心入面就話咁破壞形像既事，我唔會做啦），我真係覺得有D過份LOR，嘩∼真係要幾大勇氣先可以上去唱，兩條友仲要將自己同觀眾既快樂建築係人地既痛苦之上，真係好唔知點咁我覺得（雖然我係李克勤既FANS）但係咁樣去窒人真係幾HURT個自尊心LOR。
不過，我又認為，點解呢個節目又咁受歡迎呢？會唔會就係因為真係好似黃子華所講：「一個人最鍾意睇咩？就係最鍾意睇其他人仆街。」唔好話其他人，就我自己，我都有時會幸災樂禍，完全係人之常情，所以，我唔係叫大家唔好睇，我係希望大家係睇既時侯，笑既時侯，諗一下人人都有阿媽生既；易地而處，果個係你，你會唔會好HURT呢？你家人朋友（最緊要係父母）睇完有咩感覺呢？我希望大家睇既時侯，比多兩聲真心的鼓勵，比少兩聲侮辱的譏笑。

bobo20082020

其實我都唔係咁鐘意see殘酷一叮.
我覺得o的主持串人一o的都唔好笑.有點幼稚
反而表演o的人有部份真係好好笑
真係要有好大好大既勇氣.真係好佩服
講真殘酷一叮o的錢真係好吸引..1秒$100
但係我真係無咁既勇氣上去玩....
所以我好欣賞o的表演者..值得鼓勵..☆

CatAndCindy

我就覺得(絕對係本人覺得)呢個殘酷一叮好似'做馬'咁lor有d,上去參加比賽既人好似收左大會錢,跟住表現一場'馬騮戲'比大家睇,為有時覺得佢地既表演真係好似誇張左d

benchan

"殘酷一叮"前身是"都市閒情"中的一個環節的歌唱比賽﹗
這個比賽無論參賽者~唱得有多難聽也不能叮他﹗
要讓參賽者唱到結尾﹗(這會聽死人的~嘻嘻﹗)
現在有殘酷一叮了~如果參賽者唱得難聽的話~可以即時叮他~不留一點面子﹗
我覺得兩位主持人~主持得好不錯~但有時他們也踩人踩得絕了點~和有時都不知到道他們兩個在笑什麼?﹗
有些參賽者唱得還不錯~不知為何原因~給他們兩個叮走了﹗真替那些參賽者不值﹗

vling2884

我d屋企人同朋友都鍾意睇,但自己就冇乜興趣,覺得個兩個主持夾硬迫人笑,d戲好假.,不過好佩服呢班参賽者,肯上台唱歌跳舞,或者d獎金真係太吸引啦!

反反白

我就唔鍾意睇啦~
見到那些人~去show off他們所有的表現欲~
好唔好睇lor~勁唔鍾意睇~
我諗~~就算無錢~
都會有好多人上去"玩"啦~
可能會一舉成名ma~

porkchophell

我自己對這個節目無什麼特別不滿.
因為星期六的節目都是為了娛樂大家.
我只是為了輕鬆才看.
再者我覺得那些參賽者好有表演慾.
可能是1秒100元的關係吧!!!

雷．仲恩

一般一般喜歡看，有些人真的很好笑。但主持不覺得主持得特別好

Aphrodite

想一舉成名的人通街通巷。
我覺得為錢而『正常』表演尚可接受。(人之常情啦)
但為了錢而出賣了自己的尊嚴心，為了錢而做出太過『激烈』的行為，
那就免了。

jpm

我會看，因為有的人真的很誇張，很好笑。但主持說的話太傷人自尊心了吧…