Chieri

我多數係感應到有靈體o既存在，可能我本身經常都感應到，所以都無乜去理會。
有時我搭lift / 行樓梯o個陣都會講句「唔該借借」、「唔該晒呀」等等 .... 咁當然係o係我感應到 / 得自己一個人o個陣時先講，費事嚇親人。
試過有一次我感應到有靈體存在，不過都係照平時咁唔理會，點知就o黎到我要去o個一層o個陣 .... 部 lift 突然停o左一陣 ( 大約係停o左幾秒左右啦 ) 當時即刻就知咩事，之後就講o左句「唔好意思，麼煩你幫幫忙 ..... 我就到o架啦，我o黎搵朋友o架咋 ~~ 唔該你o丫。」講完之後就郁返，臨走時都講返句唔該。

yth919

我有時唔記得把垃X放在門外,我住那兒有一個大垃X筒,我就把垃X放入筒,次次行到個垃X筒,部LIFE 都會開,現在心中..........有時我在LIFE 中發ｘ豆,我發完XX我會發現部LIFE好似在我XXX時停了,直到我眼定定LOOK 住個LIFE 燈的NO.,佢才動........

siupigleung

很久前,記得半夜一時多, 我回家搭 Lift 時, 大廈大堂有兩部 Lift , 一部停在頂樓,一部在地下已開門,但裡面漆黑一片, 燈壞了, 當時我很累... 很想快回家... 而個管理員又不在,等了很久另一部Lift 都不下來 , 唯有搭沒有燈的 Lift, 奇怪事出現.... 一進入漆黑 Lift 時, 燈突然閃下閃下, 嚇得我要馬上離開, 當時Lift 門快要關上, 趕不及了! 終於上升, 燈火突出回復正常了, 原本我好眼訓,但比佢嚇一嚇反而精神左....(笑)

gallon

我都有試過一次...
果時係同班朋友去完飲野之後返屋企,
在搭lift 時突然聽到有人叫我(當時只有我一個人),
把聲好清晰,男人聲黎既~
之後我望下同圍,
果然...
係冇人..........
但當我在以為我聽錯,
繼續看到lift 門發呆時(我當時係而向lift 門)
我見到我後而有個影,
(這lift 內部都是鋁,而門的位置有少少被磨到有點像鏡般光滑)
看得到「我」站在自己背後.....
(因為我在lift 門的反映見到我身後的人和和一模一樣)
之後lift 門一打開我就死衝回家.........................................  

cliffbaby

我都有一個怪異經歷....有一次我如常搭升降機上班.....時間比較早...大概零晨六點咁上下喇,我住係13樓...我係第一個入升降機...之後升降機落到八樓..又有兩個男人入升降機....之後升降機再落到六樓....有一個大約4-5歲的小朋友入升降機....但個小朋友入升降機時係衝入黎......一入到升降機就走咗去個角落企....我冇再理佢....之後升降機落到地下.....當我一出升降機.....我望返轉頭....就唔見咗個小朋友......(咁早我諗唔會有父母比個只有4-5歲既小朋友自己搭升降機!!!)

YeunG仔

我都試過一次,,果次真係有點兒那個-.-
我幢樓曾經有人跳樓而不治,,
有次我同個fd不經已咁行過佢跳左落樓跌落地果個地方,,
跟住我返屋企啦,,搭升降機,,唔知點解無啦啦又上又落,,
上完又落,,落完又上,,又唔開門喎,,嚇到我個fd死(佢係女仔)
但我自己就唔係咁驚,,我起度講 : 朋友,,頭先唔小心踩到你,,唔好意思,,下次唔會啦,,
跟住就即刻無事,,去返我果層停低開門,,跟住之後都無再提起依件事。

MOLLYCHOI

唔見到喱個Topic , 都差O的唔記得左件咁既事,
大概五, 六年前到啦, 我住o個度係無lift既, 每日都係行樓梯上落,
黃昏前還好, 一到夜晚真係嚇死人,
因為條樓梯真係黑麻麻, 只有某一,兩層樓會有o的好微弱既光透出黎.
晚上十一點前回家, 我都會一口氣衝上去,
某一日去街去到半夜 3 點幾返屋企就出事喇~~
當我行樓梯行到一半既時候,
上面樓梯既轉角位, 點解好似企左個人咁既呢,
唯有一直dup低頭, 扮見唔到囉~~~
見到"佢"好似係著住o的阿婆好鍾意著o個o的鞋,  
(行過"佢"身邊既時候, 我覺得心跳真係過200囉)
過完o喱個轉角位, 我當然完全發揮我運動員既潛力, 九秒九衝返屋企啦~~
返到屋企我仲唸, 無理由一個阿婆會半夜三更企o係樓梯度架,
唔通真係想走出黎嚇人咩? 唉~~~咁就一定係o個o的野啦~~~
第二日, 我同返我阿哥阿媽講,
原來阿哥前幾日夜返既時候都見過,
不過就佢見到既係坐左o係樓梯度,
阿媽話屋企樓下有個阿婆O岩O岩去左無耐,
可能我地撞到既係"佢"囉~~~~

lsm1985

我就冇遇過咁既事~
不過就成日感覺到好似有d野係我附近咁
感覺怪怪咁
成日有呢d感覺
但附近又冇人喎~~

cyrusho

我以前住19樓
但係lift最多到18
所以次次都要到18再轉樓梯
試過有次行樓梯個陣ｄ燈突然黑左黑跟住就聽到ｄ跌野既聲音
（可能係ｄ垃圾跌左落黎）
不過無理由咁岩得咁ｑ．．．天氣又咁好
個陣驚到即刻衝入屋

daguilar

我有次好晏先返屋企，（大概晚上11點啦）
之後我搭lift，架lift得我一個，到左我o個層就開門啦，
之後我走番出去，由於我屋企門口係可以見到架lift開關o既，
於是我就一路開屋企度門一路睇住架lift關門，
架lift冇人用就會關門，之後停左起o個層，
但係，度門隔左幾秒又無喇喇開番；
之後我就好奇怪，架lift唔會自己開門架喎…
因為一係出面有人按lift制就開lift門，
一係有人起lift裡面按開門制，
但係我好清楚知道lift裡面同埋內面都係冇人架囉。